المساعد الشخصي الرقمي

مشاهدة النسخة كاملة : مشاااااااااااااااااااااااااكل



الصفحات : [1] 2

Nettawy
17-01-2008, 02:40 AM
الموضوع ده عايزين نخليه للمشاكل اللى بتواجهنا في الكمبيوتر
يعني بطريقه تانيه نقل خبرات
بس بحيث انها كلها تكون ملمومه في موضوع واحد
************
وانا هبدأ بمشكلتي


كل مأكتب أوامر في RUN وأعمل ريستارت للجهاز بيفتح تاني وبلاقيها إختفت
ياترى ايه السبب؟؟؟

Dr.Medicine
17-01-2008, 02:45 AM
موضوع جميل و ان شاء الله نستفيد كلنا منه

STROMA
17-01-2008, 02:47 AM
جميل الموضوع ده يا نتاوى:smiley20:

Nettawy
17-01-2008, 02:59 AM
جزاكم الله خيراً
بس ماتنسونيش
وانا هبدأ بمشكلتي

كل مأكتب أوامر في RUN وأعمل ريستارت للجهاز بيفتح تاني وبلاقيها إختفت
ياترى ايه السبب؟؟؟<!-- / message --><!-- sig -->

مصري متعصب
17-01-2008, 12:03 PM
انا مش فاهم مشكلتك يا نتاوي
يعني بتعمل ريستارت و بيفتح تاني

broken nonna
18-01-2008, 08:32 AM
عاوزة برنامج يحول الريال بلاير لام بي ثري؟!!
بعد اذنكم
و شكراااااااا

Dr_FaSaKoNiA
18-01-2008, 12:35 PM
ده برنامج تحويل من ريال بلاير لأى صيغة تانية او العكس ... انا رفعته على الـ 2shared و لو فى اى مشاكل قوليلى ارفعهولك على اى موقع تانى


http://www.2shared.com/file/2733075/cb4ca9c0/converter52.html

Nettawy
18-01-2008, 12:56 PM
طيب يا جماعه عشان يبقى في تحديد أكتر نخلى الموضوع ده للمشاكل في الكمبيوتر بس
إنما اللى عايز يطلب أي طلب تاني زي برامج مثلا ممكن يدخل هنا
http://www.medicine.cu.edu.eg/english/students/forum/showthread.php?t=3501

وياريت نستني على بعض عشان اللى عنده مشكله تتحل وما تتوهش في النص
تمام كده

Nettawy
18-01-2008, 12:58 PM
وانا هبدأ بمشكلتي

كل مأكتب أوامر في RUN وأعمل ريستارت للجهاز بلاقيها إختفت
يعني الأوامر دي المفروض بتتحفظ ومش بتتشال غير لما أمسح الكوكيز والهستوري إلخ..
إنما كل ماقفل الجهاز بتتمسح تاني.....
ياترى ايه السبب؟؟؟<!-- / message --><!-- sig -->
<!-- / message --><!-- sig -->

broken nonna
18-01-2008, 06:15 PM
معلش يا نتاوي معلش
عيلة وغلطت:icon_mrgr:smiley9.:

Nettawy
18-01-2008, 06:47 PM
معلش يا نتاوي معلش
عيلة وغلطت:icon_mrgr:smiley9.:

<!-- / message --><!-- sig -->
يا خبر
والله ماقصدك
أنا بس بعمل كده عشان شكل الموضوع يفضل ثابت
وبنحط ال outlines كده في الأول
بجد أسف ماكنتش أقصد

greyzone
18-01-2008, 06:57 PM
أنا كمان عندى مشكلة
إلى حد ما أنا متأقلم معاها
بس لو اتحلت يبقى خير
كل ما افتح الجهاز يطلع لى مربع يقول لى
welcome to found new hardware wizard
مع العلم أنى ما ضفتش حاجة جديدة
و الحكاية دى ظهرت بعد الويندوز بكتير
أعمل لها ايه؟؟

Nettawy
18-01-2008, 07:09 PM
كان نفسي أفيدك وأستفيض في الكلام
بس أنا نازل حالاً ومسافر

ekm86
19-01-2008, 03:41 PM
كل مأكتب أوامر في RUN وأعمل ريستارت للجهاز بلاقيها إختفت
يعني الأوامر دي المفروض بتتحفظ ومش بتتشال غير لما أمسح الكوكيز والهستوري إلخ..
إنما كل ماقفل الجهاز بتتمسح تاني.....
ياترى ايه السبب؟؟؟<!-- / message --><!-- sig -->
<!-- / message --><!-- sig -->
أنا مش عارف بصراحة

كانت حصلت معايا حاجة مشابهة بس مش في الويندوز
في قائمة الـsetup اللي ممكن ندخلها قبل الويندوز
كنت كل ما أعمل تغيير ما بيتحفظش
وكانت المشكلة إن بطارية الـmother board مش مشحونة لأن الجهاز مفصول بقاله فترة

يا ريت لو في مثال للأوامر دي
يمكن أقدر أفيدك

ekm86
19-01-2008, 03:43 PM
أنا كمان عندى مشكلة
إلى حد ما أنا متأقلم معاها
بس لو اتحلت يبقى خير
كل ما افتح الجهاز يطلع لى مربع يقول لى
welcome to found new hardware wizard
مع العلم أنى ما ضفتش حاجة جديدة
و الحكاية دى ظهرت بعد الويندوز بكتير
أعمل لها ايه؟؟
تقريبا كده في مشكلة في الـdriver بتاع حاجة معينة من اللي عندك
والمشكلة دي بتخليه يظهر لك النافذة دي

طبعا لما بيقول لك new hardware بيكتب لك اسمه أو أي حاجة تدل عليه
شوف هو بيقول لك على إيه وشيل الـdriver بتاعه خالص واعمل ريستارت .. ولو معاه اسطوانة تعريف حطها وعرفه منها وقول لي إيه اللي حصل

Nettawy
25-01-2008, 12:54 PM
يا ريت لو في مثال للأوامر دي
يمكن أقدر أفيدك
أوامر يا إسلام زي دي
REGEDIT
CMD
PING -t
وحاجات تانيه بس المفروض انهم بيفضلوا محفوظين إلا إذا انا مسحت الهيستوري أو الكوكيز
بس للأسف كل مايفتح الجهاز ألاقيها أبيض يا ورد وأقعد أكتب أي أمر أنا عايزه من تاني

Hamoksha
25-01-2008, 03:29 PM
أنا كمان عندى مشكلة
إلى حد ما أنا متأقلم معاها
بس لو اتحلت يبقى خير
كل ما افتح الجهاز يطلع لى مربع يقول لى
welcome to found new hardware wizard
مع العلم أنى ما ضفتش حاجة جديدة
و الحكاية دى ظهرت بعد الويندوز بكتير
أعمل لها ايه؟؟


لو فعلا محطتش حاجه
خد الجهاز على قد عقله
واقعد اتك نكست نكست كانك ناوي تعرفه يعني
ولما يطلب تعريف
اتك نكست برضه
طبعا هيقولك ملاقيتش تعريف
قوله
Finish وهيقولك Can't install driver
بس
كدا مش هتظهر تاني ان شاء الله
بس لو عارف التعريف ده لأيه يكون احسن لو عرفته
لو استهبال من الجهاز .. استهبل انت كمان معاه:icon_mrgr:icon_mrgr

Hamoksha
25-01-2008, 03:31 PM
أوامر يا إسلام زي دي
REGEDIT
CMD
PING -t
وحاجات تانيه بس المفروض انهم بيفضلوا محفوظين إلا إذا انا مسحت الهيستوري أو الكوكيز
بس للأسف كل مايفتح الجهاز ألاقيها أبيض يا ورد وأقعد أكتب أي أمر أنا عايزه من تاني


جايز انت لاغي حفظ اي كوكيز ؟؟
شوف كدا في الInternet Options
فيه حاجات ممكن تلغي منها الاحتفاظ بأي بيانات من دي

Nettawy
25-01-2008, 03:38 PM
جايز انت لاغي حفظ اي كوكيز ؟؟
شوف كدا في الInternet Options
فيه حاجات ممكن تلغي منها الاحتفاظ بأي بيانات من دي

لا يا حموكشا دي حصلت فجأه

Hamoksha
25-01-2008, 07:17 PM
لا يا حموكشا دي حصلت فجأه


يبقي ملكش غير حلال كل المشاكل
:icon_mrgr
سطب ويندوز تاني

Nettawy
25-01-2008, 07:19 PM
يبقي ملكش غير حلال كل المشاكل
:icon_mrgr
سطب ويندوز تاني
بس بدل مأجيلك البيت

Nettawy
29-02-2008, 03:38 PM
ها يا بشر
جئتكم بمشكله جديده
حد عنده خبره في تحديث ال BIOS
أو تنزيله للبوردات اللى البايوس بتاعها واقع ؟؟؟
ياريت لو حد عارف حاجه يفيدني كده بخبرته

للعلم أنا معايا بورده ضاربه بايوس وعايز أتعلم عليها
لأنها يا صابت با خابت
يعني على حد معرفتي لو نزلت البايوس غلط البورده بتودع على طووول


منتظر الرد بأبطأ مايمكن :)

ekm86
29-02-2008, 04:19 PM
البوردة نوعها إيه؟

Nettawy
01-03-2008, 02:53 AM
Gigabyte .

dr_0nline
01-03-2008, 03:12 AM
تحديث البايوس
*
!!!!!!!!!!
*
ولا الهواااااااا
*
كويس انك هاتتعلم على بوردة نص كم
*
كان نفسي افيدك بس مافيش اي خلفية خالص
*
وبالنسبة لقايمة رن تصدق عندي بردو كدة
؟؟؟
مش عارف عملت لواحدها كدة ولا اخويا لعب فيها
*
سلاموز

ابن الحصري
30-04-2008, 09:13 AM
بوردة جيجا بايت وبتسميها نص كم يا مفنري؟؟

عايز إيه في الزفت البيوس؟

semsema
23-06-2009, 02:50 AM
الموضوع ده طار منه كتييير جداً بس الحمد لله لسه موجود

عندي مشكلة ظهرت فجأة النهاردة
الكلام اللي قدام الايقونات نصه قلب أزرق في كل البارتيشنز
و فيه بارتيشن كامل بقى أزرق

http://i411.photobucket.com/albums/pp192/DrSamah/ScreenCaptureProfessional1274.jpg

ايه النظام؟

ekm86
23-06-2009, 06:23 AM
متهيألي إن ده ويندوز إكس بي واخد شكل الفيستا مش كده؟
المهم
اللون الأزرق ده معناه إن الويندوز الإكس بي ضاغط بعض الملفات عشان يوفر في المساحة
وبالتالي الملفات الزرقا.. هي المضغوطة.. والسودا هي العادية
طبعا ده ممكن يسبب شوية بطء في استخدام الملفات دي لو امكانيات الجهاز قليلة شوية
لو حسيتي بالبطء ده ممكن تلغي الخاصية دي
بإنك تعملي كليك يمين على البارتيشن اللي فيه كده وهتلاقي اختيار
على ما أفتكر اسمه "enable compression"
أو يمكن زي ما هو في الفيستا : compress this drive to save disk space
أي حاجة بالمعنى ده يعني.. هتلغي علامة الصح اللي قدامه.. وخلاص

--------
أما بالنسبة للحاجات اللي راحت.. هاحاول إن شاء الله أرجعها في صورة سؤال ورد بعد ما أفضى وأهدى شوية

semsema
23-06-2009, 07:28 AM
متهيألي إن ده ويندوز إكس بي واخد شكل الفيستا مش كده؟
المهم
اللون الأزرق ده معناه إن الويندوز الإكس بي ضاغط بعض الملفات عشان يوفر في المساحة
وبالتالي الملفات الزرقا.. هي المضغوطة.. والسودا هي العادية
طبعا ده ممكن يسبب شوية بطء في استخدام الملفات دي لو امكانيات الجهاز قليلة شوية
لو حسيتي بالبطء ده ممكن تلغي الخاصية دي
بإنك تعملي كليك يمين على البارتيشن اللي فيه كده وهتلاقي اختيار
على ما أفتكر اسمه "enable compression"
أو يمكن زي ما هو في الفيستا : compress this drive to save disk space
أي حاجة بالمعنى ده يعني.. هتلغي علامة الصح اللي قدامه.. وخلاص


جزاكم الله خيراً :smiley1:

بس في مشكلة إن العلامة أصلاً لقيتها ملغية :bold:

semsema
23-06-2009, 11:13 PM
طيب في معلومة كمان
أنا كنت عملت Disk cleanup قبلها بيوم
بس أنا عملته كتير قبل كده
هل في علاقة؟

over_dose
23-06-2009, 11:21 PM
ايوة انا اعرف ان الكلين اب بيعمل الحركة دي بيضغط الملفات اللي بيمر عليها فترة لم تعدل وانتي اللي بتحددي الفترة دي

وبالنسبة للعلامة اللي مش موجودة الاحتمالات انك مش عارفة مكانهما او الويندوز متفيرس في الريجيستري او ان الويندوز مش أصلي واللي ضاربه ونسخه وقع منه ملفات
for differential diagnosis

semsema
23-06-2009, 11:34 PM
ايوة انا اعرف ان الكلين اب بيعمل الحركة دي بيضغط الملفات اللي بيمر عليها فترة لم تعدل وانتي اللي بتحددي الفترة دي

وبالنسبة للعلامة اللي مش موجودة الاحتمالات انك مش عارفة مكانهما او الويندوز متفيرس في الريجيستري او ان الويندوز مش أصلي واللي ضاربه ونسخه وقع منه ملفات
for differential diagnosis

مكانها مش لغز يعني :smiley1:

و أنا منزلة النسخة من هنا
http://vortex-eg.com/home/index.php

ekm86
24-06-2009, 04:23 PM
طيب في معلومة كمان
أنا كنت عملت Disk cleanup قبلها بيوم
بس أنا عملته كتير قبل كده
هل في علاقة؟

أيوة في اختيار إنه يضغط الملفات القديمة
زي ما أوفر دوز قال
وممكن تعرفي إذا كان السبب فعلا هو الضغط
بإنك تلغي الاختيار ده
Tools-->Folder Options-->View Tab-->"Show encrypted or compressed NTFS files in color"

بعد ما تلغيه لو اللون بقى عادي.. يبقى هو الموضوع فعلا عشان حكاية الضغط دي

over_dose
25-06-2009, 02:42 PM
انا مش فاهم اللون مزعلك في ايه هي جت عليها

وبالنسبة للنسخة بتاعتك فهي مضروبة بامتياز ده نصها تقريبا واقع

semsema
25-06-2009, 11:56 PM
أيوة في اختيار إنه يضغط الملفات القديمة
زي ما أوفر دوز قال
وممكن تعرفي إذا كان السبب فعلا هو الضغط
بإنك تلغي الاختيار ده
Tools-->Folder Options-->View Tab-->"Show encrypted or compressed NTFS files in color"

بعد ما تلغيه لو اللون بقى عادي.. يبقى هو الموضوع فعلا عشان حكاية الضغط دي
أستاااااااااذ و رئيس قسم :smiley20:
شكراً يا دوك


انا مش فاهم اللون مزعلك في ايه هي جت عليها

وبالنسبة للنسخة بتاعتك فهي مضروبة بامتياز ده نصها تقريبا واقع
مش مزعلني و لا حاجة
يمكن أزرق الجهاز كله كمان بعد ماعرفت الطريقة
و في فاعل خير على الفورم -ربنا يكرمه- قاللي طريقة تانية ممكن ألون بيها زي ما أنا عايزة
الحكاية إني استغربت التغيير ده بس مش أكتر
عرفت منين بقى إنها مضروبة؟ 20onion

ekm86
27-06-2009, 01:30 AM
عرفت منين بقى إنها مضروبة؟ 20onion
الويندوز الإكس بي له شكل معين.. وألوان معينة.. هي الأزرق والأخضر والرصاصي "الفضي"
أي لعب أو تغيير في الشكل ده بيدل إن النسخة ملعوب فيها

semsema
27-06-2009, 02:26 AM
الويندوز الإكس بي له شكل معين.. وألوان معينة.. هي الأزرق والأخضر والرصاصي "الفضي"
أي لعب أو تغيير في الشكل ده بيدل إن النسخة ملعوب فيها

يعني الفيستا الملون ده كله مضروب؟

ekm86
27-06-2009, 03:27 AM
يعني الفيستا الملون ده كله مضروب؟

الفيستا اللي أصله فيستا.. مش مضروب.. لأن ده نظام تشغيل جديد مالوش علاقة بالإكس بي
وله شكل مختلف وoptions مختلفة
أما اللي إنتي وريتيهولنا في الصورة.. فده مش فيستا
ده إكس بي
لكن ناس عاملينله شكل الفيستا بس..
حتى من ضمن الحاجات اللي بتبين ده زرار الـstart
بتلاقيه دايرة كاملة في الفيستا.. لكن في الإكس بي بيبقى ناقص منه حتة من فوق
غير إن الخيارات اللي في النافذة على الشمال.. مش بتبقى موجودة دلوقتي في الفيستا

semsema
27-06-2009, 03:33 AM
الفيستا اللي أصله فيستا.. مش مضروب.. لأن ده نظام تشغيل جديد مالوش علاقة بالإكس بي
وله شكل مختلف وoptions مختلفة
أما اللي إنتي وريتيهولنا في الصورة.. فده مش فيستا
ده إكس بي
لكن ناس عاملينله شكل الفيستا بس..
حتى من ضمن الحاجات اللي بتبين ده زرار الـstart
بتلاقيه دايرة كاملة في الفيستا.. لكن في الإكس بي بيبقى ناقص منه حتة من فوق
غير إن الخيارات اللي في النافذة على الشمال.. مش بتبقى موجودة دلوقتي في الفيستا
كده فهمت 54onion
شكراً على التوضيح

ekm86
27-06-2009, 03:40 AM
على فكرة..
لو ليكي حد بيدرس في الكلية "أخ أو أخت مثلا"
فهو له نسخة ويندوز أصلية اكس بي.. وواحدة فيستا.. واتنين أوفيس .. واحدة 2003 والتانية 2007
التفاصيل.. هنا:
http://www.kasralainy.com/forum/showthread.php?t=8189

STROMA
27-06-2009, 03:56 AM
طب انا عندى الكمبيوتر صوته بيكتم فجاه بالذات لما اكون مشغله حاجه وداخله فى نفس الوقت على النت

مش عارفه ايه السبب ولا اعمل ايه ؟

وكمان الكمبيوتر بيعمل فجاه ريستارت لوحده بدون مقدمات

وبرضه مش عارفه ليه

ده ممكن يكون باور سبلاى فعلا ولا ايه ؟؟20onion

ekm86
27-06-2009, 04:05 AM
طب انا عندى الكمبيوتر صوته بيكتم فجاه بالذات لما اكون مشغله حاجه وداخله فى نفس الوقت على النت

مش عارفه ايه السبب ولا اعمل ايه ؟

وكمان الكمبيوتر بيعمل فجاه ريستارت لوحده بدون مقدمات

وبرضه مش عارفه ليه

ده ممكن يكون باور سبلاى فعلا ولا ايه ؟؟20onion
شكله كده داخل على مشكلة ويندوز أو تعريفات
بس الأول اتأكدي إن الكروت ثابتة في مكانها
وافتكري لو المشكلة حصلت بعد تحميل برنامج معين.. يبقى تشيليه وتحطيه تاني
وفي الآخر جربي الـrestore point

STROMA
27-06-2009, 04:15 AM
اتاكدت ان الكروت فعلا فى مكانها كلها

المشكله دى حصلت من ساعة ما سطبت الويندوز تقريبا

وشكيت فى كذا برنامج وشيلتهم بس يبقى الحال على ما هوا عليه

semsema
27-06-2009, 06:49 AM
على فكرة..
لو ليكي حد بيدرس في الكلية "أخ أو أخت مثلا"
فهو له نسخة ويندوز أصلية اكس بي.. وواحدة فيستا.. واتنين أوفيس .. واحدة 2003 والتانية 2007
التفاصيل.. هنا:
http://www.kasralainy.com/forum/showthread.php?t=8189

أيوة أنا أخدت بالي من الموضوع ده
بس للأسف معنديش حد
و أهي النسخة شغالة وخلاص

جزاكم الله خيراً

over_dose
27-06-2009, 04:55 PM
اتاكدت ان الكروت فعلا فى مكانها كلها

المشكله دى حصلت من ساعة ما سطبت الويندوز تقريبا

وشكيت فى كذا برنامج وشيلتهم بس
يبقى الحال على ما هوا عليه


ههههههههههههههه
والمتضرر يلجأ إلى القضاء

بالنسبة لمشكلة الريستارت
لو انتي مسطبة نسخة ويندوز ماجربتيهاش قبل كده ممكن المشكلة تكزن منها
وممكن كمان يكون ده واحد امن الفيروسات المشهورة اللي بتشيل سكتورز معينة توقع الويندوز
وممكن يكون في الاخر خالص البروسيسور ودي حصلت معايا انا شخصيا
ماتتخضيش
فقط خدي باك اب من ملفاتك المهمة على السي وقرمتي السي ونزلي نسخة ويندوز انتي متعودة عليها او حد تاني مجربها
وقبل ماتفتحي اي ملفات تكوني سطبتي الانتي فيرس الأول


بالنسبة لمشكلة لاصوت فدي واضحة لو انتي عندك كارت الصوت مدمج Intel يبقى ده عدم توافق في شغل برنامج التعريف بتاع ASLA وده ياما هو مرفق مع الويندوز( غالبا ) وده معناه اللي ضارب النسخة وقع منها ملفات
ا انتي اللي نزلتيه ونزلتيه غلط ودي بسيطة عيدي التعريف


بالتوفيق

STROMA
27-06-2009, 05:35 PM
ههههههههههههههه
والمتضرر يلجأ إلى القضاء

بالنسبة لمشكلة الريستارت
لو انتي مسطبة نسخة ويندوز ماجربتيهاش قبل كده ممكن المشكلة تكزن منها

لالالا مجرباها ميت مره دى هيا النسخه الوحيده اللى عندى
وممكن كمان يكون ده واحد امن الفيروسات المشهورة اللي بتشيل سكتورز معينة توقع الويندوز
واعمل ايه مع الفيروس ده ؟؟
وممكن يكون في الاخر خالص البروسيسور ودي حصلت معايا انا شخصيا
ماتتخضيش

فقط خدي باك اب من ملفاتك المهمة على السي وقرمتي السي ونزلي نسخة ويندوز انتي متعودة عليها او حد تاني مجربها
وقبل ماتفتحي اي ملفات تكوني سطبتي الانتي فيرس الأول

مانا لسه منزله واحد هيا ايه الحكايه دى بقى


بالنسبة لمشكلة لاصوت فدي واضحة لو انتي عندك كارت الصوت مدمج intel يبقى ده عدم توافق في شغل برنامج التعريف بتاع asla وده ياما هو مرفق مع الويندوز( غالبا ) وده معناه اللي ضارب النسخة وقع منها ملفات
ا انتي اللي نزلتيه ونزلتيه غلط ودي بسيطة عيدي التعريف


بالتوفيق

اعدت التعريف فى مره وفضل زى ما هوا ويعنى ايه نزلته غلط

معلش الجزء ده مش واضح بالنسبه لى ممكن توضيح اكتر ؟؟



جزااااااااااااااااااااااااااك الله كل خييييييييييييير

over_dose
27-06-2009, 11:16 PM
بصي واضح انك مش بتعرفي تتعاملي مع مصادر المعلومات بأمان وبتتفيرسي بسرعة
فهاتعملي خطوة التسطيب من جديد بدون شك مرة تانية بس خلي بالك المرة دي وسطبي الانتي فيرس حتى قبل ماتشغلي اغنية حتى من على الكمبيوتر وتعملي سكان وتسيبيه وتروحي تنامي

بالنسبة للصوت هو لما تنزلي الويندوز بيبقى متعرف ولا بيحتاج منك تعريف يدوي؟

STROMA
28-06-2009, 05:44 AM
بصي واضح انك مش بتعرفي تتعاملي مع مصادر المعلومات بأمان وبتتفيرسي بسرعة

نتعلم من حضرتك ازاى نتعامل :)
فهاتعملي خطوة التسطيب من جديد بدون شك مرة تانية بس خلي بالك المرة دي وسطبي الانتي فيرس حتى قبل ماتشغلي اغنية حتى من على الكمبيوتر وتعملي سكان وتسيبيه وتروحي تنامي

تمام ان شاء الله بس هوا اخر مره سطبته فيها عذبنى عقبال ما رضى يتسطب

هل مفيش اى امكانيه انى اتعامل مع الفيروس ده قبل ما يتسطب ؟؟

بالنسبة للصوت هو لما تنزلي الويندوز بيبقى متعرف ولا بيحتاج منك تعريف يدوي؟
تعريف يدوووى



معلش تعبينك

over_dose
28-06-2009, 01:29 PM
معلش بتأخر في الرد لسه راجع من الامتحان النهاردة

شوفي هو المشكلة انك ممكن تشيلي الفيروس وده ممكن تعمليه دلوقتي عادي بانتي فيروس محترم لكن الملفات اللي بوظها باظت خلاص احتمال ماتعرفيش ترجعيها تاني

عموما ايه مشكلتك في التستطيب اللي بتطلع عينك واحنا نساعدك

بالنسبة لتعريف الصوت حاولي تجيبي نسخة أحدث ليه من على النت ولو مش عارفة قولي وانا اجيبهالك

انا رايح اموت قصدي انام

STROMA
30-06-2009, 02:17 AM
معلش بتأخر في الرد لسه راجع من الامتحان النهاردة

شوفي هو المشكلة انك ممكن تشيلي الفيروس وده ممكن تعمليه دلوقتي عادي بانتي فيروس محترم لكن الملفات اللي بوظها باظت خلاص احتمال ماتعرفيش ترجعيها تاني

عموما ايه مشكلتك في التستطيب اللي بتطلع عينك واحنا نساعدك

بالنسبة لتعريف الصوت حاولي تجيبي نسخة أحدث ليه من على النت ولو مش عارفة قولي وانا اجيبهالك

انا رايح اموت قصدي انام

تمام انا اقصد بس انى اتعامل معاه دلوقتى عشان مش يتعبنى وانا بنزل ويندوز جديد

مشكلتى فى التسطيب ان وانا بسطب ولما باجى عند خطوخ اختيار انا عاوزه اعمل ايه الاقى بدل كده تجيلى صفحه زرقا ومكتوب فيها ان فيه error حصل وان الويندوز مش عرف يدخل على صفحة التسطيب ومش عارف يكمل

اقوم انا مضطره اعيد الخطوات كلها تانى من الاول عقبال ما يحن عليا وينفع يسطبلى وده بيكون بعد حوالى عشر مرات ولا حاجه

بالنسبه للصوت هحاول اجيبله نسخه احدث ولو مش عرفت هاقولكوا

ذو عين واحدة
30-06-2009, 02:52 PM
لو بتسمعي أي صوت تكتكة من الجهاز يا ستروما
يبقى المشكله في الهارد
لو ما تسمعيش افحصي عن الباد سكتورز من بره بالدوس بأي سي دي بوتابل أو ديسك تشغيل
أو ببرامج بتفحص الباد
من جوه وحاولي تصلحيها

أنا بصراحة و من غير ما ارعبك حاسس المشكله في الهارد
فيا ريت تسمعي صوته كويس وهو لسا بيبدأ تشغيل

ekm86
30-06-2009, 03:30 PM
أنا بصراحة و من غير ما ارعبك حاسس المشكله في الهارد
فيا ريت تسمعي صوته كويس وهو لسا بيبدأ تشغيل


فعلا بعد موضوع الشاشة الزرقا دي حاسس إن المشكلة منه
ولو إنها مش لازم تكون إنه باظ يعني.. يعني ممكن يكون عايز يتفرمط "الـC يعني".. أو يكون البارتيشن ده عايز يتظبط ببارتشين ماجيك
عموما الأول جربي تعمل Disk check.. وDisk defragment
من الـproperties بتاعة الـC..
Tools tab

جربي الأول وبعدين نشوف

"وطبعا ما تنسيش في الأول تركزي مع صوت التكتكة اللي ذو عين قال عليه.. لما الجهاز بيشتغل .. صوته طبيعي ولا بيعمل التكتكة دي"

STROMA
30-06-2009, 08:32 PM
تكتكه وهارد
20onion

انا مش بسمع الا صوت المروحه وصوت الهارد العادى لما بيقوم

مش تكتكه ولا حاجه

ربنا يطمنكوا

بس ايه علاقة الشاشه الزرقا بالهارد ده معناه ايه يعنى؟؟

انا قولتلكوا على المشكله دى قبل كده فى اخر مره سطبت الهارد فيها بس قولتلى ده من فيروس

!!!!


مش عارفه بقى حيرتونىىى

winner
30-06-2009, 10:17 PM
حرام عليك يا اسلام انت و اوفر دوز توهتوا البنية ..

الوان زرقا و صوت بيتكتم و تكتكة و هارد و بروسيسور ..

ايه الشغلانة دي كلها ..


شوفي يا بنتي المراوح بتاعة الكيسة اذا كان عليها تراب و نضفيها ..!!

و سطبي بالمرة نسخة ويندوز عليها القيمة و سيبك من النسخ التعبانة اللي ملت البلد ..

STROMA
30-06-2009, 10:27 PM
نسختى اصليه يا وينر

احنا مش بنشتغل فى المضروب

وشكرا على النصيحه

ekm86
30-06-2009, 11:32 PM
حرام عليك يا اسلام انت و اوفر دوز توهتوا البنية ..
الوان زرقا و صوت بيتكتم و تكتكة و هارد و بروسيسور ..


أنا كل اللي قلته ما دام مافيش صوت غريب أول ما الجهاز بيشتغل.. يبقى ممكن يكون الهارد عايز يتفرمط بشكل كويس شوية
لأن الويندوز مش عارف يحط ملفاته عليه وهو بيتسطب

بس كده
68onion

over_dose
01-07-2009, 12:29 AM
لو متأكدة ان نسختك أصلية مش منسوخة وبيجيلك الخطأ ده معناها الاسطوانة اتخدشت
شوفيلك نسخة تانية

وينر انا ماقولتش حاجة خالص لا تكتكة ولا حاجة

وعموما انا مش قادر اتكلم دلوفتي انا حاسس خير اللهم اجعله خير ان النور عندي بدأ يطفي لما افوقلكم بعدين نبقى نتفاهم

STROMA
01-07-2009, 01:33 AM
طيب انا نزلت كاسبر سكاى عشان اعمل سكان على الكمبيوتر

مطلعلى لحد الان تلات ملفات vulnerabillity

واحد خطير جدا وواحد مش خطير وواحد خطوره عاليه

هيا ديا فيروسات فعلا ولا ديا ملفات قابله ان يتحط فيها فيروس عشان مش فاهمه

winner
01-07-2009, 04:22 PM
طيب انا نزلت كاسبر سكاى عشان اعمل سكان على الكمبيوتر

مطلعلى لحد الان تلات ملفات vulnerabillity

واحد خطير جدا وواحد مش خطير وواحد خطوره عاليه

هيا ديا فيروسات فعلا ولا ديا ملفات قابله ان يتحط فيها فيروس عشان مش فاهمه





ما تشيليهم و خلاص ..

لازم تعرفي دول ايه يعني ..

لو من اجل العلم و المعرفة يعني .. ده تقييم لخطورة الملف اللي عندك .. ممكن يكون فيرس بقى و لا وورم .. بس في الاخر هتشيليه .. الا اذا كنتي بتعرفي في فايلات الفيروسات فتقدري تعرفي الملف ده ايه ..

ساعات الانتي فيرس بيعتبر ان ملفات الكراك وورم .. و بيحذفها .. و هي مش مؤذية ..

و فيه انتي فيرس بيعتبر ان ملفات تشغيل البرامج - بما ان امتدادها exe. - فيروسات و بيحذفها .. و ده طبعا بيبوظ الدنيا ..

ما علينا .. شيليهم و خلاص ..

STROMA
01-07-2009, 05:53 PM
شيلتهم خلاص

ekm86
02-07-2009, 04:43 PM
شيلتهم خلاص
وفي نتيجة ولا لأ؟
وشفتي الاسطوانة إذا كانت متخربشة؟

لو لقيتيها مخدوشة وعايزة تعرفي المشكلة من الخدش ده ولا لأ.. في طريقة حلمنتيشي كده

اعمليلها كوبي في أي حتة من الهارد وشوفي النسخ هيكمل عادي ولا هيقف في حتة معينة

STROMA
03-07-2009, 03:16 PM
وفي نتيجة ولا لأ؟
وشفتي الاسطوانة إذا كانت متخربشة؟

لو لقيتيها مخدوشة وعايزة تعرفي المشكلة من الخدش ده ولا لأ.. في طريقة حلمنتيشي كده

اعمليلها كوبي في أي حتة من الهارد وشوفي النسخ هيكمل عادي ولا هيقف في حتة معينة

فيها خربشات خفيفه كده

انما حكاية شيل الملفات دى معملتش حاجه

STROMA
03-07-2009, 05:53 PM
لو انا عندى خط النت 256

يبقى معدل الاب لود يبقى كام ؟؟

winner
03-07-2009, 07:03 PM
لو انا عندى خط النت 256

يبقى معدل الاب لود يبقى كام ؟؟



الـ Upload بيكون عادة في حدود نص الـ Download ..

يعني مثلا لو الـ Download عندك 20 kbs .. الـ Upload هيكون تقريبا 10 kbs ..

ممكن تعملي قياس لسرعة النت عندك على النت و هيقولك السرعات بتاعتك كام .. لكن ده مش دقيق ..

ekm86
03-07-2009, 07:28 PM
السرعة بتبقى 256/64
اقسمي على تمانية
بيبقى الداونلود في حدود 30 كيلو في الثانية (أكتر أو أقل شوية)
والأبلود 8 كيلو في الثانية (أكتر أو كالعادة أقل شوية)

STROMA
03-07-2009, 08:12 PM
الف شكر يا دكاتره

STROMA
03-07-2009, 10:01 PM
لوحة المفاتيح هبلت لما بدوس على حرف واحد يكتبلى تلات حروف او حرفين

وانا شغاله على لوحة المفاتيح اللى على الشاشه اعمل ايه بقى؟

STROMA
03-07-2009, 11:13 PM
بالمناسبه الكى بورد وقع عليها مية :(

winner
03-07-2009, 11:44 PM
بالمناسبه الكى بورد وقع عليها مية :(




بالمناسبة !!!


انشريها لما تنشف ..!!


يستحسن انك تقفلي الكمبيوتر دلوقتي .. و تشيلي الكيبورد من الكمبيوتر .. و بعدين تفكيها .. و تمسحي المية اللي جوا على قد ما تقدري .. و تسيبيها تنشف .. و يستحسن تحطيها قدام مروحة .. و بعد ما تتأكدي انها نشفت خالص ابقي ركبيها تاني و وصليها بالكمبيوتر .. و ان شاء الله تشتغل ..

Nettawy
03-07-2009, 11:52 PM
إحتمال كبير الكيبورد تكون ودعت

STROMA
03-07-2009, 11:53 PM
بالمناسبة !!!


انشريها لما تنشف ..!!


يستحسن انك تقفلي الكمبيوتر دلوقتي .. و تشيلي الكيبورد من الكمبيوتر .. و بعدين تفكيها .. و تمسحي المية اللي جوا على قد ما تقدري .. و تسيبيها تنشف .. و يستحسن تحطيها قدام مروحة .. و بعد ما تتأكدي انها نشفت خالص ابقي ركبيها تاني و وصليها بالكمبيوتر .. و ان شاء الله تشتغل ..


انا حاطاها اهو ربنا يسهل

STROMA
04-07-2009, 01:06 AM
ودعت خلاص:(

Nettawy
04-07-2009, 04:02 AM
هذا ماكنت أخشاه
مفيش حد بيتعلم ببلاش

over_dose
07-07-2009, 11:28 PM
والله الموضوع لذيذ انا شخصيا بحب اتفرج على اللي بيحصل هنا

بتفكروني بنفسي زمااااان

على فكرة يا ستروما برنامج كاسبر سكاي بيحذف الفيروسات تلقائيا انم بيسألك عن الملفات المشكوك فيها فانتي لو مالكيش في الموضوع ظبطي اعدادته علشان ياخد قراره بنفسه وربنا يستر بقى

STROMA
08-07-2009, 12:29 AM
جبت كى بورد جديده :)


وضظبط الصوت ومش بقى يقطع


ناقص مشكلة الريستارت دى بس

Nettawy
09-07-2009, 07:00 PM
I ve aproblem here...
My internet connection is strange... It was working good ,suddenly stopped working.
N.B.
While pinging from my pc it gave me request timed out with no browsing..ok?
I tried to change z value of my speed/doublix from 100Mb to 10 Mb then it was pinging denoting active connection ..but wiz no browsing or chating

Nettawy
09-07-2009, 07:03 PM
By z way, i used a notebook to know where is z problem & was pinging with only access to yahoo messenger & no browsing..
What it could be?

ekm86
09-07-2009, 07:20 PM
وايرليس ولا سلك
لو سلك اتأكد ان السلك سليم

ekm86
09-07-2009, 07:21 PM
بس ممكن تكون مشكلة في الخط نفسه أو في الإعدادات ودي هيفيدك فيها خدمة العملاء

Nettawy
09-07-2009, 07:26 PM
Don't bother, el system w23 & my HD Wd3 ...
It was so quick..all that after using infected flash memo

ekm86
11-07-2009, 04:28 PM
إزاي؟
مش إنت بتقول إن المشكلة حصلت على الـpc وعلى اللابتوب؟

Dr.A.M
14-08-2009, 07:14 PM
انا عندى مشكلة
دلوقتى وأنا بخش على الويندوز بيطلعى رسالة فيما معناها أنى فاضلى 6 أيام ونسخة الويندوز تنتهى
يقولى عايز تعمل اكتيفيت للنسخة ولا لأ ولما ادوس اكتفيت يفتحلى صفحة activation ويقولى إن النسخة اساسا معملوها activation

ممكن حل

winner
14-08-2009, 07:23 PM
نوع نسخة الويندوز ايه ؟؟

ليها كراك ؟؟

اسستعملت برنامج انتي فيرس مؤخرا و عملت بيه سكان ؟؟

اسمه ايه البرنامج ده ؟؟


بتستخدم برامج تنضيف الويندوز و خلافه ؟؟

اسمه ايه البرنامج ؟؟

و اخر مرة استخدمته امتى ؟؟



سيبك من كل اللي فات و اعمل ريستارت للجهاز .. اعمل اكتيفيشن تاني حسب نوع التسجيل اللي عندك .. و لو نسخة الويندوز اصلا اي كلام شيلها و ستب واحدة جديدة لان عمرها الافتراضي في طريقه الى الانتهاء ..

Dr.A.M
14-08-2009, 08:12 PM
نوع نسخة الويندوز ايه ؟؟
xp prof.
sp3
ليها كراك ؟؟
أه عملها كراك
اسستعملت برنامج انتي فيرس مؤخرا و عملت بيه سكان ؟؟
لا
اسمه ايه البرنامج ده ؟؟
لأ


بتستخدم برامج تنضيف الويندوز و خلافه ؟؟
برنامج صغير اوى بينضف السى
اسمه ايه البرنامج ؟؟
Dustbuster
و اخر مرة استخدمته امتى ؟؟
من مده أسبوع ممكن

المشكلة إن النسخة شغالة كويس وأداها عادى مش حلو ومش وحش
ومش عايز أستب نسخة عشان مش فاضى
ممكن حل 20onion

winner
14-08-2009, 08:34 PM
غالبا تقريبا و الله اعلم ان نسخة الويندوز اللي عندك مش اصلية

و ممكن تكون معدلة .. و دي بتكون نسخ ضعيفة ..

و خاصة ان النسخ ال SP3 مش هتلاقيها تقريبا غير نسخ منسوخة .. و غالبا بتكون تعبانة ..

و اكبردليل على انها منسوخة ان ليها كراك ..

البرنامج بتاع تنضيف الجهاز اللي عندك ده مجهول الهوية .. انصح باستبداله ببرنامج موثوق زي tuneup Utilities مثلا .. لان البرامج المجهولة احيانا بتمسح ملفات موجودة على الجهاز و بتكون مهمة ..

الحل بقى ..

شيل ملف الكراك من السي (اذا كان لسة موجود) ..

و حط الملف تاني في السي .. بس ما تشغلوش ..

لو الويندوز ابديت شغال عندك وقفه .. لان التحديثات اللي بينزلها مش بيتعرف عليها الكراك .. و يرجع يقولك نسختك خلصت ..

لو عندك انتي فيرس مجهول النسب شيله ..

لو عندك ريستور بوينت ارجعلها ..

او اعمل ريستارت .. و شغل الكراك تاني ..

و ان شاء الله المشكلة تتحل ..

Dr.A.M
16-08-2009, 05:30 AM
تم حل المشكلة شكرا يا وينر باشا

winner
16-08-2009, 07:32 AM
تم حل المشكلة شكرا يا وينر باشا



عفوا يا باشا ..

dr ZMZ
18-08-2009, 08:03 PM
مش عارفة ادخل على ايميلي onion4

كل ما ادخل بيه يقولي Invalid ID or password

over_dose
18-08-2009, 10:58 PM
اول مرة أعرف انك بنت مش ولد

ما علينا

نوع الإيميل ايه؟
مسجلة في حسابك ايميل بديل ولا ﻷ؟
فاكرة اجابة السؤال السري؟

dr ZMZ
18-08-2009, 11:03 PM
اول مرة أعرف انك بنت مش ولد

54onion

ما علينا

نوع الإيميل ايه؟

ياهو
مسجلة في حسابك ايميل بديل ولا ﻷ؟

اعتقد مسجلة
فاكرة اجابة السؤال السري؟

هو انا فاكرة السؤال اصلا ؟؟!!

Nettawy
19-08-2009, 12:16 AM
غالبا من السهل تذكر السؤال
لأنه موضوع مع عدة إختيارات فانت لو عنيكي وقعت عليه هتفتكريه ان شاء الله
المشكله بتكمن في تاريخ الميلاد لو كنتي سجلتيه عشوائي
أو ال zip/postal code لو كان عشوائي بردو
ومش فاكره أي منهما

لو كده يبقى عليه العوض

dr ZMZ
19-08-2009, 12:22 AM
غالبا من السهل تذكر السؤال
لأنه موضوع مع عدة إختيارات فانت لو عنيكي وقعت عليه هتفتكريه ان شاء الله
المشكله بتكمن في تاريخ الميلاد لو كنتي سجلتيه عشوائي
أو ال zip/postal code لو كان عشوائي بردو
ومش فاكره أي منهما

لو كده يبقى عليه العوض

لأ عارفة الاتنين إن شاء الله .. اعمل ايه بقى ؟؟

Nettawy
19-08-2009, 12:29 AM
هتلاقي اختيار
Forgot my ID/Password

إدخلي عليه واتبعي التعليمات

Nettawy
19-08-2009, 12:30 AM
بس أهم حاجه بردو زي ماقال أوفر دوز ان الايميل الاحتياطي يكون معاكي الباسوورد بتاعته
لأن هيبعتلك عليه الباس وور الجديده

dr ZMZ
19-08-2009, 12:41 AM
Sorry, your password can't be reset online (9024)

66onion

dr ZMZ
19-08-2009, 01:56 AM
خلاص بقى الله يرحمه .. مش فاكره الايميل التاني

شكرا يا اوفر دوز .. و شكرا يا نتاوي





بس انا عايزة اعرف بقى .. هو ايه اللي ممكن يكون حصل اصلا ؟؟

Nettawy
19-08-2009, 02:06 AM
فتحتي الايميل بره بيتك مثلا ؟
عند واحده صاحبتك واستندلت معاكي !!

ممكن تتأكدي من زرار ال Caps Lock
ساعات بيختلف لو الحروف كاتباها small وهو مفتوح يعملها capital

يا اما الياهو بيخرف تخريف مؤقت (عملها معايا قبل كده)

dr ZMZ
19-08-2009, 05:23 AM
فتحتي الايميل بره بيتك مثلا ؟
عند واحده صاحبتك واستندلت معاكي !!

مفتحتش ايميلي برة

ممكن تتأكدي من زرار ال Caps Lock
ساعات بيختلف لو الحروف كاتباها small وهو مفتوح يعملها capital

الباسوورد مفيهوش حروف اصلا

يا اما الياهو بيخرف تخريف مؤقت (عملها معايا قبل كده)

يا رييييييييييت 59onion

هاجر
19-08-2009, 10:55 AM
يا اما الياهو بيخرف تخريف مؤقت (عملها معايا قبل كده)


من ناحية بيخرف فبيخرف كتيييييييييييييييييييييييييييييييييييييييييييييير
متقلقيش ان شاء الله يتظبط

over_dose
19-08-2009, 12:14 PM
العفو تحت امرك ويارب ياهو يتحترمو نفسهو ميسيبوهم من سيرفر بتاع ميكروسوفت اللي مشغيلنه ده ويستخدمو لينوكس

على فكرة انا انصح ب Gmail احسن كتير جدا واقل كتييييييييييييييييييييييييييييييير في السبام
ومميزات اخرى كتير جدا

Nettawy
19-08-2009, 12:17 PM
فعلا جوجل جباره بمعنى الكلمة في كل خدماتها

dr ZMZ
19-08-2009, 04:51 PM
87onion87onion

اشتغل .. اشتغاااااااااااااااال

واضح ان الياهو بيخرف فعلا

dr_0nline
19-08-2009, 06:48 PM
مبروك يازيد

اه والله فعلا بيخرف
*
دا مرة طلع عيني وقولت الميل اتسرق
وخلاني اغير الباس ورد بالعافيه
وماعتش ينفع اعمل الباس القديمة تاني مش عارف ليه
حرف فيها الياهو ماعتش بيقبلو كحرف من حروف الباس

Nettawy
19-08-2009, 10:48 PM
أي خدمه يا زد
كرت شحن بخمسه بقى :)

dr ZMZ
20-08-2009, 02:00 AM
http://img186.imageshack.us/img186/1374/293143790az6.jpg


اشحن و هات الباقي 61onion

Nettawy
20-08-2009, 02:34 AM
عاوز من أبو خمسه

dr ZMZ
20-08-2009, 02:44 AM
http://i367.photobucket.com/albums/oo115/dr-zmz/2dr1.jpg

أي خدمة

Nettawy
20-08-2009, 02:50 AM
أنا حولت اتصالات
p:

STROMA
20-08-2009, 03:14 AM
ايه ده هوا فيه كروت بتتوزع هنا


ما تنسناش يا زيزى بقى 61onion

على فكره الحركه اللى حصلت معاكى دى حصلت معايا قبل كده برضه بس بعد كده اشتغل عادى

Nettawy
28-08-2009, 03:44 AM
حاجه أول مره اعرفها
ان تسطيب انترنت اكسبلورر 8 وهو بيبقى تقيل جدا على الجهاز
مايكروسوفت منزلاله أكسيليريتور عشان يبقى خفيف زيه ز باقي البروزرز

أنا حاليا بستعمل safari وهو أكثر من رائع

أبو المعاطى شمروخ
28-08-2009, 04:11 AM
أنا حولت اتصالات
p:



انا اشتريت الخط بس ماركبتش الشريحة
بس هقلب اتصالات بلا رجعة ان شاء الله

Nettawy
28-08-2009, 12:27 PM
أهم حاجه تكون الشبكه مظبطه عندك :)

STROMA
13-09-2009, 12:42 PM
انا كنت سطبت الانترنت اكسبلورر 8 ومش عجبنى فدخلت على الكونترول بانل عشان اشيله اختارته وقولت حذف

واتحذف فعلا من القائمه بس بعد ما عمل ريستارت لقيته لسه موجود برضه وشغال عادى بس مش موجود فى قائمة البرامج فى الكونترول بانل مش عارفه بقى اعمل ايه عشان اشيله :(

اه دخلت على السى وعلى البروجرام ايلز ودخلت عليه يمكن الاقى ملف uninstall

بس مش لقيته :(


حد يعرف اعمل ايه بقى ؟

ekm86
13-09-2009, 01:14 PM
انا كنت سطبت الانترنت اكسبلورر 8 ومش عجبنى فدخلت على الكونترول بانل عشان اشيله اختارته وقولت حذف

واتحذف فعلا من القائمه بس بعد ما عمل ريستارت لقيته لسه موجود برضه وشغال عادى بس مش موجود فى قائمة البرامج فى الكونترول بانل مش عارفه بقى اعمل ايه عشان اشيله :(

اه دخلت على السى وعلى البروجرام ايلز ودخلت عليه يمكن الاقى ملف uninstall

بس مش لقيته :(


حد يعرف اعمل ايه بقى ؟
الويندوز اللي عندك إيه؟؟؟؟


لو إكس بي..
تعرفي إنتي نزل عندك الأبديت بتاع SP3 (أو الـService pack 3 يعني) ولا لأ؟

لو الأبديت بتاع الـinternet explorer نزل وبعديه نزل الأبديت بتاع SP3..
يبقى مش هينفع يتشال إلا لما تشيلي الـSP3 الأول "من التحديثات في إضافة/إزالة البرامج"
وبعد كده تشيلي الـIE8
وترجعي تعملي أبديت عشان يحمل لك SP3 تاني


بس الكلام ده لو إنتي عارفة إن SP3 نزل قبل IE8
------------------
لو الـSP3 هو اللي نزل الأول..
يبقى جربي الخطوات دي "من موقع مايكروسوفت"


لإزالة تثبيت Internet Explorer 8، اتبع الخطوات التالية:
حدد الأمر التالي بحرص ثم قم بنسخه: ‎%windir%\ie8\spuninst\spuninst.exe
انقر فوق ابدأ، ثم انقر فوق تشغيل.
في المربع فتح، اكتب Cmd.exe، ثم اضغط مفتاح "الإدخال".
انقر بزر الماوس الأيمن داخل نافذة Cmd.exe، ثم انقر فوق لصق للصق الأمر الذي قمت بنسخه في الخطوة الأولى.
اضغط مفتاح "الإدخال" لإزالة تثبيت Internet Explorer 8.
عند انتهاء برنامج إزالة التثبيت، قم بإعادة تشغيل جهاز الكمبيوتر


-----------------

لو فيستا جربي الخطوات دي


حدد الأمر التالي بحرص ثم قم بنسخه: FORFILES /P %WINDIR%\servicing\Packages /M Microsoft-Windows-InternetExplorer-‎8*.mum /c "cmd /c echo Uninstalling package @fname && start /w pkgmgr /up:@fname /norestart"‪
انقر فوق ابدأ، ثم اكتب Cmd.exe في المربع بدء البحث.
في قائمة البرامج، انقر بزر الماوس الأيمن فوق Cmd.exe، ثم انقر فوق تشغيل كمسؤول.

ملاحظة إذا تمت مطالبتك بكلمة مرور مسؤول أو تأكيدها، اكتب كلمة المرور أو انقر فوق متابعة.
انقر بزر الماوس الأيمن داخل "مسؤول": نافذة "موجه الأوامر"، ثم انقر فوق لصق للصق الأمر الذي قمت بنسخه في الخطوة الأولى.
اضغط مفتاح "الإدخال" لإزالة تثبيت Internet Explorer 8.
عند انتهاء برنامج إزالة التثبيت، قم بإعادة تشغيل جهاز الكمبيوتر.

Nettawy
13-09-2009, 03:48 PM
جميل يا اسلام
سؤل بسيط
جربتي شيفت + ديليت ؟
ساعات بتنفع

STROMA
13-09-2009, 07:45 PM
جربت اللى انتوا قولتوه مفيش فايده


لازق مش عاوز يتمسح 82onion

over_dose
13-09-2009, 07:59 PM
ريحي نفسك كل الطرق بتشيله من الواجهة بس لكن بيلزق في ملف السيستم

ekm86
13-09-2009, 09:00 PM
جربي تعملي سيستم ريستور
ولما تبدأيه شوفي التاريخ بتاعه امتى
لو قبل ما تسطبي الإكسبلورر ده.. كملي معاه.. وإن شاء الله يرجع للقديم

STROMA
13-09-2009, 09:07 PM
هوا احنا كنا بنعمل ريستور ازاى

مش فاكره

over_dose
13-09-2009, 10:11 PM
^_^

Accessories >system tools >system restore

STROMA
14-09-2009, 12:23 AM
تم حل المشكله


ربنا يكرمكوا يا دكاتره :)

Nettawy
14-09-2009, 03:10 AM
اتحلت إزاي ؟

ekm86
14-09-2009, 09:05 AM
طيب الحمد لله..

بالريستور ولا حاجة تانية؟

STROMA
14-09-2009, 12:43 PM
بالريستووووووووووووور :)

Nettawy
14-09-2009, 03:20 PM
كويس جدا
جزاك الله خيرا يا اسلام :)

ekm86
14-09-2009, 04:14 PM
الحمد لله
كويس أساسا إني افتكرتها
:)

Nettawy
14-09-2009, 07:33 PM
أنا بعاني مع الكمبيوتر بتاعي على مأفتكر أي حاجه كنت بعرف أعملها :))

over_dose
14-09-2009, 07:40 PM
ههههههههههههههههههههههههههه

ومان كنت بتعلم كل حاجة بسرعة جدا وماكنتش باحتاج اعادة

دلوقتي علشان حد يعلمني حاجة جديدة لازم يكون عنده صبر حقيقي

ولازم يعيد ويزيد

وبالتكرار يتعلم .....^_^

ekm86
14-09-2009, 09:04 PM
هي الحكاية إن أحيانا بيبقى في كذا حل .. لكن الواحد بيفتكرهم وهو قدام المشكلة نفسها
لكن بالسمع بس أحيانا بتتوه عن الواحد

وأحيانا تانية الواحد يبقى قدام المشكلة وعمال يحاول ويعيد ويزيد.. وممكن ياخد أكتر من يوم
ويطلع الحل في الآخر مجرد فصل الباور وتوصيله تاني مثلا
:))

rony
15-09-2009, 07:59 PM
صفحة المتواجدون الان مش بتفتح عندى غير لما بسجل خروج من الفورم خالص..

admin
16-09-2009, 02:48 AM
صفحة المتواجدون الان مش بتفتح عندى غير لما بسجل خروج من الفورم خالص..

جربتها و مافيهاش مشاكل :
http://kasralainy.com/forum/online.php
سواءا كنت مسجل أو لا

Nettawy
18-09-2009, 02:09 AM
الراوتر عندي يوميا من الساعه 11 ل 1 مساءاً
بيهرتل ويفصل
بقيت برستره كل م
أعمل بوست على المنتدى ..!!

حد عنده افكار؟

ekm86
19-09-2009, 11:43 AM
ابقى غير الساعة
:‏)‏

أصل اشمعني بيهيس كل يوم من حداشر
ويتظبط كل يوم من واحدة!!!

يمكن في الوقت ده بيبقى في مشكلة في الكونيكشن نفسه
أو ضغط في الاستخدام ولا حاجة

Nettawy
19-09-2009, 05:07 PM
ضغط ايه بس
أنا جالي الضغط منه والله ...
انا على خط لوحدي المفروض الضغط لو كده يبقى ع الكل ..
وخدمه العملاء بيقولولي مفيش عندهم أي مشاكل
وأبسط حاجه عندهم جرب حضرتك تنزل ويندوز x x

over_dose
19-09-2009, 05:40 PM
لا تعتمد على خدمة العملاء دول معوقين عن تجربة

Nettawy
19-09-2009, 05:55 PM
أفادك الله يا أوفر دوز
أنا بس توقعت ان العيب يكون من عندهم
بس هما يأبوا أن يعترفوا بكده

ekm86
19-09-2009, 06:59 PM
أقصد ضغط على شبكة الشركة بوجه عام
جرب بجهاز تاني عشان تسكتهم
أصل مفيش ويندوز هيبوظ ساعتين في اليوم بس

Nettawy
19-09-2009, 07:09 PM
يا اسلام والله جربت واقنع فيهم أبدا
وعلى لابتوب كمان ولا الدموع

kalamntena
21-09-2009, 02:15 AM
اسلام
انا كنت بره طول اليوم وجربت ادخل من الموبايل كان بيحمل نص الصفحة ويقف ويقوللى
memory full
close some applications

ولا الميموري فول ولا كنت فاتحة حاجة تانى

عندك فكرة ده من ايه؟

over_dose
21-09-2009, 02:44 AM
مايقصدش الميموري كارد

يقصد الكاش ميموري بتاعة التشغيل


بصراحة لازم المنتدى يتعمله نسخة للموبايل تتعرف تلقائيا على المتصل من موبايل وتنزله

زي اي موقع كبير

Nettawy
21-09-2009, 02:56 AM
المنتدى عمري ماشتكيت منه على الموبايل
وكنت داخل أغلب اليوم النهارده منه
وكان طبيعي جداً

ekm86
21-09-2009, 05:05 AM
جربي تنزلي برنامج أوبرا يا كلمنتينا
ادخلي من التليفون على موقع
www.opera.com
ونزليه
'مفيش مانع من ريستارت سريع للموبايل برضه'

برنامج أوبرا أحسن من المتصفح بتاع التليفون
وأوفر بكتيييييير
سواء في تنزيل الصفحات.. أو في امكانية عمل
Back / forword
ما بين الصفحات من غير ما ينزلها من أول وجديد

ekm86
21-09-2009, 05:09 AM
مش عارف إيه امكانية عمل نسخة للموبايل يا أوفر دوز
هنشوف كدة وربنا يسهل
هو طبعا الوضع الحالي شغال كويس بس المشكلة الوحيدة بتبقى في شوية القوائم اللي فوق

kalamntena
21-09-2009, 02:23 PM
جربي تنزلي برنامج أوبرا يا كلمنتينا
ادخلي من التليفون على موقع
www.opera.com (http://www.opera.com)
ونزليه
'مفيش مانع من ريستارت سريع للموبايل برضه'

برنامج أوبرا أحسن من المتصفح بتاع التليفون
وأوفر بكتيييييير
سواء في تنزيل الصفحات.. أو في امكانية عمل
back / forword
ما بين الصفحات من غير ما ينزلها من أول وجديد


عندي يا اسلام
ده اللى دايما باشتغل بيه

بس تصدق
امبارح ما دخلتش بيه ماعرفش ليه
:)

ekm86
21-09-2009, 02:56 PM
رزق متصفح الموبايل بقى
:‏)‏

dr ZMZ
23-09-2009, 08:53 AM
كل ماجي افتح سي دي فاضي يطلعلي الرسالة دي :(


http://i367.photobucket.com/albums/oo115/dr-zmz/in.jpg

Nettawy
23-09-2009, 08:59 AM
أكدي على وصلات السي دي روم كده
يعني كابل الداتا
طبعا يحبذ والجهاز مفصول

dr ZMZ
23-09-2009, 09:00 AM
أكدي على وصلات السي دي روم كده
يعني كابل الداتا
طبعا يحبذ والجهاز مفصول

ده لاب توب :(

Nettawy
23-09-2009, 09:03 AM
انا اللي قلشت معلش
مادام ظاهر اصلا يبقى غالبا مفيش عيب في كابل الداتا لو كان بي سي
انما لاب توب بقى ممممممممممش عارف بصراحه
بس هحاول أدور على حل

Nettawy
23-09-2009, 09:04 AM
طب ايه بيحصل لو سي دي مليان أو من غير سي دي خالص؟

dr ZMZ
23-09-2009, 09:25 AM
لو منغير بيقولي plz insert disk

و لو مليان بيفتحه عادي

Nettawy
23-09-2009, 09:33 AM
أي سي دي فاضي كده ولا سي دي معين فاضي ؟

dr ZMZ
23-09-2009, 09:38 AM
أي سي دي فاضي

Nettawy
23-09-2009, 09:43 AM
إذن لحد هنا بقى وهقف أنا شويه أريح ..
نشوف لو حد ليه تجربه مع الحاله دي..

بس جربي كده تنسخي عليها ..!

dr ZMZ
23-09-2009, 09:50 AM
إذن لحد هنا بقى وهقف أنا شويه أريح ..
نشوف لو حد ليه تجربه مع الحاله دي..

بس جربي كده تنسخي عليها ..!

نفس الرسالة


متشكرة جدا يا نتاوي .. تعبتك معايا

ekm86
23-09-2009, 05:22 PM
أنتي مغيرة ويندوز قريب؟

Dr MuslimGirl
23-09-2009, 05:47 PM
طريقة الحل تكون كالتالي
اذهب الى ابدأ ثم تشغيل ثم اكتب cmd
ثم اكتب هذا الأمر
chkdsk X: /r
حيث X اسم القرص الذي لا يفتح معاك

وباذن الله ستحل المشكلة

يلا بالتوفيق ان شاء الله

semsema
27-09-2009, 04:41 AM
كل ماجي أفتح الرايتر يعمل صوت كده أكنه عايز يفتح و مش قادر
فبقفل الجهاز و اثبت الكابلات و أشغله تاني يقوم فاتح معايا حوالي اتنين مللي
أقوم فاتحاه أنا عنوة من الحتة اللي باينه منه و على ما أجيب الاسطوانة و اجي أحطها الاقيه قفل بسرعة تاني

على فكرة موضوع الخرم اللي تحت ده مش نافع معايا

اعمل ايه؟

ekm86
27-09-2009, 06:41 AM
طريقة الحل تكون كالتالي
اذهب الى ابدأ ثم تشغيل ثم اكتب cmd
ثم اكتب هذا الأمر
chkdsk x: /r
حيث x اسم القرص الذي لا يفتح معاك

هاه.. إيه الأخبار؟



كل ماجي أفتح الرايتر يعمل صوت كده أكنه عايز يفتح و مش قادر
فبقفل الجهاز و اثبت الكابلات و أشغله تاني يقوم فاتح معايا حوالي اتنين مللي
أقوم فاتحاه أنا عنوة من الحتة اللي باينه منه و على ما أجيب الاسطوانة و اجي أحطها الاقيه قفل بسرعة تاني

على فكرة موضوع الخرم اللي تحت ده مش نافع معايا

اعمل ايه؟
مش عارف الحقيقة السبب في ده يبقى إيه..
بس متهيألي حاجة زي كده تحتاج حد متخصص يشوفه بنفسه
لأن ممكن يكون في حاجة مانعاه إنه يفتح كويس "تراب كتير جواه مثلا".. أو مشكلة في الأجزاء بتاعة ميكانيزم الفتح والقفل :)
مش عارف بالظبط الحقيقة

dr ZMZ
27-09-2009, 12:42 PM
أنتي مغيرة ويندوز قريب؟

لا



هاه.. إيه الأخبار؟



زي ما هو 26onion

جربت انسخ اسطوانة بالنيرو منفعش

winner
27-09-2009, 03:43 PM
كل ماجي افتح سي دي فاضي يطلعلي الرسالة دي :(


http://i367.photobucket.com/albums/oo115/dr-zmz/in.jpg



بصي ..
بما انه بيقدر يفتح السيديهات المليانة ..
اذن .. السي دي روم شغال ..
هو ممكن يكون السي دي نفسه بايظ .. و لو اكتر من سي دي حتى ..
ساعات كنت بشتري سيديهات بالخمسين سي دي مثلا .. يطلع منهم 3 او 4 بايظين ..
جربي اشتري سي دي جديد .. و غير النوعية اللي عندك .. و من حد تاني غير اللي اشتريتي منه اللي عندك .. و جربي و ابقي قوليلي ايه الاخبار ..

ممكن تعملي Uninstall للسي دي روم من Device manager .. و تعملي ريستارت ..

Nettawy
27-09-2009, 03:46 PM
وماتنساش تعملها install تاني ؟
ولا رأيك إيه يا كبير ؟

winner
27-09-2009, 03:55 PM
كل ماجي أفتح الرايتر يعمل صوت كده أكنه عايز يفتح و مش قادر
فبقفل الجهاز و اثبت الكابلات و أشغله تاني يقوم فاتح معايا حوالي اتنين مللي
أقوم فاتحاه أنا عنوة من الحتة اللي باينه منه و على ما أجيب الاسطوانة و اجي أحطها الاقيه قفل بسرعة تاني

على فكرة موضوع الخرم اللي تحت ده مش نافع معايا

اعمل ايه؟


الديفرينشيال دياجنوزيس بتاع الحالة دي:
- التروس عاوزة تتزيت ..
- السير او التروس فيهم حتت باظت ..
- مجهول السبب ..

لو تعرفي تفتحيه يبقى كويس ..
لو ما تعرفيش فيه يبقى اوعي تقربيله ..

هتعملي تيست صغير ..
افتحي السي دي روم (بأي طريقة تريحك) ..
لما الباب يتفتح تكوني مجهزة قطنة مبلولة زيت .. زيت اكل .. زيت شعر .. اي زيت متوفر عندك ..
هتلاقي في الباب او الحامل اللي بيطلع ده عشان تحطي فيه السي دي .. هتلاقي فيه من تحت حاجات مشرشرة كدة على جنب (المجرى) .. امسحيه بالقطنة المبلولة زيت كويس ..
و بعدين اقفلي .. و اقفليه و افتحيه اكتر من مرة .. 3 او 4 مرات قبل الاكل ..:)

لو الموضوع اتظبط بعد كدة و الباب بقى بيفتح (احسن من الاول) .. مش لازم طبيعي .. يبقى كدة عرفنا ان المشكلة في التروس و المجرى عاوزين تزييت ..
و في الحالة دي ممكن تقضيها زيت اكل كل شوية ..
او فيه زيت اتقل من زيت الاكل .. زيت الماكينات .. زي مكنة الخياطة مثلا .. و ممكن زيت العربيات بس لو جديد مش مستعمل .. و تستخدمي كمية قليلة ..
اوعي تغرقي السي دي روم زيت .. امسحي المجرى برفق بالزيت من غير ما تعكي المنطقة كلها ..

و ان شاء الله يشتغل ..

winner
27-09-2009, 03:56 PM
وماتنساش تعملها install تاني ؟
ولا رأيك إيه يا كبير ؟


السي دي روم مش بيحتاج تسطيب ..

الويندوز بتتعرف عليه لوحدها ..
:)

dr ZMZ
27-09-2009, 04:03 PM
السي دي روم مش بيحتاج تسطيب ..

الويندوز بتتعرف عليه لوحدها ..
:)

اه فعلا .. ده اللي حصل

بس برضه السي دي مشتغلتش



هو ممكن يكون السي دي نفسه بايظ .. و لو اكتر من سي دي حتى ..



دي علبة كاملة onion5

Nettawy
27-09-2009, 04:05 PM
أوك تمام يا كبير :)

Nettawy
27-09-2009, 04:09 PM
دي علبة كاملة http://kasralainy.com/forum/images/smilies/onion%20(5).gif
حصلت قبل كده في سيديهات وديفيديهات
جربي زي ماوينر قال نوع تاني كده واشتري واحده بس :)

HAYAH
27-09-2009, 09:27 PM
طيب انا عندي مشكلة ان في حجات كتير في اللاب دلوقت بتعلق وبقى مستفز بيهنج كتير
انا اللي هاعمله دلوقت اني هافرمط الجهاز واخليه يقسمه بارتشنز لأنه مافهوش غير ال c
وهخليه ينزلي ويندوز جديد..
المطلوب بقى تقولولي اسم ويندوز كويس ويكون بيعمر مش بيقع بسرعة عشان اقول للراجل عليه
ومطلوب كمان تقولولي تسطيب ويندوز ممكن تكلف كام..وماحدش يقولي سطبيه انتي لأني فاشلة الكترونيا

dr ZMZ
27-09-2009, 09:43 PM
وماحدش يقولي سطبيه انتي لأني فاشلة الكترونيا


نعم؟؟؟؟؟؟؟؟؟؟؟؟؟؟؟

تسطيب الويندوز ملوش اي علاقة بالالكترونيات

انتي قوليله اتسطب .. و هو هيتسطب لوحده

الله يرحم ايام الدوس 126onion

over_dose
27-09-2009, 11:03 PM
طيب انا عندي مشكلة ان في حجات كتير في اللاب دلوقت بتعلق وبقى مستفز بيهنج كتير
انا اللي هاعمله دلوقت اني هافرمط الجهاز واخليه يقسمه بارتشنز لأنه مافهوش غير ال c
وهخليه ينزلي ويندوز جديد..
المطلوب بقى تقولولي اسم ويندوز كويس ويكون بيعمر مش بيقع بسرعة عشان اقول للراجل عليه
ومطلوب كمان تقولولي تسطيب ويندوز ممكن تكلف كام..وماحدش يقولي سطبيه انتي لأني فاشلة الكترونيا




بس ده حراااام

نسخة غير شرعية

Dr MuslimGirl
28-09-2009, 03:16 AM
طيب انا عندي مشكلة ان في حجات كتير في اللاب دلوقت بتعلق وبقى مستفز بيهنج كتير
انا اللي هاعمله دلوقت اني هافرمط الجهاز واخليه يقسمه بارتشنز لأنه مافهوش غير ال c
وهخليه ينزلي ويندوز جديد..
المطلوب بقى تقولولي اسم ويندوز كويس ويكون بيعمر مش بيقع بسرعة عشان اقول للراجل عليه
ومطلوب كمان تقولولي تسطيب ويندوز ممكن تكلف كام..وماحدش يقولي سطبيه انتي لأني فاشلة الكترونيا



ويندوز Xp sp3
سيرفس باك 3
حلو اوي

الويندوز بيكون ممكن في حدود 20=30 جنيه مش اكتر من كدا و ممكن 40 بالتقسيم

ربنا يوفقك
بس هي بصراحه بتختلف من واحد لاخر
بس ان شاء الله تلاقي اختبارك

mr_azygos
28-09-2009, 03:29 AM
ويندوز xp sp3
سيرفس باك 3
حلو اوي

الويندوز بيكون ممكن في حدود 20=30 جنيه مش اكتر من كدا و ممكن 40 بالتقسيم

ربنا يوفقك
بس هي بصراحه بتختلف من واحد لاخر
بس ان شاء الله تلاقي اختبارك
هاتي 10 جنيه وانا اعملهولك :)

Nettawy
28-09-2009, 03:50 AM
ببلاش والله
كان في واحد صاحبي من اسوان - كل مره الراجل يدفعه 50 جنيه
بس الحمد لله ربنا أغناه دلوقت ومابقاشش بيدفع
الفضل يرجع لله ثم لأزيجوس :)

ekm86
28-09-2009, 03:58 AM
واحد جارنا نزل لبتاع الكومبيوتر اللي تحت البيت وقاله إنه بيقول له إن النسخة مش أصلية ومحتاج أكتيفيشن وبتاع
قال له دول كده يبقوا خدوا الآي بي بتاعك وعملولك حظر وعمل له فيلم كبير كده وقال له إنه هيظبطهوله
وخد منه تسعين جنيه
:))


يا حياة الويندوز في منتهى البساطة.. مش محتاج دوشة ولا أي حاجة
عايزة نسخة كويسة ومش هتقع منك خالص إلا بعد فترة كبيرة؟
وشرعية؟

روحي حاسبات ومعلومات وخدي نسخك اللي ليكي هناك اللي باتفاقية بين مايكروسوفت وجامعة القاهرة
ليكي هناك نسخة ويندوز SP2 "لأن الـSP3 دي ملعوب فيها كتيييييييير وهتتعبك"
وويندوز vista "نسختين واحدة على DVD والتانية على CDs" بس هم بيدوكي اللي على سيديهات.. وأنا ممكن أعرفك تجيبي اللي على ديفيديهاية إزاي
وليكي نسخة أوفيس 2003 ونسخة أوفيس 2007
وكل الحاجات دي بيتعمل لها أكتيفيشن على موقع مايكروسوفت وبتتقبل

هتلاقي هنا موضوع عن الحكاية دي.. نزلي الاستمارة واطبعيها وروحي هاتيهم:
نسخ ويندوز ونسخ أوفيس أصلية .. مجانا (http://www.kasralainy.com/forum/showthread.php?t=8189)

فعلا نسخ نضيفة جدا جدا وهتريحك جدا جدا

وبعد ما تجيبيهم تسطيب الويندوز ده أمره سهل جدااااااااااااا

Nettawy
28-09-2009, 04:03 AM
خلاصه يا اسلام طول عمرك :)

ekm86
28-09-2009, 04:51 AM
والله أنا صعبان عليا النسخ اللي هناك واللي الناس ما خدتهاش دي
واللي صعبان عليا أكتر الناس اللي ما تعرفش حاجة عن الموضوع ده أساسا

شوية النسخ دي الواحد لو نزل اشتراهم هيعدوا الألفين جنيه
والاتفاقية دي بتخليك تاخدهم الاسطوانة بخمسة جنيه

Dr.A.M
28-09-2009, 07:06 AM
أنا بستخدم نسخة win 7 ultimate نسخة ممتازة اوى وأصلية مفعلة مسبقا لا كراكات ولا قرف ممتاز ممتاز
السفن جاى جاى باى باى فيستا 116onion

Nettawy
28-09-2009, 06:19 PM
والله أنا صعبان عليا النسخ اللي هناك واللي الناس ما خدتهاش دي
واللي صعبان عليا أكتر الناس اللي ما تعرفش حاجة عن الموضوع ده أساسا

شوية النسخ دي الواحد لو نزل اشتراهم هيعدوا الألفين جنيه
والاتفاقية دي بتخليك تاخدهم الاسطوانة بخمسة جنيه
<!-- / message --><!-- sig -->
el server bta3hom was brocken fe marra we nosa5 kteer etsara2et be4

over_dose
28-09-2009, 11:09 PM
واحد جارنا نزل لبتاع الكومبيوتر اللي تحت البيت وقاله إنه بيقول له إن النسخة مش أصلية ومحتاج أكتيفيشن وبتاع
قال له دول كده يبقوا خدوا الآي بي بتاعك وعملولك حظر وعمل له فيلم كبير كده وقال له إنه هيظبطهوله
وخد منه تسعين جنيه
:))


يا حياة الويندوز في منتهى البساطة.. مش محتاج دوشة ولا أي حاجة
عايزة نسخة كويسة ومش هتقع منك خالص إلا بعد فترة كبيرة؟
وشرعية؟

روحي حاسبات ومعلومات وخدي نسخك اللي ليكي هناك اللي باتفاقية بين مايكروسوفت وجامعة القاهرة
ليكي هناك نسخة ويندوز sp2 "لأن الـsp3 دي ملعوب فيها كتيييييييير وهتتعبك"
وويندوز vista "نسختين واحدة على dvd والتانية على cds" بس هم بيدوكي اللي على سيديهات.. وأنا ممكن أعرفك تجيبي اللي على ديفيديهاية إزاي
وليكي نسخة أوفيس 2003 ونسخة أوفيس 2007
وكل الحاجات دي بيتعمل لها أكتيفيشن على موقع مايكروسوفت وبتتقبل

هتلاقي هنا موضوع عن الحكاية دي.. نزلي الاستمارة واطبعيها وروحي هاتيهم:
نسخ ويندوز ونسخ أوفيس أصلية .. مجانا (http://www.kasralainy.com/forum/showthread.php?t=8189)

فعلا نسخ نضيفة جدا جدا وهتريحك جدا جدا

وبعد ما تجيبيهم تسطيب الويندوز ده أمره سهل جدااااااااااااا



ايوة كده

دي المشاركة الوحيدة الموافق عليها

مش كلكم عمالين تنصحو بنسخ غير شرعية مكركة

مش عارف اقنعكم ازاي انها سرقة

Nettawy
29-09-2009, 12:58 AM
ايوة كده

دي المشاركة الوحيدة الموافق عليها

مش كلكم عمالين تنصحو بنسخ غير شرعية مكركة

مش عارف اقنعكم ازاي انها سرقة
meen 2al bs en el nas mesh moktane3a ??

over_dose
29-09-2009, 07:50 PM
مادي مصيبة اكبر لو مقتنعين ومصممين على الخطأ

greyzone
30-09-2009, 02:46 AM
عندى كذا درايفر فى الهارد لما بافتح أى ملف أو مجلد تطلع لى رسالة

can notopen .... access is denied

و لو حاولت أمسح أى حاجة تطلع لىة رسالة:

can not remove......

make sure that the disk is not full or write-protected
and file is not in use

مع العلم أن الحكاية دى ليها كتيييييير

و عملت ريستارت كذا مرة

و خليت الهارد ده slave و اشتغلت بهارد تانى

و برضه زى ما هى

Nettawy
30-09-2009, 03:32 AM
في واحد مقتنع تمام الإقتناع ان الكمبيوتر استعمال خارج
أفضل من الكمبيوتر اللي بنجمعه هنا اللي هو امكانياته دي :
Processor 2.5 /Cash 2MB Core2Duo
2 GB Ram
Motherboard Gigabyte G42
HD 160
DVD-R/WR
وإيه تاني ممممممممم

المهم الاتنين غالبا في السعر متقاربين جدا
وفرق تقنيه أعلى بكتير في الجهاز التجميع
مع ميزة إنك أول واحد هتستخدمه

قولولي يا عالم أقنعه إزاااااااااااااااااااي ؟!!

winner
30-09-2009, 03:50 AM
عندى كذا درايفر فى الهارد لما بافتح أى ملف أو مجلد تطلع لى رسالة

can notopen .... Access is denied

و لو حاولت أمسح أى حاجة تطلع لىة رسالة:

can not remove......

make sure that the disk is not full or write-protected
and file is not in use

مع العلم أن الحكاية دى ليها كتيييييير

و عملت ريستارت كذا مرة

و خليت الهارد ده slave و اشتغلت بهارد تانى

و برضه زى ما هى



تلاقي الكمبيوتر متفيرس ..
اعمل سكان بأنتي فيرس ..
لو مانفعش .. فرمت الدرايفات ..

STROMA
30-09-2009, 04:10 AM
عندى فيه مواقع بتفتح بطريقه غريبه

مشوهه

زى الفيس بوك والياهو ميل


مش عارفه ده من ايه بالظيط! وحصل ازاى

any help?

STROMA
30-09-2009, 04:30 AM
http://www.kasralainy.com/forum/picture.php?albumid=27&pictureid=129

STROMA
30-09-2009, 04:32 AM
بتظهر زى كده

winner
30-09-2009, 05:24 AM
ستبي جوجل كروم تاني .. او غيري الـ Browser ..
استخدمي انترنت اكسبلورير او فاير فوكس .. و شوفي اذا كانت المشكلة هتتحل و لا لأ ..
لو ما اتحلتش .. ابقي قوليلي ..

STROMA
30-09-2009, 05:28 AM
عملت كل اللى قولت عليه يا وينر

ما اتحلتش

winner
30-09-2009, 06:17 AM
ممكن يكون عندك Plugins ناقصة .. زي فلاش بلاير و Shockwave ..
ممكن يكون فيرس صغنن كدة ..
ممكن يكون DNS مش شغال كويس عندك ..

اتأكدي ان معندكيش فيروسات على الجهاز ..
ممكن تستبي فاير فوكس 3 و تجربي ..
ممكن تغيري DNS ..

لو فيه عندك مشاكل تانية بشكل عام مع الويندوز .. ستبي ويندوز جديدة .. ساعات الويندوز بتعمل كدة و هي في النزع الأخير ..

شوفي كدة و ابقي قوليلي ..

greyzone
30-09-2009, 11:32 AM
تلاقي الكمبيوتر متفيرس ..
اعمل سكان بأنتي فيرس ..
لو مانفعش .. فرمت الدرايفات ..


طيب

و الحاجات اللى كانت موجودة؟؟؟؟

66onion66onion
ارجعها ازاى ؟؟؟؟

ekm86
30-09-2009, 03:29 PM
احتياطي برضه بعد ما تشوف بالأنتي فيروس يا جراي
تجرب تعمل Check-Disk .. يمكن ينفع يظبطها

كان حصل عندي مشكلة في درايف كامل مش عايز يفتح.. وعليه حاجات مهمة جداااااااااااااااااا
وجربت كل حاجة ما عدا الفورمات.. وما اشتغلش
غيرت الإكس بي وحطيت فيستا.. واشتغل!!!!!!

لو عندك حد عنده فيستا جرب توصل هاردك slave عنده
يمكن ينفع يقراه.. ولو حصل وقراه.. انقل ملفاتك مكان تاني وفرمت

mr_azygos
30-09-2009, 04:04 PM
اللاب توب كتم صوت
كل شويه يقولي
20onioncomputer audio has stopped working

winner
30-09-2009, 05:08 PM
طيب

و الحاجات اللى كانت موجودة؟؟؟؟

66onion66onion
ارجعها ازاى ؟؟؟؟



فيه طريقة بسيطة جدا ..
هيه ان تنقل الحاجات من درايف و توديها لدرايف تاني .. و بعدين تفرمت الدرايف اللي فضيته ..
و بعد ما تكون فرمت الدرايف ترجع الحاجات تاني مكانها ..
بس قبل ما ترجعها تعملها سكان بأنتي فيرس .. و انتي سباي وير كمان ..


و لو عندك هارد تاني ممكن تنقل الحاجات عليها و تفرمت الهارد اللي فضيته ..
مش لازم تفرمت الهارد بالحاجات اللي عليه يعني ..

winner
30-09-2009, 05:12 PM
اللاب توب كتم صوت
كل شويه يقولي
20onioncomputer audio has stopped working



اقفله شوية .. ساعة مثلا .. و ارجع شغله تاني ..
و ان شاء الله ما تكونش المشكلة اكبر من كدة ..

mr_azygos
30-09-2009, 06:38 PM
m2fol mn embar7 :)

ekm86
30-09-2009, 06:58 PM
إنت جربت تشيل تعريف كارت الصوت وتحطه من تاني بعد الريستارت؟

mr_azygos
30-09-2009, 07:03 PM
جربت
the hardware detected is not supported by software package
مع ان دي التعريفات اللي جايه معاه

STROMA
30-09-2009, 07:06 PM
اتحلت المشكله الحمد لله غيرت الدى ان اس

توشكر يا وينر

winner
30-09-2009, 07:15 PM
جربت
the hardware detected is not supported by software package
مع ان دي التعريفات اللي جايه معاه


اذن المشكلة ويندوز ..
تشيك الريجيستري .. و مشاكل الويندوز ..
او .. استخدم الريستور ..
او .. سطب ويندوز ..

winner
30-09-2009, 07:16 PM
اتحلت المشكله الحمد لله غيرت الدى ان اس

توشكر يا وينر



الحمد لله انها اتحلت ..

عفوا .. و الحمد و الشكر لله ..

mr_azygos
30-09-2009, 07:26 PM
هوا الريستور بتعمل في الفيستا ازاي ؟؟؟

Nettawy
30-09-2009, 07:35 PM
أنا يادوبك جهازي بيحجل على الاكس بي :))

dr ZMZ
30-09-2009, 11:32 PM
سطبت ويندوز جديد و الاسطوانات اشتغلت

الحمد لله .. المال الحلال مايضيعش ابدا http://www.kasralainy.com/forum/images/icons/icon10.gif

Nettawy
30-09-2009, 11:36 PM
حسبنا الله ونعم الوكيل

ekm86
01-10-2009, 01:49 AM
أسهل حاجة يا أزيجوس لما تعوز حاجة في الفيستا تدوس ستارت وتكتب كلمة منها في مربع البحث اللي في القايمة من تحت
دوس ستارت.. واكتب restore
:)

mr_azygos
01-10-2009, 02:24 AM
انا عندي بارتيشن ريكفري
دا بيستخدم ازاي ولا ليه ولا اي حاجه ؟؟
اصلي اول مره استخدمه...

over_dose
01-10-2009, 02:35 AM
المفروض انه بياخد صورة من بارتيشن مهم انت عاوز تحافظ عليه ويحفظها على وسيط مختلف ولو حصل حاجة للبارتيشن الاصلي يرجعه زي ماكنت الصورة


بس ده بيحتاج وسائط تخزين بمساحات كبيرة على حسب البيانات المهمة اللي عندك

Nettawy
01-10-2009, 02:40 AM
كلمه عربي يا أوفر دوز عشان أفهم

ekm86
01-10-2009, 02:55 AM
يا نتاوي بتفتحه وتقول له ياخد نسخة من البارتيشن "السليم"
ويحطها في أي مكان عندك على الهارد أو على اسطوانات "خيار الاسطوانات ده في منتهى السووووووووء"
وساعة ما يحصل مشكلة.. تقول له يعمل recovery للملفات دي تاني على البارتيشن ده

mr_azygos
01-10-2009, 02:56 AM
ايون ازاي بقي ؟/)

Nettawy
01-10-2009, 03:03 AM
واحد صاحبي اشترى هارد تيرا من كام يوم
آخر مره كان منزل ويندوز من سنه و8 شهور
النهارده كان بيقسم التيرا
سبحان الله نسخة الويندوز اللي على الهارد ال 500 وقعت
والنسخه اللي على الهارد ال 160 وقعت
وكان حاطط حاجات مهمه جدا على السي في الاتنين

موقف بايخ فعلاً

ekm86
01-10-2009, 03:05 AM
بصراحة أنا ما استخدمتوش..
أنا استخدمت norton ghost
ومشيت مع الباك آب فيه.. واخترت إنه يعمل للـC بس

مش عارف بقى عندك هيبقى عامل إزاي..
بس أكيد قريب من كده

ekm86
01-10-2009, 03:12 AM
واحد صاحبي اشترى هارد تيرا من كام يوم
آخر مره كان منزل ويندوز من سنه و8 شهور
النهارده كان بيقسم التيرا
سبحان الله نسخة الويندوز اللي على الهارد ال 500 وقعت
والنسخه اللي على الهارد ال 160 وقعت
وكان حاطط حاجات مهمه جدا على السي في الاتنين

موقف بايخ فعلاً
أيوة..
حاسس بيه

زمان لما بعت الهارد الـ40 جيجا onion1
عشان أجيب الـ80 جيجا 22onion
رحت للراجل قلت له بس الحاجات اللي عليه عايزها..
قال لي حطها على الكومبيوتر عندي ولما تقسم الجديد.. تعالى خدها
بعد ما خلصت
رحت له قال لي الجهاز اللي عليه الحاجة مش موجود
ليه؟؟؟؟
قال لي أصله كان بتاع زبون وخده 128onion
متهيألي دي كانت أول مرة وشي يحمر من الغضب "حسيت بيها ساعتها وشفت منظري في رد فعلهم 53onion"

المهم بعد ما شديت معاه شوية قال لي هاجيبهملك تاني وبتاع
بس طبعا اللي جالي منهم أقل من نصهم.. وأغلبهم كان الحاجات اللي مش مهمة قوي
66onion

semsema
01-10-2009, 10:49 AM
مش عارف الحقيقة السبب في ده يبقى إيه..
بس متهيألي حاجة زي كده تحتاج حد متخصص يشوفه بنفسه
لأن ممكن يكون في حاجة مانعاه إنه يفتح كويس "تراب كتير جواه مثلا".. أو مشكلة في الأجزاء بتاعة ميكانيزم الفتح والقفل :)
مش عارف بالظبط الحقيقة
جزاكم الله خيراً على الاهتمام :)



الديفرينشيال دياجنوزيس بتاع الحالة دي:
- التروس عاوزة تتزيت ..
- السير او التروس فيهم حتت باظت ..
- مجهول السبب ..

لو تعرفي تفتحيه يبقى كويس ..
لو ما تعرفيش فيه يبقى اوعي تقربيله ..

هتعملي تيست صغير ..
افتحي السي دي روم (بأي طريقة تريحك) ..
لما الباب يتفتح تكوني مجهزة قطنة مبلولة زيت .. زيت اكل .. زيت شعر .. اي زيت متوفر عندك ..
هتلاقي في الباب او الحامل اللي بيطلع ده عشان تحطي فيه السي دي .. هتلاقي فيه من تحت حاجات مشرشرة كدة على جنب (المجرى) .. امسحيه بالقطنة المبلولة زيت كويس ..
و بعدين اقفلي .. و اقفليه و افتحيه اكتر من مرة .. 3 او 4 مرات قبل الاكل ..:)

لو الموضوع اتظبط بعد كدة و الباب بقى بيفتح (احسن من الاول) .. مش لازم طبيعي .. يبقى كدة عرفنا ان المشكلة في التروس و المجرى عاوزين تزييت ..
و في الحالة دي ممكن تقضيها زيت اكل كل شوية ..
او فيه زيت اتقل من زيت الاكل .. زيت الماكينات .. زي مكنة الخياطة مثلا .. و ممكن زيت العربيات بس لو جديد مش مستعمل .. و تستخدمي كمية قليلة ..
اوعي تغرقي السي دي روم زيت .. امسحي المجرى برفق بالزيت من غير ما تعكي المنطقة كلها ..

و ان شاء الله يشتغل ..



أولا : لا حول و لا قوة إلا بالله onion10

ثانياً : تصدق الحوار ده نفع 131onion
الرايتر بقى بيفتح رهوان بس بيبقى عايز لمسة خفيفة عشان يقفل


متشكرين جداً يافندم :)

STROMA
01-10-2009, 11:33 PM
عاوزه اسال سؤال وياريت الاقى اجابه بسرعه عشان اتصرف

هل لازم فى تسطيب الويندوز اعمل خطوة الضغط على ديليت بصوره متقطعه واعمل ريستارت لاول مره وكده


ولا ينفع اختصرها وادخل على البوووت على طول


حد يقولى عشان لو لازم اعيد تسطيبه تانى


ملحوظه:لما كنت بعمل الخطوه اللى كنسلتها ما كانش بيرضى يتسطب انما لما كنسلتها اتسطب

winner
01-10-2009, 11:42 PM
هل لازم فى تسطيب الويندوز اعمل خطوة الضغط على ديليت بصوره متقطعه واعمل ريستارت لاول مره وكده




انا مش فاهم ديليت لزمتها ايه هنا ..
زرار Delete في Set up ملوش غير استخدام واحد .. و هو الدخول على DOS عشان تغيري First Boot Device و تخليه CD ROM لو ماكنش كدة ..
غير كدة الزرار ده ملوش اي استخدام (على حد علمي) ..

في تستيب الويندوز (Follow The Instructions) ..

STROMA
01-10-2009, 11:46 PM
يعنى كده التسطيب تمام ومش هيعمل مشاكل ؟؟
عاوزه اطمن زياده بس

winner
02-10-2009, 12:06 AM
يعنى كده التسطيب تمام ومش هيعمل مشاكل ؟؟
عاوزه اطمن زياده بس


انا ماعرفش انتي ستبتي ازاي ..

بس اذا الويندوز اشتغل يبقى تمام ..

اطمنى .. الاعمار بيد الله .. :)

STROMA
02-10-2009, 12:14 AM
لا عادى سطبت الويندوز زى ما بسطبه كل مره

يعنى قالى اضغط على اى زرار عشان ابوت من السي دى

ضغط وقالى عاوزه تسطبى الويندوز قولت اوك واختارت السي وفرمته فرمته كامله مش سريعه

وكمل تسطيب عادى

winner
02-10-2009, 12:20 AM
واختارت السي وفرمته فرمته كامله مش سريعه




معلومة ع السريع ..
لما تفرمتي السي بعد كدة .. فرمتيه NFTS .. Quick ..
الفرمتة كامله مش سريعه بتسيب Bad Sectors في الدرايف و ده بيبطأ أداء الجهاز و يبوظ الملفات ..

STROMA
02-10-2009, 12:26 AM
ماشى يا وينر

ان شاء الله اعمل بنصيحتك المره الجايه :)

Nettawy
02-10-2009, 12:34 AM
وينر ولما تفرمته ان تي اف اس
وبعدين ؟

winner
02-10-2009, 02:25 AM
وينر ولما تفرمته ان تي اف اس
وبعدين ؟


و بعدين ايه ؟؟!!

Nettawy
02-10-2009, 02:59 AM
مممممممم
لما تيجي تفرمته تاني بعد كده
إزاي ؟

winner
02-10-2009, 03:25 AM
مممممممم
لما تيجي تفرمته تاني بعد كده
إزاي ؟


مش قادر افهمك 20onion


تفرمته عادي يعني .. بنفس الطريقة ..

!

Nettawy
02-10-2009, 03:30 AM
مممممممممممممممم
طيب بص يا سيدي

انا كان عندي السي فورمات ntfs
بس ما كنتش أعرف انه مش بيتقرا على الدوس

فلما كنت أعمل أمر فورمات للسي
كان أوتوماتيك بيفرمت الدرايف اللي بعده اللي هو d

بس

ekm86
02-10-2009, 04:15 AM
بص يا نتاوي
ntfs
مش بيتقري على الدوس زي ما إنت قلت
فلو عملته .. يبقى لازم تعرف إنه مش هيتفرمت إلا من على ويندوز تاني.. على هارد تاني
أو وإنت بتحط ويندوز تاني من جوة التسطيب
وإنت غالبا مش هتعمل فورمات إلا وإنت بتغير الويندوز
:)

Nettawy
02-10-2009, 04:21 AM
ده اللي بقول عليه
أصلي كتير اتفرمط مني الدي d

فعشان اللي يعمل كده يكون على نور
بس

winner
02-10-2009, 04:29 AM
أنا عندي الهارد كله متفرمت ntfs .. كل الدرايفات ..
و بعملهم فورمات عادي .. و انا جوه الويندوز ..
ايه المشكلة؟!

مش قادر افهمك النهاردة يا نتاوي :)

Nettawy
02-10-2009, 04:37 AM
وانت جوه الويندوز
إنما على الدوس الدرايفز دي مابتتقراش يا وينر :)

Dr.A.M
02-10-2009, 04:58 AM
دلوقتى أنا بستخدم البرنامج الشرير Net CUT 117onion
نزلت ويندوز 7
طبعا مشتغلش عشان winpcap لا يدعم 7
خلاص نزلت الى بيدعم أشتغل
المهم أول مايفتح يطلع رسالة من جوا البرنامج أسمها
choose network adapter

ومديلى لستة مفيهاش أى حاجة فاضية
وبيفتح البرنامج فاضى برضه
أعمل أيه.؟ 32onion

Nettawy
02-10-2009, 05:04 AM
بطل شر :)

Dr.A.M
02-10-2009, 05:22 AM
لا بجد والله محتاجه جدا

Nettawy
02-10-2009, 05:24 AM
غير النسخه بتاعته

Dr.A.M
02-10-2009, 05:36 AM
مدى أخر نسخة
طب يفنع تجيبلى نسخة تانية
بلييييييييييييييييييييييييز

Nettawy
02-10-2009, 05:48 AM
لا ياعم
والراجل اللي هتقطع عليه يدعي عليا ؟
أنا مش ناقص بجد

أخدمك في أي حاجه تانيه يأبوحميد إلا دي وماشابهها

Dr.A.M
02-10-2009, 06:44 AM
خلاص ولا يهمك 72onion
وعلى فكرة الراجل يستاهل 32onion

Nettawy
02-10-2009, 07:01 AM
على فكره ياأحمد
دلوقتي بقى في anti-netcut
وده موجود من فتره
:)

Nettawy
02-10-2009, 07:05 AM
هو اللي انا منتظرله حل
برنامج تحديد السرعات ده مقرف بشكل للي بيستغله أسوأ إستغلال

Dr.A.M
02-10-2009, 07:10 AM
بص الانتى نت كات تعبان أوى
غير الماك أدريس وشغل البرنامج تانى وولع فى الى عنده نت كااااااااااااااااااااات
ه ه ه هه ه ه ه ه هه ه ه (ضحكات شريرة متقطعه)

برنامج تحديد السرعات مش بيبقى معتمد على الايى بى بتاعك صح ولا لأ ؟

Dr.A.M
02-10-2009, 07:10 AM
أنا جبت برنامج كويس بيورنى مين الى مستهلك النت اوى ومبطئ الدنيا مع خيار انى أقطع عليه
عشان الغلابة التانين
أهو رحمت الناس شوية
:]

Nettawy
02-10-2009, 07:15 AM
لالالا
برنامج تحديد السرعات
بالماك بردو :))

Nettawy
02-10-2009, 07:18 AM
بص انا كنت مشترك مع سايبر قبل مأجيب الخط لوحدي
كانت سرعة السايبر 2 ميجا
هو الراجل كان متغاظ ان معدل الدونلوود شهريا حوالي مثلا 300 جيجا
أنا بكون عامل 100 منهم مثلا
فكان بيحددني 3 كيلو في الثانيه
بس كنت بحط الماك بتاعه على جهازي

وكنت بسحب السرعه كلها عنداً فيه

بس النسخ الجديده في البرنامج بقت بتتغلب على كل الحيل دي

dr ZMZ
02-10-2009, 12:07 PM
وانت جوه الويندوز
إنما على الدوس الدرايفز دي مابتتقراش يا وينر :)

طب ما انا لسة مفرمته ntfs و انا بسطب الويندوز الجديد .. و محصلش حاجة

ekm86
02-10-2009, 03:47 PM
طب ما انا لسة مفرمته ntfs و انا بسطب الويندوز الجديد .. و محصلش حاجة
يا z.. مش هيحصل حاجة معاكي
اللي هيتأثر بس هو اللي بيستعمل الدوس
أنا مثلا مش باستعمل الدوس دلوقتي.. وما عنديش حتى فلوبي ديسك
فمش هيأثر عليا حاجة زي دي

Nettawy
02-10-2009, 03:49 PM
مش شرط فلوبي :)
راحت عليه
ممكن اسطوانه بوتابل

ekm86
02-10-2009, 05:30 PM
عندي اسطوانة عليها نسخة دوس كانت جاية مع لابتوب
بس مش محتاجها أساسا

Nettawy
02-10-2009, 06:06 PM
ولا أنا
:)

STROMA
08-10-2009, 05:07 AM
طيب يا جماعه انا دلوقتى شطبت ويندوز جديد


ومازالت عندى مشكلة ان الكمبيوتر بيعمل ريستارت فجاه ولوحده وكمان الصوت بيكتم

winner
08-10-2009, 05:03 PM
طيب يا جماعه انا دلوقتى شطبت ويندوز جديد


ومازالت عندى مشكلة ان الكمبيوتر بيعمل ريستارت فجاه ولوحده وكمان الصوت بيكتم



شوفي الحرارة ..

سبب مهم و خطير ..

STROMA
08-10-2009, 08:06 PM
شوفي الحرارة ..

سبب مهم و خطير ..



لما كانت عندى الحراه عاليه فى وقت من الاوقات


كان الكمبيوتر بيفصل تماما مش بيعمل ريستارت


انا بحس ان الهارد بيقع ويفوق تانى

:))

winner
08-10-2009, 10:15 PM
لما كانت عندى الحراه عاليه فى وقت من الاوقات


كان الكمبيوتر بيفصل تماما مش بيعمل ريستارت


انا بحس ان الهارد بيقع ويفوق تانى

:))


ممكن تكون المشكلة باور سابلاي ..
احتمال تكون فيه كابلات مش مظبوطة ..
الحالات اللي زي كدة محتاجة اشوف الكمبيوتر بنفسي ..
ابعتيلي الكمبيوتر ..
:)
اعتقد اني محتاج وصف مفصل للحالة .. بالتفصيل الممل .. اصل مشاكل الهارد وير محتاجة تأني في تشخيصها و علاجها ..

STROMA
09-10-2009, 09:05 AM
:)))))))))))))))))


والشحن على مييييييييين

؟؟


هاجرب اجيب باور سبلاى كده واشوف وربنا يسهل

d.m.d
09-10-2009, 10:41 AM
طب ان الجهاز عندى عليه فيروسات
ولما جيت اعمل سكان ب كاسبر عمل ريستارت لوحده
وقعد يعمل ريستارت كتير وشغلته سيف موود
بعدها بشويه اشتغل طبيعى خالص
بس انا عايز اعمل سكان تانى وخايف يبوظ تانى d:

Nettawy
09-10-2009, 03:23 PM
محمود خد هاردك وإعمل سكان عند أي حد من زمايلك مايكونش عنده فيروسات أفضل

Dr.A.M
15-10-2009, 03:26 PM
محتاج كراك أو سيريل (أفضل) لبرنامج anti arp v6.0.1
وشكرا

semsema
15-10-2009, 09:33 PM
الفايرفوكس الرخم
الصفحة بتعلق في نص التحميل و باضطر أعمل ريفرش كذا مرة
جوجل تول بار مش شغال
المتصفح كله بينهار مرة واحدة
و كتير اجي أفتحه يطلعلي الرسالة دي

http://i411.photobucket.com/albums/pp192/DrSamah/firefoxalreadyrunning.png

و كل ما أقفلها و أحاول أفتحه تاني تطلعلي تاني بتاع سبع تمن مرات على ما يرضى يشتغل

أي اقتراح يا جماعة؟

mr_azygos
15-10-2009, 09:39 PM
الفايرفوكس الرخم
الصفحة بتعلق في نص التحميل و باضطر أعمل ريفرش كذا مرة
جوجل تول بار مش شغال
المتصفح كله بينهار مرة واحدة
و كتير اجي أفتحه يطلعلي الرسالة دي

http://i411.photobucket.com/albums/pp192/drsamah/firefoxalreadyrunning.png

و كل ما أقفلها و أحاول أفتحه تاني تطلعلي تاني بتاع سبع تمن مرات على ما يرضى يشتغل

أي اقتراح يا جماعة؟

غيريه :)
مش بستريحله نفسيا
احسن سفاري او اوبرا

Nettawy
15-10-2009, 09:44 PM
سفاري بيهجص مع الفيستا ساعات

ابقي اقفليه من التاسك ماناجر وخلاص يادكتوره :)

semsema
15-10-2009, 10:46 PM
غيريه :)
مش بستريحله نفسيا
احسن سفاري او اوبرا
شكلي هاعمل كده فعلاً :)
بس هل لو عملت export لقائمة المفضلة اللي عليه حالياً (و هي طوييييييييلة جداً) المتصفحات دي هتقراها؟
و كمان مشكلة في الباسوردز الكتيرة اللي محفوظة عليه دي أعمل فيها ايه؟
في طريقة أعملها بيها export هي كمان؟


سفاري بيهجص مع الفيستا ساعات

ابقي اقفليه من التاسك ماناجر وخلاص يادكتوره :)
ماهي المشكلة مش في قفله دي في فتحه :)

ekm86
16-10-2009, 03:39 AM
محتاج كراك أو سيريل (أفضل) لبرنامج anti arp v6.0.1
وشكرا
I don't know
ده بتاع إيه ده يا أحمد

الفايرفوكس الرخم
الصفحة بتعلق في نص التحميل و باضطر أعمل ريفرش كذا مرة
جوجل تول بار مش شغال
المتصفح كله بينهار مرة واحدة
و كتير اجي أفتحه يطلعلي الرسالة دي

http://i411.photobucket.com/albums/pp192/DrSamah/firefoxalreadyrunning.png

و كل ما أقفلها و أحاول أفتحه تاني تطلعلي تاني بتاع سبع تمن مرات على ما يرضى يشتغل

أي اقتراح يا جماعة؟

ممكن يكون في مشكلة في التولبارز اللي فيه
ويمكن يكون جوجل تولبار
لو كنتي حطيتي تولبار قريب ممكن يكون هو السبب.. شيليه وجربي
أو الغي التولبارز وجربي من غيرها يومين ولا حاجة
لو اشتغل كويس ممكن يكون من واحد منهم

برضه شوفي لو في أي أبديت للبرنامج

سفاري بيهجص مع الفيستا ساعات

ابقي اقفليه من التاسك ماناجر وخلاص يادكتوره :)
فعلا..
ما هو عشان يتفتح معاكي يا دكتورة لازم يتقفل الأول
افتحي الـtask manager ورحي للـtab بتاعة processes ودوري فيهم هتلاقي الفايرفوكس موجود
اعمليله End process هيشتغل معاكي

semsema
16-10-2009, 12:38 PM
ممكن يكون في مشكلة في التولبارز اللي فيه
ويمكن يكون جوجل تولبار
لو كنتي حطيتي تولبار قريب ممكن يكون هو السبب.. شيليه وجربي
أو الغي التولبارز وجربي من غيرها يومين ولا حاجة
لو اشتغل كويس ممكن يكون من واحد منهم

برضه شوفي لو في أي أبديت للبرنامج

Thanks very much, will give it a shot :)


فعلا..
ما هو عشان يتفتح معاكي يا دكتورة لازم يتقفل الأول
افتحي الـtask manager ورحي للـtab بتاعة processes ودوري فيهم هتلاقي الفايرفوكس موجود
اعمليله End process هيشتغل معاكي
صح صح :surrender

Nettawy
16-10-2009, 12:47 PM
صح صح <!-- / message --><!-- sig -->
:)
مش موثوق فيا باين :))))))))))))

Nettawy
16-10-2009, 12:48 PM
فعلا..
ما هو عشان يتفتح معاكي يا دكتورة لازم يتقفل الأول
افتحي الـtask manager ورحي للـtab بتاعة processes ودوري فيهم هتلاقي الفايرفوكس موجود
اعمليله End process هيشتغل معاكي <!-- / message --><!-- sig -->
thx 4 support :)

semsema
16-10-2009, 01:00 PM
:)
مش موثوق فيا باين :))))))))))))

أنا اللي مكنتش فاهمة كويس
لأ مؤاخذة onion15

Nettawy
16-10-2009, 01:14 PM
أنا اللي مكنتش فاهمة كويس
لأ مؤاخذة http://kasralainy.com/forum/images/smilies/onion%20(15).gif <!-- / message --><!-- sig -->
ولا يهمك يا دكتوره
كلنا لها :)

المهم يكون تمام دلوقت :)

Dr.Medicine
16-10-2009, 05:22 PM
اللاب توب عندي بيسخن جدا ....اعمل ايه؟؟

او المشكلة فين ؟؟المروحة ؟؟

ekm86
16-10-2009, 07:02 PM
المفروض إن اللابتوب كل شوية كده المروحة تشتغل تطلع هوا سخن وتفصل تاني..
الحكاية دي بتحصل ولا ما بقاش بيطلع الهوا ده؟
ولا ما كنتيش بتاخدي بالك قبل كده؟

Nettawy
16-10-2009, 08:53 PM
بيتحط على حاجه بتكتمه ؟؟
يعني تكوني قاعده على السرير مثلا وحاطاه عليه ؟؟

لو كده حاولي تخليه تحتيه حاجه Solid تديله منفذ للهواء اللي بيخرجه

Dr.Medicine
17-10-2009, 01:34 AM
لا يا نتاوي بيبقي علي الطربيزة

و الله يا اسلام انا من فترة لحظت انه بيطلع هوا سخن جامد و بعدين طنشت انا فترة و بعدين رجعت احس ان الهوا زيادة ..

اعتقد انه اتغير عن ما كنت جايبه في الاول

Nettawy
17-10-2009, 05:12 AM
متأكده ان Fan بتشتغل على طول ؟؟
ولا بتشتغل وتفصل لحد مالجهاز يسخن ؟؟

ممكن تكون كفائتها قلت وده بيحصل وبتحتاج تتغير
بس أهم حاجه تكوني متابعاها ومتأكده

d.m.d
26-10-2009, 05:52 PM
يا دكاتره
الدرايف d عندى اتفرمت كله :(:(

فى طريقه ارجعه بيها ؟؟؟

winner
26-10-2009, 06:17 PM
يا دكاتره
الدرايف d عندى اتفرمت كله :(:(

فى طريقه ارجعه بيها ؟؟؟


اتفرمت ازاي ؟؟

ekm86
26-10-2009, 06:45 PM
يعني إنت (أو حد تاني) عمله format من الويندوز أو الدوس؟
ولا مش بيفتح يعني؟

d.m.d
27-10-2009, 12:50 AM
يعني إنت (أو حد تاني) عمله format من الويندوز أو الدوس؟
ولا مش بيفتح يعني؟

واحد عمله فورمات خالص :(
من جوا
الامر
format

Nettawy
27-10-2009, 12:57 AM
ops..
Its not effective but try to use a RECOVERY program..
It may be useless to me as i tried alot but still u ve the chance

ذو عين واحدة
27-10-2009, 01:23 AM
جرب ده كدا وشوف حيعمل معاك حاجة والا لا

http://www.recovermyfiles.com/

Nettawy
27-10-2009, 02:17 AM
هو انا حصل معايا الموقف ده كتير
وبالفعل بيرجعلي الملفات بس للاسف قله قليله الي بتشتغل
سواء صور فيديو صوتيات أو برامج !!

بس حاول بردو

ذو عين واحدة
27-10-2009, 02:23 AM
انل لسا مجربه من يومين ورجع فيديوهات واشتغلت

Nettawy
27-10-2009, 02:24 AM
كويس جدا ...

Dr.Medicine
16-11-2009, 09:58 PM
السلام عليكم و رحمة الله و بركاته

انا عايزة موقع اعمل عليه scan online للفيروسات ...لان الفلاشة بتاعتي اتفيرست !!

ekm86
17-11-2009, 12:28 AM
أنا مش عارف موقع كويس بيعمل كده
لأن في منهم كتير بيبقى Spam وبيبهدل الجهاز
خصوصا إنك بتديله الـaccess لجهازك بنفسك

باحب الأنتي فيرس يبقى على جهازي أحسن

مش عارف بقى ممكن يكون وينر أو حد تاني يعرف موقع مضمون للحكاية دي

Dr.Medicine
17-11-2009, 12:53 AM
انا المشكلة عندي اني اديت الفلاشة لكذا حد فالفلاشة لفت علي كذا جهاز فواحدة صحبتي رجعتهالي و قالت لي ان الحاجة اللي عليها اتمسحت لانها لقيتها متفيرسة فعملت لها سكان و كل اللي عليها راح

المشكلة دلوقتي الفلاشة فاضية ...اجي احط عليها اي حاجة يقولي ما فيش مساحة ...حتي لو هي فاضية خالص

عملت لها سكان علي الجهاز عندي بكاسبر سكاي و ما اكتشفت اي فيروس

اعمل ايه؟؟

admin
17-11-2009, 02:43 AM
غالبا محتوياتها مخفية
لو ما عرفتش تظبط الجهاز علشان يشوف الملفات المخفية يبقى الجهاز انصاب هوا كمان

over_dose
17-11-2009, 06:12 PM
لو مش محتاجة اللي كان عليها نهائي...
اعمليلها فورمات (كليك يمين عليها في جهاز الكمبيوتر واختاري فورمات ... Fat32 ...)

Dr.Medicine
18-11-2009, 05:37 PM
غالبا محتوياتها مخفية
لو ما عرفتش تظبط الجهاز علشان يشوف الملفات المخفية يبقى الجهاز انصاب هوا كمان

الكلام ده ليا انا ؟؟

يعني ايه؟؟

طب و اعمل ايه ؟؟كله الا الجهاااز !!

ekm86
23-11-2009, 03:17 PM
طيب عموما في البداية . اعملي scan بالأنتيفيروس على كل البارتيشنز

وجربتي تعملي للفلاشة فورمات ولا لأ؟

STROMA
23-11-2009, 04:21 PM
هوا لو المشبك اللى بيه بيتثبت الميمورى كارد اتكسر

ده ليه حل ولا ايه؟

winner
23-11-2009, 05:57 PM
هوا لو المشبك اللى بيه بيتثبت الميمورى كارد اتكسر

ده ليه حل ولا ايه؟

ايه اللي يكسره طيب !!
يادي العنف ..

ملوش لازمة .. ده تثبيت بس .. لو اتكسر، الميموري كارد له مجرى ماشي فيه (Slut) و هيفضل قاعد فيها عادي ..

STROMA
23-11-2009, 11:45 PM
ايه اللي يكسره طيب !!
يادي العنف ..

ملوش لازمة .. ده تثبيت بس .. لو اتكسر، الميموري كارد له مجرى ماشي فيه (slut) و هيفضل قاعد فيها عادي ..


لا هوا مش اتكسر اتكسر يعنى هوا مش بيقفل يعنى سايب كانه مش موجود يعنى

بس انا اعتقد انه ليه فايده لان فاكر المشكله العويصه اللى كنت بعانى منها بتاعة كتمة الصوت والريستارت دايما اللى بيعمله الكمبيوتر

انا عندى 2 ميمورى كارد

واحد المشابك بتاعته سليمه ومتثبت كويس

والتانى اللى موجود فى المكان اللى المشبك فيه سايب

وهوا ده اللى كان عامل المشكله لانى لما شلته المشكله انتهت

بس هوا طبعا اثر على سرعة الكمبيوتر

فكنت عاوزه احطه بس ما يعمليش المشكله دى تانى

عشان بسببها كنت قربت ارمى الكمبيوتر من الشباك

winner
24-11-2009, 12:05 AM
لا هوا مش اتكسر اتكسر يعنى هوا مش بيقفل يعنى سايب كانه مش موجود يعنى

بس انا اعتقد انه ليه فايده لان فاكر المشكله العويصه اللى كنت بعانى منها بتاعة كتمة الصوت والريستارت دايما اللى بيعمله الكمبيوتر

انا عندى 2 ميمورى كارد

واحد المشابك بتاعته سليمه ومتثبت كويس

والتانى اللى موجود فى المكان اللى المشبك فيه سايب

وهوا ده اللى كان عامل المشكله لانى لما شلته المشكله انتهت

بس هوا طبعا اثر على سرعة الكمبيوتر

فكنت عاوزه احطه بس ما يعمليش المشكله دى تانى

عشان بسببها كنت قربت ارمى الكمبيوتر من الشباك


مممم ..
عندك رامتين ..
مممم ..
طيب ..

برضه طول ما الرامة متثبتة في مكانها مفيش منها مشكلة ..
المشبك لو مكسور و سادد السكة يبقى شيليه خالص .. بس بالراحة لا البوردة تبوظ ..
انما لو مكان الرامة فاضي و بتدخل فيه كويس و مستريح يبقى مفيش مشكلة ..
لو المشبك سايب و بيخلي الرامة تفلت ممكن يعمل كدة ..

حاجة كمان ..
لو مشكلة الريستارت و الحاجات دي حصلت بعد ما ركبتي الرامة التانية قوليلي ..
ممكن الرامتين ماينفعوش مع بعض ..

STROMA
24-11-2009, 12:40 AM
فعلا المشكله دى ما حصلتش الا لما ركبت الرامه التانيه

فارس الوهم
24-11-2009, 11:49 AM
الفورم مقلوب عندي
من الشمال لليمين جالي حول
لما بكون مش مسجله بيكون عادي
واول مدخل مش عارفه ليه بيتحول

winner
24-11-2009, 02:03 PM
فعلا المشكله دى ما حصلتش الا لما ركبت الرامه التانيه


في الحالة دي لو انتي اللي اشتريتي الرامة التانية من نفسك و ركبتيها يبقى الغلطة غلطتك ..

و لو كان حد بتاع كمبيوترات هو اللي جابها و ركبها .. يبقى عيب عليه قوي لما ما يعرفش حاجة زي دي ..

انا ماقدرش احكم على الموضوع ده من غير صورة للبوردة (مكان الرامات) و صور الرامتين .. و معلومات مفصلة عنهم ..

لو تعرفي حد بيفهم في الهاردوير وريه كل ده و لازم هيعرف اذا كان ينفع يشتغلوا مع بعض و لا لا .. لانهم لو مش متناسقين بيعملوا (Conflict) و يبقى الوضع اسوأ من الأول ..

مؤقتا ممكن تركبي الرامة الاكبر فيهم (لو فيه واحدة سعتها اكبر من التانية)

winner
24-11-2009, 02:05 PM
الفورم مقلوب عندي
من الشمال لليمين جالي حول
لما بكون مش مسجله بيكون عادي
واول مدخل مش عارفه ليه بيتحول


مممم ..
سمّي و ادخلي برجلك اليمين ..
لو ماتعدلش قوليلي ادورلك على حل تاني ..

فارس الوهم
24-11-2009, 03:48 PM
مفيش فايده
سميت و دخلت برجلي اليمين
وعملت ريستارت للجهاز مفيش فايده

onion70

و الغريب انه بيكون كويس وانا بره
47onion

winner
24-11-2009, 04:35 PM
مفيش فايده
سميت و دخلت برجلي اليمين
وعملت ريستارت للجهاز مفيش فايده

onion70

و الغريب انه بيكون كويس وانا بره
47onion


البراوزر بتاعك ايه؟؟

فارس الوهم
24-11-2009, 05:53 PM
internet Explorer 6.0

بس معتقدشي فيه مشكله
لان الفورم بيقلب لما بسجل دخول بس طول ما انا بره بيبقى كويس
بفكر اذا كان فيه localization
بيحصل لان اسم المستخدم بتاعي عربي
بس الغريب مكانشي بيحصل قبل كدا
هو نسخه الفورم اتغيرت

winner
24-11-2009, 06:35 PM
استخدمي فايرفوكس ..

فارس الوهم
24-11-2009, 06:52 PM
مفيش فايده قلب برضه 76onion

Dr.Medicine
24-11-2009, 07:21 PM
الميك عندي مش راضي يشتغل

جب هيدفون جديدة و اجي اتكلم علي الماسنجر مش شايف الميك خااااالص


المشكلة مش في الميك لاني جبت واحد تاني اجربه ...برضو ما اشتغلش

اعمل ايه؟؟

ekm86
24-11-2009, 09:06 PM
طيب ما تجربي تعملي سيرش عليه من الديفايس مانجر وهو متوصل

Dr.Medicine
24-11-2009, 10:04 PM
جربت قبل كده ......و ما نفعش

over_dose
25-11-2009, 12:05 AM
المايك نفسه مش بيتعرف الكارت بس هو اللي بيتعرف

لو عندك كارت امامي غير الكارت الرئيسي بتاع الصوت بتوصلي فيه المايك لازم تغيري اعدادت التسجيل من اعدادات الصوت الأساسية بتاعة الويندوز

لو الكارت اللي عندك انتل (Realtek) يبقى المفروض لو عرفتيه صح برنامج التعريف هايتولى المهمة دي عنك.

بالتوفيق

dr_0nline
25-11-2009, 01:36 AM
نفس المشكلة بتحصل عندي في الياهو
الايقونة بتاعة المايك مختفيه
بس لو عمت كونفيرنس يشتغل
تقريبا المشكلة في نسخة الياهو نفسه
جربي المايك في لي برنامج تاني غير المسنجر

ekm86
25-11-2009, 02:35 PM
يا أوفر دوز أنا عارف إن المايك مش بيتعرف
بس أحيانا كده بتحصل حاجات بتخلي الكومبيوتر مش بيعمل Automatic detect لحاجة معينة
وبيبقى محتاج تخليه يعمل أي بحث متعلق به يمكن يشوفه

over_dose
25-11-2009, 03:23 PM
تمام يا اسلام بس الاوتو دتكت بيبقى للأجهزة إللي فيها رقاقات الكترونية فقط

عموم مش هانختلف ادينا بنجرب ونشوف الحل هايبقى ازاي

ekm86
25-11-2009, 03:38 PM
:)

ما أقصدش ديتيكشن للتعريف والله
أقصد يعني مجرد الاحساس إن في سماعة اتوصلت.. مايك اتوصل
كده يعني
الحاجات دي مش محتاجة تعريف ولا حاجة
بس أحيانا بتعلق مش عارف ليه
فبتبقى محاولات لفك المشكة بس مش أكتر

فارس الوهم
25-11-2009, 06:11 PM
انا ماليش دعوه
حد يشوفلي حل
انا خلاص اتحولت onion70

winner
25-11-2009, 06:41 PM
انا ماليش دعوه
حد يشوفلي حل
انا خلاص اتحولت onion70

أنا عاوز اشوف بنفسي ..
اعملي برنت سكرين و وريني الصورة عندك عاملة ازاي ..

ekm86
25-11-2009, 09:48 PM
الفورم مقلوب عندي
من الشمال لليمين جالي حول
لما بكون مش مسجله بيكون عادي
واول مدخل مش عارفه ليه بيتحول
يعني الكلام اللي إحنا بنكتبه موجود على اليمين زي ما هو
لكن مثلا اللوجو على الشمال .. وكلمة لوحة التحكم على الشمال.. وتسجيل الخروج على اليمين.. وهكذا؟

لو كده جربي تغيري في الـencoding تخليه right-to-left.. وتشوفي هيثبت ولا لأ

المشكلة إني مش فاهم الشكل بالظبط فعلا..
يا ريت لو تبعتي صورة له

Dr.Medicine
25-11-2009, 11:19 PM
الصراحة ...مافهمتش انا المفروض اعمل ايه؟؟

فارس الوهم
27-11-2009, 02:03 AM
http://i287.photobucket.com/albums/ll139/civilmarmar/befor.jpg

دي شكل الشاشه عندي دلوقتي
وبعد الانكودينج الوضع ما اختلفشي كتير
البانر اتعدلت و كل الايكونز بقت يمين
بس الكلام زي ما هو

winner
27-11-2009, 10:00 AM
مشكلتك مش لاقيلها حل للأسف ..
لكن اسمحيلي اخترعلك شوية حلول ..
أنا مش بستخدم IE و عشان كدة مش عاوز اتكلم فيه كتير ..
لو نفس المشكلة بتحصل مع الفايرفوكس كمان .. يبقى عندك مشكلة (اكيد يعني)..
المشكلة دي ممكن تتحل في IE بانك تعملي في encoding اتجاه الكلام right to left
و في فايرفوكس اعملي Switch text direction

لو المشكلة ماتحلتش ..
ممكن تستبي ويندوز و تريحي دماغك ..
أو تعملي system Restore ..

انا الحقيقة مش لاقيلك حلول كتير دلوقتي ..

dr ZMZ
27-11-2009, 11:22 AM
الشاشة ضلمت مرة واحدة
47onion

46onion
26onion
onion4
66onion
onion70
onion2
35onion
88onion
122onion

ekm86
27-11-2009, 03:30 PM
واصل لها باور؟؟؟؟
في أي لمبة فيها بتنور خصوصا لو برتقالي؟

لو بتنور..
في حاجة مكتوبة على الشاشة؟

لو مفيش..
افصلي الكابل من الجهاز وشوفي لو في رسالة ظهرت لك رسالة على الشاشة إن مفيش سيجنال

فارس الوهم
30-11-2009, 12:49 PM
سبحان الله
هو اتصلح لوحده

ساعات كتير بحس فعلا ان الكمبيوترات دي فيها عفاريت :)

winner
30-11-2009, 01:24 PM
سبحان الله
هو اتصلح لوحده

ساعات كتير بحس فعلا ان الكمبيوترات دي فيها عفاريت :)


سبحانه قادر على كل شئ ..

ألف مبروك .. و يارب كدة دايماً الأمور تتصلح معاكي ..

STROMA
30-11-2009, 03:27 PM
الموبايل باظ

وبسببى

اتفلحصت وقال ايه بعمله ابديت من على نوكيا بى سي سيوت قام اتقفل وما قامش تانى حتى مش بيستجيب للشاحن خالص

حد عنده فكره هوا حصل ايه ؟؟

البطاريه اتحرقت ؟؟ ولا ايه

STROMA
30-11-2009, 03:28 PM
انا زعلانه جدا بجد
82onion82onion

Nettawy
30-11-2009, 03:37 PM
ممكن يكون وقع سوفت وير
...
بس انا ماعرفش في السوفت قد كده

STROMA
30-11-2009, 03:52 PM
لو على السوفت وير تبقى هينه

انما اعتقد انها مشكله اكبر من انه وقع السوفت وير :((

Nettawy
30-11-2009, 04:29 PM
إن شاء الله خير

over_dose
30-11-2009, 07:08 PM
ده البوت لودر
ودي مشكلة بتحصل كتير عند التحديث الخاطئ

نوع موبايلك ايه ؟؟

لو تعرفي إزاي تشغلي boot loader screen من غير الموبايل نفسه يبقى ممتاز

لما توصليه على الكمبيوتر بيتعرف عليه؟

STROMA
30-11-2009, 10:10 PM
ده مافيش استجابه لاى حاجه خالص

يبقى الكمبيوتر هيتعرف عليه

:(


والمشكله دى بسيطه ولا ايه بالظبط ومحتاجه ايه عشان يشتغل تانى

winner
30-11-2009, 10:24 PM
ده مافيش استجابه لاى حاجه خالص

يبقى الكمبيوتر هيتعرف عليه

:(


والمشكله دى بسيطه ولا ايه بالظبط ومحتاجه ايه عشان يشتغل تانى


و الله با بنت الناس انا كان نفسي افيدك ..
بس الموبايل بتاعي من النوع اللي مفيهوش سوفت وير .. و لا هارد وير!

لكن واحد صاحبنا (ناصح) كان بيعمل ابديت للمويايل بتاعه .. كان n73 تقريبا .. و حصلت معاه نفس المشكلة تقريبا .. و مش فاكر حلها ازاي بالظبط .. بس تقريبا كان راح الضمان ..
الاضمن تروحي الضمان .. بس خدي حد كبير معاكي ..

ekm86
30-11-2009, 11:31 PM
يا ستروما إن شاء الله بسيطة
هي مشكلة في السوفت وير "غالبا"

الفكرة بس إن الوصلة اللي بنستخدمها بتاعة اليو إس بي.. لازم تحدث السوفتوير والموبايل شغال
لكن في مكان تاني في الموبايل له وصلة خاصة لتعديل السوفت وير من غير ما يكون شغال..

بس فعلا لو وديتيه الضمان هيكون أحسن بكتير.. ولو وديتيه لحد أوعي تسيبيهوله
لأن كتير منهم بياخد أجزاء من الموبايل ويحط مكانها حاجات صيني..
والله أعلم هيشتغل بيها ولا لأ

STROMA
30-11-2009, 11:39 PM
خلاص ان شاء الله اروح لرايه بكره باذن الله

وربنا يستر

STROMA
01-12-2009, 04:59 PM
روحت لرايه النهارده

الراجل شاف الموبايل وركبله بطاريه تانيه ولا استجابه برضه

قالى هيكشفوا عليه ويشوفوا ايه الحكايه ويا يتصلح يا ما يتلصحش

26onion

ekm86
01-12-2009, 05:24 PM
إن شاء الله يتصلح
لأنه لو ما اتصلحش.. تبقى المشكلة مش بسبب تغيير السوفتوير غالبا

Nettawy
01-12-2009, 05:29 PM
ان شاء الله خير

STROMA
01-12-2009, 05:38 PM
يااااااااااااااا رب

Dr.A.M
03-12-2009, 05:35 AM
عايز أغير الايى بى
بتاعى
وأكون كأنى عايش فى روسيا
ضرورى يكون الايى بى لروسيا
عشان فى موقع روسى بتاع تحميل رهيب مش شغالى إلا فى روسيا onion4

وكل البرامج بتاعت تغيير الايى بى ياما فى أمريكا أو حتت تانية

أرجوكم حد يودينى روسيا 122onion 33onion

ekm86
03-12-2009, 04:48 PM
للأسف..
البرامج اللي أعرفها مافيهاش امكانية اختيار البلد
بيدخلك مكان أي حد تاني من اللي بيستخدموه

Dr.A.M
05-12-2009, 02:03 AM
يعنى ملهاش أى حل

winner
05-12-2009, 08:10 AM
www.walktocurecancer.com:80
vs1211018.vserver.de:8080
static-200-105-195-218.acelerate.net:8080
smtp.apptec.net.sa:-8080
scrt.bps.gub.uy:-80
sc1.millennium.gr.jp:-80
proxy1.vaph.be:-80
pool-94.24.164-31.is74.ru:8080
pftoo.ackley.net:3128
pftoo.ackley.net:-3128
ns207719.ovh.net:-3128
mx1.delta.com.sa:-8080
mx1.alwaleedfoundation.org.sa:-8080
mx.alazizia.net:-8080
mail.goldtech.com.cn:3128
mail.app-tec.com:-8080


جرّب البروكسي دول ..
دول بتوع روسيا ..
يمكن واحد فيهم يشتغل معاك ..

ekm86
05-12-2009, 03:59 PM
أنا ما أعرفش يا منصور..
أنا باعرفك عشان ما تقولش محدش رد عليا
:))))))

Dr.A.M
07-12-2009, 05:40 AM
ok thx winner and ekm
i'll try these proxies

فارس الوهم
03-01-2010, 02:14 PM
مش عارفه ليه مش عارفه اغير الفونت بتاعي ولا اللون بتاع الخط ومش عارفه احط اي سمايلي انا بستخدم الفايرفوكس عشان شكل المنتدي الجديد و اتاكدت من الاوبشنز ان الجافا سكريبت و الجافا معمولهم enable

ekm86
03-01-2010, 04:34 PM
Just a Trial
123onion

ekm86
03-01-2010, 04:35 PM
مش عارفه ليه مش عارفه اغير الفونت بتاعي ولا اللون بتاع الخط ومش عارفه احط اي سمايلي انا بستخدم الفايرفوكس عشان شكل المنتدي الجديد و اتاكدت من الاوبشنز ان الجافا سكريبت و الجافا معمولهم enable

طيب إيه اللي بيحصل معاكي لما بتفتحي قائمة تغيير الخط؟
أو لما بتدوسي على الـsmilies؟

ولو شغلتيه على الـIE بيشتغل عادي ولا بتفضل المشكلة مستمرة؟

فارس الوهم
03-01-2010, 04:54 PM
هو على الانترنت اكسبلولر متلخبط خالص وحتى مش بشوف السمايليز او قائمه الخطوط او التعديلات الاسمايليز باينه بس برضه بضغط عليها مفيش اي رد فعل في الفاير فوكس القوايم كلها باينه بس مش عارفه استخدم حاجه يعني مثلا بيظهري اسماء الخطوط بس مفيش اي رد فعل لما بختار اي خط فيهم لما بدوس على السمايليز مفيش حاجه بتحصل او حتى لما بضغط على المزيد بتاعه الاسمايليز مفيش حاجه بتظهر

ekm86
03-01-2010, 04:58 PM
هوييييييييي
ده نداء ده ولا إيه؟
:)

------>

طيب إيه اللي بيحصل معاكي لما بتفتحي قائمة تغيير الخط؟
أو لما بتدوسي على الـsmilies؟

ولو شغلتيه على الـIE بيشتغل عادي ولا بتفضل المشكلة مستمرة؟

فارس الوهم
03-01-2010, 05:11 PM
لا دا اللي حصل لما حاولت اكتب حاجه من على الانترنت اكسبلولر مكونتش شايفه انا بكتب ايه وبعدين اضطريت ادخل على الفايرفوكس عشان اعدل المشاركه على فكره انا عملت update للجافا قلت يمكن فيها مشكله بس مفيش فايده

ekm86
03-01-2010, 05:33 PM
لأ ما دام كده خليكي في الفاير فوكس أرحم
:)

وعموما أنا هاوصل المشاركة دي للأدمن
وانتي لو قدرتي تجربي من على جهاز تاني خالص.. جربي، وعرفينا في أقرب وقت
عشان نتأكد المشكلة من الجهاز ولا من اليوزر

فارس الوهم
03-01-2010, 05:39 PM
انا جربت الانترنت اكسبلولر على جهاز تاني نفس المشكله بس معنديش فايرفوكس على جهاز تاني

over_dose
04-01-2010, 10:45 PM
معلش عندي كومنت بسطي خلو بالكم الفايرفوكس نفسه اصدارات مختلفة
لما تيجو تنزلوه هو بيشوف الاي بي ويبعتكو على صفحة بلدكو اطلعو منها وروحو الصفحة الدولية ونزلو الإصدار الدولي مش المخصوص للبلد

انا شخصيا بستعمل اصدار اللينكس ومافيش اي مشاكل الحمدلله

فارس الوهم
05-01-2010, 12:28 PM
هي المشكله مش في الفايرفوكس يا احمد لاني دخلت على منتدى تاني و الدنيا اشتغلت عادي انا مش عارفه بصراحه المشكله فين :(

فارس الوهم
05-01-2010, 12:45 PM
و كمان المشكله مش في الاكاونت لاني عملت اكاونت تاني و برضه مفيش فايده ممكن تكون المشكله عندنا في الشركه في البروكسي انا حجرب النهارده ادخل من البيت

فارس الوهم
05-01-2010, 01:12 PM
انا تعبت

انا شكلي حشتغل html

over_dose
05-01-2010, 06:47 PM
طيب حل أخير نجربه وهو انك تستعمل متصفح جوجل كروم وشوفي النتيجة

فارس الوهم
05-01-2010, 07:04 PM
مفيش فايدة :(

ذو عين واحدة
05-01-2010, 09:10 PM
يا فارس الوهم
المشكلة مش عنك بس المشكلة عندي كمان


بس علشان تتغلبي عليها غيري الخط بتاع سطر سطر أو حتى نص سطر نص سطر
أنا باعمل كدة
وده لحد مالمشكلة تتحل

في المشاركة دي أنا اللي عرفت اغيرهم هما أربع كلمات أربع كلمات
أنا عارف انها مملة بس شوفي كدة تنفع معاكي والا لا

فارس الوهم
06-01-2010, 01:18 PM
انا حتى مش عايز يغيرلي ولا حتى كلمه واحده

حتى الصور و السمايليز مش عارفه احطهم :((((((

over_dose
06-01-2010, 02:29 PM
لا بقا المنتدى مستقصدكوا

اشتكوه بقا
اصل اشمعنا احنا كلنا ماشي معانا والمشكلة عندكم بس؟

wgh_el2mr
06-01-2010, 02:44 PM
كان فيه هنا لبرنامج avg antivirus
مش لاقياه
تقريبا اللى كان حاطه هو اوفر دوز او ذو عين الواحدة

مش عارفة راح فين ومحتاجاه

ekm86
06-01-2010, 06:39 PM
ده؟
http://free.avg.com/ww-en/download-avg-anti-virus-free

Dr.Medicine
13-01-2010, 09:36 PM
هو انا علشان اعمل في الورد spacing 1.5

بعملها منين ؟؟

paragraph

??


لاني مش فاكرة

ekm86
13-01-2010, 09:39 PM
2003 ولا 2007؟

Dr.Medicine
13-01-2010, 09:45 PM
2003
2003
2003

Dr.Medicine
13-01-2010, 11:41 PM
الحمد لله عرفت

Select the text you would like to apply that spacing to. Go to Format>Paragraph>Spacing, select 1.5 from the drop-down menu

ekm86
14-01-2010, 03:34 PM
Sorry for being late
:(

Dr.Medicine
14-01-2010, 03:41 PM
Never mind

Nettawy
15-01-2010, 03:06 PM
ياه الواحد بيفكر نبقى نبدأ مع بعض كورس على قدنا كده في الأوفيس ..
طبعا حين ميسره

ekm86
15-01-2010, 04:31 PM
ياه الواحد بيفكر نبقى نبدأ مع بعض كورس على قدنا كده في الأوفيس ..
طبعا حين ميسره
بس عايزين source كويس.. ونعيد صياغته بطريقة أسهل
أو نحط منه على طول لو كان سهل

Nettawy
15-01-2010, 04:55 PM
ربنا ييسر
أنا آخر مره اشتغلت ع الأوفيس بزمه
كنت في 5 ابتدائي
كنت متقن كله والله بس دلوقتي أحمر يا ورد :))

ekm86
15-01-2010, 04:57 PM
:)

طيب كويس إن لون الورد لسة ما راحش

wgh_el2mr
16-01-2010, 10:10 AM
مشكلة مستعجلة ولو محدش قالى حل ليها هيجرالى حاجة

اول امبارح النسخة وقعت اخويا حط واحدة ببرنامج الجوست بالليل وقفل الجهاز ونام

جه يفتحه الصبح لقى النسخة واقعة مع ان الجهاز مشتغلش
حاول ينزلها بالجوست تانى كان الفولدر الله فيه ايميدج الجوست مش بيظهر ف الاختيارات
المهم قرر ينزل نسخة جديدة ونزلها بس فتح لقى مفيش حاجة ع الهارد
كله فااااااااضى وكل حاجة راحت
الحاجات دى مهمة جدا ومحتاجاها ضرورى
مفيش اى حل يرجع الحاجات دى

Nettawy
16-01-2010, 02:34 PM
قبل ما تعملي أي حاجه إتأكدي من الحاجات إنها ممسوحه فعلاً !!
يعني شوفي المساحات وكده لو ممسوحه
جربي تشغلي الهارده على جهاز تاني بس يكون Slave يعني مش هو الأساسي ..
وشوفي هيقرا الحاجات دي ولا لأ ..

wgh_el2mr
16-01-2010, 04:59 PM
المساحة فاضية يانتاوى
بس فيه حاجة البارتشن اللى كان عليه الحاجة كنا مغيرين اسمه
دلوقتى لقيته باسمه القديم

ekm86
16-01-2010, 05:50 PM
المساحة فاضية يانتاوى
بس فيه حاجة البارتشن اللى كان عليه الحاجة كنا مغيرين اسمه
دلوقتى لقيته باسمه القديم

على فكرة..
متهيألي أنا فهمت اللي حصل دلوقتي..

برنامج الـghost بياخد نسخة من بارتيشن أو أكتر ويحفظها عنده
ولما بتعيدي استخدام النسخة دي.. بيرجع البارتيشن أو الأكتر دول لنفس الحالة بالظبط ساعة الـback up
يعني لو كنتي خدتي نسخة من السي والدي مثلا..
بعد فترة.. حطي على الدي صور جديدة.. ملفات جديدة..
لو عملتي ريستور.. هيرجع البارتيشن زي ما كان بالظبط ساعتها..
يعني أي ملفات جديدة، هتختفي
عشان يحط الملفات اللي كانت موجودة ساعتها

هو كان واخد البارتيشن اللي اتمسح واللي رجع بنفس الاسم في الباك أب ولا لأ؟

Nettawy
16-01-2010, 06:04 PM
أعتقد يا إسلام إنه كان عامل نسخه للسيستم فقط .. والله أعلم !

ekm86
16-01-2010, 06:11 PM
أمال البارتيشن التاني اسمه هيتغير ليه؟!

Nettawy
16-01-2010, 06:17 PM
من السهل إنك تعمل باك أب للسيستم لأنه غالبا مش هيتعدى 5-10 جيجا ..
والطبيعي انك هتحطه على أي بارتيشن تاني وهيستغل المساحه دي ..
شايف إنه من الصعب وليس من المستحيل عمل باك أب لباقي البارتيشنز -وجهه نظر شخصيه- !
وبردو لو كلامك مظبوط على الأقل كان يرجع أي حاجه من اللي معمولها باك أب .. بس الواضح ان البارتيشن فاضي !!
وكل ماهو جديد هو ان اسمه القديم رجع تاني ..

وبرجح ان الهارد يتركب ك slave على جهاز تاني ونشوف ان كان هيقراه -أي الملفات المفقوده- ولا لأ ..

ekm86
16-01-2010, 08:11 PM
من السهل إنك تعمل باك أب للسيستم لأنه غالبا مش هيتعدى 5-10 جيجا ..
والطبيعي انك هتحطه على أي بارتيشن تاني وهيستغل المساحه دي ..
شايف إنه من الصعب وليس من المستحيل عمل باك أب لباقي البارتيشنز -وجهه نظر شخصيه- !
وبردو لو كلامك مظبوط على الأقل كان يرجع أي حاجه من اللي معمولها باك أب .. بس الواضح ان البارتيشن فاضي !!
وكل ماهو جديد هو ان اسمه القديم رجع تاني ..

وبرجح ان الهارد يتركب ك slave على جهاز تاني ونشوف ان كان هيقراه -أي الملفات المفقوده- ولا لأ ..
خلي بالك إن كان عندي بارتيشن فيه حاجة وعشرين جيجا.. اتعمل له باك أب في اتناشر جيجا
بس طبعا ممكن يكون كلامك مظبوط.. وممكن يكون حصل مشكلة أثناء الـrestore

بصي يا وجه..
حاولي توصليه slave زي ما نتاوي قال.. واتأكدي
ولو ما لقيتيش حاجة خالص حاولي تعملي restore بنسخة الباك أب تاني (لو كنتوا من الأصل واخدين باك أب فعلا لبارتيشن تاني مع السي)
يمكن يلاقي بعض الملفات
ولو عايزة أشوف لك برنامج من بتوع استعادة الملفات تجربيه.. OK

wgh_el2mr
16-01-2010, 09:19 PM
نص كلامكم انا مش فهماه
بس احنا ديما كنا بنشتغل بالجوست وكل حاجة ترجع زى ماهى عادى مفيش اختلاف لو دا كان قصدكوا يعنى
ياريت يا اسلام لو مش فيها تعب ليك او عطلة تشوف موضوع البرنامج دا

Nettawy
16-01-2010, 11:45 PM
وجه اسألي أخوكي
هو كان بيستخدم الجوست للسي بس ؟؟ ولا للبارتيشنز كلها ؟؟

wgh_el2mr
17-01-2010, 12:33 PM
للسى بس يا نتاوى

Nettawy
17-01-2010, 03:08 PM
كما توقعت !!
جربي بس تركبوا الهارد Slave على جهاز تاني
يمكن يكون بيهيس عندكوا .. حصلت معايا كتير

وربنا معاكو

Dr.Medicine
19-01-2010, 08:47 PM
في ايميل انا رفعة الصور علي موقع لرفع الصور و كل ما اجي ابعته يطلع لي الرسالة دي



Your message was not sent



Suspicious activity has been detected on your account. To protect your account and our users, your message has not been sent.

If this error continues, please contact Yahoo! Customer Care (http://help.yahoo.com/l/us/yahoo/mail/postmaster/abuse_smtp.html) for further help.

We apologize for the inconvenience.



Thanks,
The Yahoo! Mail Team


ده ممكن يكون بسبب موقع الرفع ده و لا ايه؟؟

ekm86
19-01-2010, 10:42 PM
معلش أنا تعاملي مع إرسال الإيميلات من الياهو منعدم

لكن انتي بتحطي في الإيميل الصور بكوبي وبيست؟
أصل الإيميل إنتي عاملاله forward من إيميل تاني وضايفاله الصور؟ ولا بدأتي الميل من الصفر؟

ممممممممم
مش جاي في بالي سبب تاني حاليا..
بس وضحيلي الحاجات دي ولو في حاجة تانية توضح برضه يكون أفضل

Dr.Medicine
19-01-2010, 11:26 PM
انا رفعت الصور علي موقع رفع للصور و حطيت منه الصور

Dr.Medicine
26-01-2010, 09:59 PM
السلام عليكم و رحمة الله و بركاته

انا عندي مشكلة ..


عملت update ل windows live messenger

و بعد ما اتحمل و قفلت الجهاز

المرة اللي بعتها لما فتحت الجهاز لقيت ان DSL مش شغال

حتي اللمبة اللي بتنور مش بتنور خااااااااالص

انا وصلت سلك الدس ل علي جهاز تاني ...هو شغال

يبقي العيب في الجهاز عندي

اعمل ايه؟؟

و لو حد هيقولي اعرف المودم تاني ...يقولي ازاي ؟؟؟

ekm86
27-01-2010, 01:22 AM
حطي اسطوانة التعريف وبعدين:
من Device manager
>
network adapter
>
right-click على اللي موجود واختاري update driver software
وخليه يدور في اسطوانة التعريف
لو ما عملش حاجة ممكن لما تعملي right click تختاري properties
وتختاري الـtab بتاعة driver.. وتدوسي roll back driver.. المفروض يرجعه زي ما كان

لو مفيش نتيجة قوليلي نجرب حاجة تانية

Dr.Medicine
27-01-2010, 03:57 AM
جربت

و مافيش فايدة !!

اعمل ايه ؟؟

ekm86
27-01-2010, 02:20 PM
طيب هو في كذا حاجة ممكن نعملهم.. وربنا يسهل
أولا.. system restore
(كليك يمين على الـC ودوري في الـtabs لحد ما تلاقيه.. واختاري نسخة تاريخها أقدم من تاريخ الأبديت اللي عملتيه)

في حل تاني أحيانا كتير بيفيد لما الدنيا بتعقد خالص
حاولي تعمليه لو الريستور ما نفعش
تقفلي الجهاز خالص.. وتفصلي الـفيشة
تفكي كارت الـnetwork من مكانه، وتشغلي الجهاز
وبعدين تقفليه تاني وتفصلي الفيشة برضه، وتوصلي الكارت في مكانه وتثبتيه كويس
وتشغلي الجهاز تاني

Dr.Medicine
27-01-2010, 06:07 PM
جربت الطريقة الاولي ما نفعتش
الطريقة التانية ده لاب توب و انا الصراحة ما اعرفش افتحه !

Dr.Medicine
28-01-2010, 05:14 PM
افقد الامل خلاص ؟؟!!

ekm86
29-01-2010, 01:21 AM
أنا كنت ناسي إنه لابتوب.. طبعا اللابتوب ما يتفتحش
أنا كنت فاكره PC

طيب محاولة كمان..
من Add/remove programs.. دوري على Installed updates وشوفي آخر التحديثات.. هتلاقي فيها التحديث الخاص بالماسنجر لو ما كانش اتشال في السيستم ريستور
اعمليله Uninstall، وممكن تعيدي تعريف الكارت بعدها من اسطوانة التعريف
وربنا يسهل..
(ولو إني مش عارف إيه العلاقة بين الماسنجر وكارت الشبكة لحد دلوقتي)

ما نفعش بقى..
يبقى نشوف بقى أي محاولات تانية ممكنة غير تغيير الويندوز
(هو فيستا مش كده؟)

Dr.Medicine
29-01-2010, 03:59 PM
للاسف ما نفعتش المحاولة دي

اه فيستا

ekm86
29-01-2010, 09:31 PM
طيب احنا كنا عملنا "في الخطوة الأولى" update للـDriver بتاع الكارت
هتفتحي الـdevice manager وتعملي right-click على الكارت
وتعملي له uninstall خالص
لو ربنا كرم وما اتعرفش عليه لوحده.. اعملي Right-Click على أيقونة الكومبيوتر اللي فوق خالص في الـdevice manager نفسه "اللي بيخرج منها باقي الحاجات"
واعملي scan for hardware changes.. ولو سألك يدور فين خليه يدور في اسطوانة التعريف
لو اتعرف عليه لوحده بقى.. إحنا وحظنا.. يشتغل أو لأ

ربنا يسهل

Dr.Medicine
30-01-2010, 12:59 AM
ما انا لما باجي اخليه يدور في اسطوانة التعريف ما بعرفش اي فولدر

بفضل ادور ما بلاقيش حاجة

ekm86
30-01-2010, 01:18 AM
ما انا لما باجي اخليه يدور في اسطوانة التعريف ما بعرفش اي فولدر

بفضل ادور ما بلاقيش حاجة
لأ انتي ما تدوريش
المهم بس تكون هي اسطوانة التعريف فعلا
وتختاري الاسطوانة كلها وهو بيدور جواها

Right-click
update driver software
Browse my computer for driver software
تكتبي في المستطيل الحرف بتاع الاسطوانة.. مثلا:
L:\
وتعلمي على Include subfolders
و Next

Dr.Medicine
30-01-2010, 02:05 PM
بجد يا اسلام شكرا جزيلا

ما فيش حاجة نفعة خاااااااااالص

انا هوديه للراجل و اللي عايز يعمله بقي في الجهاز يعمله

ekm86
30-01-2010, 03:33 PM
معلش أنا آسف والله إني مش عارف أوصل لحاجة معاه
بس يمكن عشان مش قدامي.. فمش عارف افكر كويس

بس لو انتي هتوديه لحد مش واثقة فيه
يبقى غيري الويندوز أحسن، وأضمن

لو ما اشتغلش بقى ساعتها (وده صعب جدا) يبقى في مشكلة هاردوير والأحسن إن التوكيل هو اللي يشوفها

Dr.Medicine
30-01-2010, 03:39 PM
شكرا يا اسلام و الله

انا عارفة انك بذلت كل اللي تقدر عليه

جزاك الله خيرا

فارس الوهم
31-01-2010, 12:59 PM
يوم الخميس الخطوط اشتغلت و الاسمايليز و كل حاجه وانا كنت مبسوطه و مكونتش مصدقه انها اشتغلت اخيرا

النهارده رجع الوضع على ما هو عليه :((((((((((((

ekm86
01-02-2010, 03:23 AM
طيب معلش يا فارس الوهم
يا ريت شرح تاني للمشكلة بالكامل.. ولو في حاجة ممكن تتوصح أكتر بـscreen shot.. يبقى أفضل
عشان انقل المشاركة دي زي ما هي للأدمن
وإن شاء الله يكون لها حل

Dr.Medicine
06-03-2010, 12:21 AM
هو ليه هنا علي المنتدي لما اجي اعمل موضوع جديد ما بيطلعش الادوات بتاعة انشاء الموضوع اللي هي الالوان و ازاي اغير الفونت و الخط و الحاجات دي؟؟؟

ذو عين واحدة
29-03-2010, 09:06 PM
عندي اسطوانة دي في دي

نسخت عليها مقاطع فيديو ببرنامج itunes
جيت أشغلها على الجهاز عندي مش شغاله
فيه حل للمشكلة دي
أنا تعاملي مع ال دي في دي قليل

ekm86
29-03-2010, 11:09 PM
عندك codec كويس؟
لو مش مسطب عندك كوديك كويس حط kld codec
آهو :
http://files.freesoft.ru/mm-mm/K-Lite_Codec_Pack_583_Mega.exe

ذو عين واحدة
30-03-2010, 01:05 AM
تسلم يا كبير على التعب

بس مش قولتلك إني تعاملي مع الدي في دي قليل

بس هو بصراحة مش قليل لدرجة إني أحطه على سي دي تاني كان في الروم

خلاص أخوي أكتشف إني ح.....
وشاله هوا
واشتغل خلاص

kalamntena
30-03-2010, 01:22 AM
:)))))))))

ربنا يكرمك يا ذو عين واحدة
ضحكتنى
اللى واخد عقلك يا سيدي يتهنى بيه

ذو عين واحدة
30-03-2010, 01:27 AM
:))))))))))))))

ekm86
30-03-2010, 12:20 PM
يا سيدي ولا يهمك.. كويس إنك خليتني أعرف إن في نسخة أحدث نزلت من الكوديك
:))

recoba
12-04-2010, 11:19 PM
استفسار صغنن
بدأت تظهرى الرسالة دى من فترة وبعد البحث عرفت انها نتيجة بطارية المازر بتسلم نمر
cmos checksum error defaults loaded
وكان قبليها مشاكل ف الكمبيوتر بيفصل كده من اى لمسة ان شاالله وانا بشيل الفلاشة وساعات لوحده كده وساعات لو حد فتح النور ف اى اوضة وخضه .... هل السبب الباور سبلاى ولا البطارية ؟؟
و بطارية المازر بتتغير عادى ؟؟ ولو بتتغير بتتشال ازاى عشان ما اتغباش عليها ؟ :d

متشنكرين مقدما

ekm86
13-04-2010, 03:43 AM
بطارية المازر دي بتبقى عاملة زي بطارية الساعة كده بالظبط
بس هي قطرها أكبر من بتاعة الساعة بكتير
هتلاقيها غالبا في المازر بورد من تحت، وبتبقى واضحة قوي
مكان دائري كده فيه بطارية فضية مدورة
روح لأي واحد من بتوع الكومبيوتر وهات منه واحدة وشيل دي وحط دي
هي بعد كده هتشحن من الكهربا وهتشغل على طول

فارس الوهم
29-04-2010, 07:03 PM
الاكواد رجعت متشتغلشي تاني عندي :((((((((((((((((((

kalamntena
01-05-2010, 11:36 PM
ليه كل اما احط باك جراوند واطفى الكمبيوتر اولعه الاقيها طارت؟

ekm86
02-05-2010, 01:59 AM
معلش يا فارس الوهم..
بجد المشكلة دي كذا واحد قال لنا عليها وأنا لحد دلوقتي مش قادر أعرف السبب
ومش عارف إيه اللي كان ظبطها
ومش عارف إيه اللي ضيعها تاني
:(

---

كلمنتينا
اختاري صورة من الحاجات العادية اللي بتبقى موجودة أساسا مع الويندوز
ولما تفتحي الجهاز اختاري الصورة اللي انت كنتي مختاراها (اللي كانت بتختفي دي)

وممكن تنسخيها في my documents أو في فولدر الـwindows.. وبعدين تختاريها تبقى الخلفية من هناك

وماتنسيش تعملي scan بأنتي فيروس معمول له أبديت

لو مفيش نتيجة.. قولي لي الويندوز هو إيه؟ ولو كنتي حطيتي برنامج قريب على الجهاز

kalamntena
02-05-2010, 09:34 AM
هاجرب تانى يا اسلام و ربنا يسهل

فارس الوهم
16-05-2010, 01:24 PM
عاااااااااااااااا
مشكله الاكواد اتحلت ليومين
وبعدين رجعت تاني زي ما هي بقالها اكتر من اسبوع

المشكله اني مش بعرف احط مواضيع لما الاكواد بتتعطل لان المجهود بيكون كبير جدا في التنسيق :(((((((((((((

kalamntena
16-05-2010, 05:14 PM
ما الاكواد كلها شغالة اهي يا فارس الوهم

فارس الوهم
16-05-2010, 06:30 PM
مفيش اي اكواد شغاله عندي مش عارفه ليه
يعني مش عارفه اعمل اي مشاركه ليا بولد او باي لون
او احط اي اشكال الا لو كتبت انا كود الـ html

kalamntena
16-05-2010, 09:03 PM
:what happ

والله شغالين

يا جدعان اللى سايب عياله الصغيرين بيلعبوا في الحاجة يلمهم

طب غيري البراوزر كده يا فارس الوهم وقوليلي
<input id="gwProxy" type="hidden"><!--Session data--><input onclick="jsCall();" id="jsProxy" type="hidden">

فارس الوهم
17-05-2010, 12:40 PM
هو واضح ان المشكله عندي انا فعلا
لاني جربت امبارح اشغله من البيت اشتغل عادي
بس الغريب ان لو فيه حاجه ممنوعه من الايزا او من الفايرفوكس حتكون موحده على كل المواقع اللي انا بدخلها
لكن الاكواد شغاله في منتديات تانيه

عروستي :(((((((((((((((((

kalamntena
18-05-2010, 12:36 AM
ولا عندك ولا عندنا
المشكلة في المنتديات التانية
:)))))))))))

kalamntena
08-08-2010, 01:15 AM
دلوقتى ستبنا نسخة ويندوز جديدة فاحتاج تعريفات من اول
و نزلنا العربي
بس فيه مشكلة غريبة
الكيبورد بتكتب غلط

مثلا لو هاكتب اندر سكور
تطلع كده
+
ولو فاصلة تطلع
?

ملخبطة على الاخر

علما بان لغة النسخة انجليزي امريكي

ekm86
08-08-2010, 04:42 PM
دلوقتى ستبنا نسخة ويندوز جديدة فاحتاج تعريفات من اول
و نزلنا العربي
بس فيه مشكلة غريبة
الكيبورد بتكتب غلط

مثلا لو هاكتب اندر سكور
تطلع كده
+
ولو فاصلة تطلع
?

ملخبطة على الاخر

علما بان لغة النسخة انجليزي امريكي

Control panel
Regional & Language settings
روحي لـTab اسمها Keyboards & Languages
دوسي Change Keyboards

هتلاقي مستطيل كبير فيه اللغات بتاعة الكيبورد
المفروض فيه English United states
وفيه Arabic (Egypt) وتحتها كلمة Keyboard.. شوفي تحتها مكتوب Arabic 101 ولا حاجة تانية "زي مثلا Arabic 102"
لو لقيتيها حاجة تانية غير 101.. اختاريها واعملي remove
وبعدين دوسي Add واختاري Arabic Egypt 101

kalamntena
08-08-2010, 05:48 PM
كان فيها عربي 101
بس كان فيها برضه لغة غريبة كده شيلتها
_
اهو كده
:))
شكرا يا اسلام

ekm86
08-08-2010, 06:28 PM
كان فيها عربي 101
بس كان فيها برضه لغة غريبة كده شيلتها
_
اهو كده
:))
شكرا يا اسلام
You are Welcome

dr ZMZ
20-09-2010, 08:35 PM
البرامج عندي بتقفل لوحدها onion7

ekm86
20-09-2010, 10:11 PM
جربتي تعملي سكان بأنتي فيروس؟

dr ZMZ
21-09-2010, 07:50 AM
جربتي تعملي سكان بأنتي فيروس؟

آه و لقيت كام فايل infected و شيلتهم

Nettawy
21-09-2010, 07:52 AM
في رأيي مادام وصلت لكده مالوش لازمه سكان من نفس الجهاز ..
Once infected Always infected
!!

dr ZMZ
21-09-2010, 08:02 AM
في رأيي مادام وصلت لكده مالوش لازمه سكان من نفس الجهاز ..
Once infected Always infected
!!

يعني إيه ؟؟ :icon_mrgr

Nettawy
21-09-2010, 09:06 AM
يعني مادام الجهاز مصاب بفايرس خلاص عليه العوض في الجهاز المناعي بتاعه
قدامك خيار من اتنين :
الأول : تفكي الهارد بتاعك وتركبيه على جهاز تاني CLEAN وفيه انتي فايرس كويس وتعملي منه Scan من غير ماتفتحي أي بارتيشن من هاردك
الثاني : تعملي فورمات للبارتيشن اللي عليه الويندوز واللي غالبا مابيكون ال " C " ةتنزلي ويندوز وياريت يكون معاكي سورس الأنتي فايرس
من أي حته غير جهازك عشان ماتضطريش تفتحي أي بارتيشن لحد ماتسطبي الأنتي فايرس ويكون Up to date وتعملي Scan

ملحوظه : ممكن تكوني شيلتي الفايروسات بالفعل بس أنا اتسعت من الشوربه فبنفخ في الزبادي يعني مابضمنش حاجه :))

dr ZMZ
21-09-2010, 09:08 AM
يعني مادام الجهاز مصاب بفايرس خلاص عليه العوض في الجهاز المناعي بتاعه
قدامك خيار من اتنين :
الأول : تفكي الهارد بتاعك وتركبيه على جهاز تاني CLEAN وفيه انتي فايرس كويس وتعملي منه Scan من غير ماتفتحي أي بارتيشن من هاردك
الثاني : تعملي فورمات للبارتيشن اللي عليه الويندوز واللي غالبا مابيكون ال " C " ةتنزلي ويندوز وياريت يكون معاكي سورس الأنتي فايرس
من أي حته غير جهازك عشان ماتضطريش تفتحي أي بارتيشن لحد ماتسطبي الأنتي فايرس ويكون Up to date وتعملي Scan

ملحوظه : ممكن تكوني شيلتي الفايروسات بالفعل بس أنا اتسعت من الشوربه فبنفخ في الزبادي يعني مابضمنش حاجه :))

الاول مينفعش لان ده لاب

و انا على طول لما كانت بتحصل مشكلة كنت بعمل فورمات بس كان نفسي الاقي حل غير ده

Nettawy
21-09-2010, 09:41 AM
ممكن بقى ب Local Networking وتوصليه مع جهاز تاني وتعملي Scan من عليه
أو حل تاني نعمل نسخه Ghost بس على نضافه يعني بعد ماتنزلي الويندوز وتسطبي كل اللي انتي محتاجاه
تعملي نسخه جوست ودي عباره عن Back Up
أو حل تالت اننا ناخد بالنا من الفلاشات اللي بتركب والمواقع الغير موثوق بيها وكده

أنا عموما شغال من غير أنتي فايرس حالياً

ekm86
21-09-2010, 10:19 PM
الاول مينفعش لان ده لاب
و انا على طول لما كانت بتحصل مشكلة كنت بعمل فورمات بس كان نفسي الاقي حل غير ده
هاقول لك حاجة.. إنتي ما دام عملتي scan ولقي حاجات وشالها.. خلاص.. اصبري كام يوم كده وشوفي هيشتغل كويس ولا لأ
لو مش شغال كويس خشي بقى ع الخطوات اللي بعد كده

كان في اللاب بتاعي ويندوز XP على بارتيشن وويندوز 7 على بارتيشن تاني
والـ7 جاله فايروس
عملت له سكان من الـXP
ومتهيألي خلاص المشكلة خلصت (ولو إن ده مش شرط إنه يحصل كل مرة للأسف)
ممكن تحطي ويندوز على بارتيشن تاني وتسطبي عليه الأنتي فيروس وتعملي منه scan .. وبعد كده تمسحي ملفات الويندوز الجديد

والله الأنتي فايروس صلح الدنيا.. يبقى وفرتي على نفسك تحميل كل البرامج من أول وجديد وتظبيط كل حاجة زي ما كانت
يعني هيبقى بس وقت تنزيل الويندوز والـscan (من غير باقي البرامج وتظبيطها وكده)

ما اتصلحش بقى.. يبقى ما قدامكيش غير الويندوز الجديد على نضافة لأن ده معناه إن في ملفات مصابة ما ينفعش تتمسح

winner
08-03-2011, 06:10 PM
كل الـusb عندي على الكمبيوتر مش شغالة

حاولت معاها و برضه مصممة انها ماتشتغلش

حد عنده حل !

Dr.Medicine
09-03-2011, 01:36 AM
طب و الموس usb??
شغال ؟؟؟؟؟

Nettawy
09-03-2011, 03:44 PM
Did u Try to unplug cables from Motherboard to USB(s) ?

ekm86
09-03-2011, 07:59 PM
جرب تفصل الكهربا خالص عن الجهاز كام دقيقة كده "تشيل الفيشة من الكوبس".. وبعدين توصل تاني وتجرب

winner
10-03-2011, 08:24 PM
طب و الموس usb??
شغال ؟؟؟؟؟

الماوس عندي مش usb

winner
10-03-2011, 08:25 PM
Did u Try to unplug cables from Motherboard to USB(s) ?

مكسّل
:)

بس اعتقد هعمل كدة في النهاية

winner
10-03-2011, 08:26 PM
جرب تفصل الكهربا خالص عن الجهاز كام دقيقة كده "تشيل الفيشة من الكوبس".. وبعدين توصل تاني وتجرب


ماشي

يارب يشتغل

Nettawy
10-03-2011, 08:38 PM
تعليق .. بعد ماتشيل الفيشه من الكوبس .. اضغط على الباور " يقال انه بيفرغ شحنات "

winner
11-03-2011, 05:46 PM
السادات قال (مفيش فايدة)
تقريباً الكمبيوتر برضه كان مطلع عينيه
:)

و لا حاجة نافعة

need for power
11-03-2011, 07:23 PM
السلام عليكم ورحمة الله وبركتة انا عندى مشكلة انا عندى وبندوز 7 بس انا عايز اسطبه تانى بس فى مشكلة لما احط السى دى واعمل ريستارت عادى يعنى عشان اسطب الوبندوز بس لما بعمل ريستارت كانى مش حاطط سى دى وله حاجة ما هو الحل

ekm86
12-03-2011, 01:21 AM
والله يا وينر اليو اس بي ده على قد ما سهّل الدنيا على قد ما باغلب عشان أصلحه لو فيه مشكلة
مرة عمل معايا كده حاولت كل المحاولات ما اتصلحش.. وغيرت له الدرايفر ونزلتله من النت درايفر جديد ومفيش فايدة لحد ما غيرت الويندوز اشتغل
ومرة تانية عمل كده.. شلت الفيشة وحطيتها اشتغل
!!

عموما حاول تلعب في حوارات الدرايفر دي.. جايز
-----------

need for power
لما تفتح الجهاز دوس F2 أو Del.. حسب نوع الماذر بورد بتاعتك
هيدخلك على الـsetup بتاع الماذر بورد
دور على حاجة اسمها boot configuration
هتلاقي فيها الحاجات اللي هو ممكن يعمل boot منها.. يعني يشغل الجهاز من عليها.. بالترتيب اللي تختاره
يعني مثلا:
الهارد ديسك - السي دي روم - الفلوبي - اليو اس بي

إنت بقى خلي السي دي روم يكون أول واحد في الترتيب، بعديه الهارد
واعمل save

بعد كده بقى لما تفتح الجهاز هيقول لك لو عايزه يعمل boot من الاسطوانة press any key

Dr.Medicine
12-03-2011, 01:37 PM
السلام عليكم ورحمة الله وبركتة انا عندى مشكلة انا عندى وبندوز 7 بس انا عايز اسطبه تانى بس فى مشكلة لما احط السى دى واعمل ريستارت عادى يعنى عشان اسطب الوبندوز بس لما بعمل ريستارت كانى مش حاطط سى دى وله حاجة ما هو الحل

فعلا هو الحل زي ما د/ ekmقال ....

need for power
12-03-2011, 08:18 PM
الف شكر على الرد بس انا عملت اللى انت قولتيلى عليه عملت Del وبعد كده دخلت على boot وبعد كده جابلى boot settings configuration ومكتوب تحتيها boot device priority وتحتيها hard disk drives وتحتيها cd/dvd drives انا بقى مش عارف اعمل ايه بعديها الحل ايه بعد اذنكوا

need for power
12-03-2011, 08:36 PM
خلاص الف شكرا اتعمل خلاص وربنا يخليكوا على الرد السريع شاكر جدا جدا ليكو

ekm86
13-03-2011, 07:28 PM
العفو يا need

need for power
14-03-2011, 01:36 AM
السلام عليكم ورحمة الله وبركتة انا كان عندى سؤال تانى بس انا دلوقتى اشتريت كرت شاشة ati readon 5450 1gb ddr3 والحمد لله الكرت زى الفل ومشغل كل الالعاب على very high وعندى رمات 3GB kingstone ddr2 bus 800 وكنت عايز اجيب كمان رامه 2GB فهل لازم تكون نفس نوع وكل حاجة بتاعت الرمات ال 3GB ولا مش لازم اه او لا ويارايت لو حد يعرف سعر الرامه ال 2GB kingstone ddr2 bus 800 كام وكمان كنت عايز اشترى سماعه راس للكمبيوتر بس تكون نوع نضيف مش كل شوية السللك بتاع السماعه يبوظ فالوتنصحونى بنوع معين يكون نضيف وشكرا خاص جدا جدا لى (ekm86) ولى كل الناس اللى بترد عليه معلش انا عارف انى طولت عليكوا بس هو احنا لينا مين تانى غير المنتدى ده واعضاء المنتدى ده المحترمين وشكرا جزيرا مرة تانية ليكو

need for power
14-03-2011, 11:40 PM
فين الردود يا جماااااااااااااااااااااااااااااااعة وبعدين انا عندى سؤال تانى انا لما نزلت وبندوز 7 السى دى بتاعت اليو اس بى بتاعت الراوتر الوايرلس مش راديه تتعرف فا واحد صاحبى عملى الحكاية دى ونزلى ملف والنت اشتغل بس للاسف ده كان واحد شغال فى مول سفنكس اللى فى المهندسين وانا مش معاية وله نمرتو وله عارف ايه الفيل اللى هو نزلوا ده ايه ومكسل اروحلو مع انى انا ساكن فى المهندسين فياريت لو حد يعرف اعمل ايه يقولى ويارايت بسرعة

need for power
14-03-2011, 11:45 PM
نسيت ققول انى احنا لازم نرد على بعضنا مش حد يشوف سؤال اى واحد ويطنش يجاوبو او يكسل لا يا جماعة خدوا بالكو انى الوضوع ده معمول من 2008 لحد 2011 ولسه شغال والناس يتجوب على الاسئله وبعدين ده اكتر موضوع اعد كده الموضيع التانية اخرها تقعد شهر والموضوع يتنسى فارجوا الاهتمام بالحتة دى اوى وانشاء الله الموضوع يقعد لسنة 4564654654454566454 مش لحد 2011 وبس :)

Nettawy
15-03-2011, 11:05 PM
As for RAMs it won't make a difference but i'd prefere them to be of same type to avoid conflicts..
About their price , i donno !
As for USB i don't know if USB port isn't working itself or the router ?!
If USB : U Can download its DRIVER from ur motherboard's website..
If it is the router u will get the DRIVER from ur router's WEBSITE..

Nettawy
15-03-2011, 11:09 PM
As for RAMs it won't make a difference but i'd prefere them to be of same type to avoid conflicts..
About their price , i donno !
As for USB i don't know if USB port isn't working itself or the router ?!
If USB : U Can download its DRIVER from ur motherboard's website..
If it is the router u will get the DRIVER from ur router's WEBSITE..
:)

ekm86
17-03-2011, 06:53 PM
بالراحة بس يا need
ما عرفتش أدخل اليومين اللي فاتوا.. يعني مفيش طناش ولا حاجة
:)


السلام عليكم ورحمة الله وبركتة انا كان عندى سؤال تانى بس انا دلوقتى اشتريت كرت شاشة ati readon 5450 1gb ddr3 والحمد لله الكرت زى الفل ومشغل كل الالعاب على very high وعندى رمات 3GB kingstone ddr2 bus 800 وكنت عايز اجيب كمان رامه 2GB فهل لازم تكون نفس نوع وكل حاجة بتاعت الرمات ال 3GB ولا مش لازم اه او لا ويارايت لو حد يعرف سعر الرامه ال 2GB kingstone ddr2 bus 800 كام وكمان كنت عايز اشترى سماعه راس للكمبيوتر بس تكون نوع نضيف مش كل شوية السللك بتاع السماعه يبوظ فالوتنصحونى بنوع معين يكون نضيف وشكرا خاص جدا جدا لى (ekm86) ولى كل الناس اللى بترد عليه معلش انا عارف انى طولت عليكوا بس هو احنا لينا مين تانى غير المنتدى ده واعضاء المنتدى ده المحترمين وشكرا جزيرا مرة تانية ليكو
العفو يا نيد

زي ما قال نتاوي كده
كل ما يبقى نفس النوع يبقى أفضل لأن بعض الأنواع ممكن تعمل conflect مع أنواع تانية.. فيعطلولك الجهاز بدل ما يزودوا سرعته
النوعيات دي يعرفها مهندسين الكومبيوتر.. ما أقدرش أفيدك فيها
لكن لو قدرت تجيب نفس النوع تبقى ريحت نفسك
بس هو السؤال.. هل التلاتة جيجا دلوقتي مش مكفيين؟
لو إنت مش محتاج ما تجيبش دلوقتي.. لأن كل شوية بينزل حاجة أحدث
يبقى تأجلها دلوقتي ممكن تجيب الأحدث ده بعدين (طبعا ده رأيي ويعتمد على إحساسك إنت بالجهاز بتاعك.. وكمان حسب نوع البروسيسور)

بالنسبة للسماعات بقى
فإنت لو جبت من مكان معروف زي computer shop أو compu me.. فأكيد النوعيات هناك أفضل من محل صغير من بتاع كله
والسماعة اللي بعشرين جنيه غير السماعة اللي بمية وعشرين جنيه
والسماعة اللي ماركتها معروفة غير السماعة اللي مش معروف لها هوية
إنزل بقى واسأل وشوف الأسعار.. هي اللي هتساعدك تحدد
معلش أنا مش هاقدر أفيدك في الأسعار حاليا.. بس لو نزلت في الكام يوم الجايين هاسأل لك إن شاء الله


فين الردود يا جماااااااااااااااااااااااااااااااعة وبعدين انا عندى سؤال تانى انا لما نزلت وبندوز 7 السى دى بتاعت اليو اس بى بتاعت الراوتر الوايرلس مش راديه تتعرف فا واحد صاحبى عملى الحكاية دى ونزلى ملف والنت اشتغل بس للاسف ده كان واحد شغال فى مول سفنكس اللى فى المهندسين وانا مش معاية وله نمرتو وله عارف ايه الفيل اللى هو نزلوا ده ايه ومكسل اروحلو مع انى انا ساكن فى المهندسين فياريت لو حد يعرف اعمل ايه يقولى ويارايت بسرعة
أنا مش فاهم بالظبط المشكلة في إيه
بس أنا متهيألي إن اليو إس بي ده أكيد مش built in.. فممكن تكون الاسطوانة آخر درايفر فيها لويندوز إكـس بي
إنت بقى شوف الماركة بتاعته إيه وادخل على الموقع بتاع الشركة.. ودور فيه على حاجة مثلا زي: drivers أو software أو downloads
حاجة كده يعني.. لحد ما توصل للمكان اللي بتنزل منه الدرايفرات
غالبا هيسألك عن "المنتج" اللي إنت عايزله درايفر، ونوع الويندوز اللي بتستخدمه
هينزل لك الملف، تحمله وإن شاء الله يشتغل معاك

ومعلش لو كنت اتأخرت عليك

need for power
18-03-2011, 06:42 AM
عادى يا معلم ولا يهمك على التاخير والف شكر على الرد والشرح المفصل وانا طبعا الرمات ال 3 جيجا مكفيانى بس عشان انا بعشق حاجة اسمها العاب والالعاب اللى الجرافيك بتاعها عالى مش اى كلام يعنى زى gta iv crysis الحاجات دى فاتا قولت اجيب ال 2 جيجا ومش هتخسر بس انا هسمع كلامك واستنى لما حاجة تنزل احدث سؤال تانى وانا عارف والهى انى انا زهقتكو بس انا دلوقتى عندى xp وعايز اغيره لى 7 بس كل لما اجى اسطب 7 يجى عند التسطيب تانى خطوة اللى هى all exanding مش عارف ايه كده ويقف عند 0 وميتحركش جربت التسطيب كذة مرة وبردو مش راضى مع العلم انى انا يقعد اودامو بالنص ساعة وبردو بيفضل على 0 مع العلم انى انا قبل ماشترى كرت الشاشة كان بيتسطب عندى وزى الفل ايه الحل

ekm86
18-03-2011, 12:57 PM
عادى يا معلم ولا يهمك على التاخير والف شكر على الرد والشرح المفصل وانا طبعا الرمات ال 3 جيجا مكفيانى بس عشان انا بعشق حاجة اسمها العاب والالعاب اللى الجرافيك بتاعها عالى مش اى كلام يعنى زى gta iv crysis الحاجات دى فاتا قولت اجيب ال 2 جيجا ومش هتخسر بس انا هسمع كلامك واستنى لما حاجة تنزل احدث سؤال تانى
ما هو عشان كده قلت لك إنت اللي تقدر تحكم
لو الألعاب دي شغالة كويس.. يبقى إنت مش محتاج
لو عاملة معاك مشاكل تبدأ بقى تفكر أنا عايز أغير إيه أو أجدد إيه أو أزود إيه


وانا عارف والهى انى انا زهقتكو بس انا دلوقتى عندى xp وعايز اغيره لى 7 بس كل لما اجى اسطب 7 يجى عند التسطيب تانى خطوة اللى هى all exanding مش عارف ايه كده ويقف عند 0 وميتحركش جربت التسطيب كذة مرة وبردو مش راضى مع العلم انى انا يقعد اودامو بالنص ساعة وبردو بيفضل على 0 مع العلم انى انا قبل ماشترى كرت الشاشة كان بيتسطب عندى وزى الفل ايه الحل
اسأل براحتك، ولا يهمك

الحكاية اللي بتقولها دي غالبا مالهاش علاقة بالكارت، ممكن يكون شوية خربشة بسيطة في الاسطوانة توقف لك الدنيا
دي ممكن تعرفها بتجربة كده:

حاول تعمل كوبي للاسطوانة دي عندك على الجهاز.. لو عملية النسخ دي بقت تقف في النص وما ترضاش تكمل، تبقى هي مشكلة في الاسطوانة فعلا.. وغالبا خربشة ما دام كانت شغالة
لو عملية النسخ دي كملت للآخر عادي يبقى الاسطوانة سليمة، وممكن "كتجربة يعني" تعمل منها نسخة تانية على ديفيديهاية فاضية، وتجرب تسطب الويندوز من الديفيديهاية الجديدة، وشوف هيتسطب ولا لأ

need for power
18-03-2011, 03:53 PM
اوك هجرب وهقولك وشكرا جدا ليك

need for power
18-03-2011, 06:06 PM
جربت لما بعملها كوبى التحميل بيقف يبقى كده خلاص السى دى باظت مفيش حل دى كانت اصليه :(:(:(:(

Nettawy
18-03-2011, 06:25 PM
سهل تجيب نسخه أصليه لو ليك حد في جامعه القاهره
وبالنسبه للأسعار ممكن تتابعها على الموقع ده
www.pcegypt.com

need for power
19-03-2011, 12:20 AM
شكرا ليك بس انا للاسف معنديش حد فى جامعة القاهرة خلاص كده السى دى بتاعتى باظت

ekm86
19-03-2011, 12:56 AM
معلش بقى نصيبك كده
بس إنت ما دام معاك نسخة أصلية، يعني السيريال بتاعك سليم
ممكن تنزل نسخة من النت وتفعلها بالسيريال بتاعك

need for power
19-03-2011, 01:50 AM
يالا بقى عودى على ربنا بس انا كنت عايز اشترى دركسيون بتاع الكمبيوتر بس مش عارف اسعاره ولا الانواع فيارايت لو حد يعرف يفيدنى فى الموضوع ده يقولى واه حكاية النظارات ال 3d بتاعت الالعاب وهل موجودة فى مصر وكام السعر وهل ليها مواصفات معينة عشان تشتغل على الجهاز سوء بتاعت الالعاب او الافلام

winner
22-03-2011, 07:19 PM
يا شباب.
عندي كمبيوتر ديل .. كان شغال تمام .. و بعدين سكت بعد ما غيرتله السي دي روم .. و الشاشة مش جايبة اي حاجة.
هل كدة البيوس وقع؟ و لا إيه رأيكم؟

ekm86
22-03-2011, 09:21 PM
أنا مش عارف سكت خاااااااااااالص؟
ولا لما بتشغله المروحة بتشتغل من غير ما يظهر على الشاشة حاجة؟

لو الحالة التانية.. دي حصلت معايا في كذا جهاز.. كنت باطلع الرامات وأمسحها كويس وأركبها تاني، وأحيانا لو اتنين أبدلهم مكان بعض
وكان بيشتغل تاني بعد أول أو تاني محاولة

وإنت برضه لو ما نفعش معاك الموضوع ده فك كابل الباور بتاع السي دي روم
وشوف اللي هيحصل

Nettawy
23-03-2011, 05:04 AM
I don't know that much about BIOS .. Sorry !

need for power
24-03-2011, 04:26 AM
السلام عليكم ورحمة الله وبركتة لو سمحت يا جماعة انا عندى مشكلة كل لما انزل وىندوز يضرب زهقت من كل شوية انزل تعريفات وويندوز ايه الحل

ekm86
24-03-2011, 05:54 PM
متهيألي المشكلة إن الويندوز نفسه مش كويس
يعني زي أغلب النسخ اللي موجودة على النت بيبقى ملعوب فيها ومحطوط لها إضافات وثيمات وحاجات من دي
النسخ دي كبيرها شهر وكل سنة وإنت طيب

إنت لو عرفت تجيب نسخة أصلي زي اللي كانت عندك هات.. دي أحسن حاجة
وبعدها لما تحط النسخة والتعريفات وكده
ممكن تعمل نسخة احتياطية منه ببرنامج نورتون جوست.. ده هيساعدك إنك ترجع بالويندوز للنقطة اللي عملتها عنده بالظبط
وفي في ويندوز 7 حاجة زيه اسمها back up

need for power
25-03-2011, 02:26 AM
السلام عليكم ورحمة الله وبركتة طب انا بنزل نسخة ويندوز من ماى ايجى وهى اصلية Microsoft Windows 7 Professional With SP1 بس هى بقى اول لما تنزل طبعا اول حاجة هعملها هفق الضغط وبعد كدة بقى اعمل ايه وازاى احطها على سى دى واخليها اول لما اعمل ريسترت للكمبيوتر تشتغل عادى زى اى اسطوانة ويندوز يارايت حد يشرحلى الحكاية دى وشكرا مرة تانية على الردود :)

ekm86
25-03-2011, 04:23 AM
المفروض لما تفك الضغط عنها هيظهر لك ملف بامتداد .iso
يعني مثلا window_7_SP1.iso

ده بأي برنامج حرق اسطوانات زي النيرو مثلا.. تدخل عليه وتدور على حاجة زي burn disc image.. أي حاجة زي كده لحرق الـimage
تدخل عليه هيفتح لك صفحة browse عشان تروح منها لمكان الملف اللي إنت نزلته
تختاره وتقول له burn.. ويستحسن تختار verify files after burn
كده هيكون نسخ لك نسخة على الديفيدي.. وتستخدمه عادي زي الاسطوانة الأولانية.. يعني المفروض ما دام سليمة إنها تشتغل لما تفتح الكومبيوتر لوحدها
بس المهم إن السيريال اللي معاك بتاع الاسطوانة اللي باظت يكون بتاع نسخة professional زي اللي إنت منزلها
يعني مش home مثلا.. عشان يشتغل عليها

need for power
28-03-2011, 12:31 AM
السلام عليكم ورحمة الله وبركتة يا جماعة بعد اذنكوا الرد انا جايت اعمل ويندوز جديد وجيت اعمل فورمات للسى لقيتو بيقولى no driver were found ولا السى ولا الدى ولا اى حاجة اعمل ايه الرد بعد اذنكوااااااااااااااااااااااااااااااااااااااااااا

ekm86
21-04-2011, 11:31 PM
معلش يا نيد.. كان بقالي فترة ما دخلتش خالص
بس أنا مش فاهم كويس إيه اللي بيحصل

admin
22-04-2011, 10:34 AM
في ايه؟

Sent from my GT-I5503 using Tapatalk

ekm86
22-04-2011, 12:04 PM
في ايه؟

السؤال ده ليّ ولا لـneed for power؟
:)

admin
23-04-2011, 02:37 PM
اأيوان. . حاسس انك دخلت لقيت الدش مغرق الحمام

Sent from my GT-I5503 using Tapatalk

Nettawy
23-04-2011, 03:59 PM
أنا في المدينه الجامعيه يا أدمن وفعلا الدش مغرق الحمام :))

ekm86
23-04-2011, 09:57 PM
اأيوان. . حاسس انك دخلت لقيت الدش مغرق الحمام
Sent from my GT-I5503 using Tapatalk
عشان الردود دي كلها يعني؟

أصلي فعلا بقالي فترة ما جتش.. وكانت الدنيا غرقانة مشاركات المرة دي
:)


أنا في المدينه الجامعيه يا أدمن وفعلا الدش مغرق الحمام :))
ربنا معاك
:))))

admin
24-04-2011, 04:37 AM
يع. .. ام جي. .. على أيامنا كان الحمام سيراميك. أتمنى الثورة تخليه بورسلين. .. علشان بيزحلق. . تحياتي للأخوة المدينجية. .. هوا لسه في مسامير و الا خلاص؟

Sent from my GT-I5503 using Tapatalk

Nettawy
24-04-2011, 12:54 PM
فيه كل اللي نفسك فيه يا أدمن :)

Nettawy
24-04-2011, 12:54 PM
بالمناسبه العيوب 40 % مدينه 60 % طلبه :))

ekm86
24-04-2011, 12:59 PM
يع. .. ام جي. .. على أيامنا كان الحمام سيراميك. أتمنى الثورة تخليه بورسلين. .. علشان بيزحلق. . تحياتي للأخوة المدينجية. .. هوا لسه في مسامير و الا خلاص؟



فيه كل اللي نفسك فيه يا أدمن :)


هههههههههههههههه
دي على كده بقى مش إم جي.. دي إن جي بتاع بركات
:)

Nettawy
24-04-2011, 01:57 PM
تعالوا زوروناااااااااااااااااااااااااااااااااااااااااااا :))

admin
24-04-2011, 04:53 PM
ربنا ييسر. . ما قدرش أقولك إنها وحشتني. .

Sent from my GT-I5503 using Tapatalk

Nettawy
29-04-2011, 03:54 PM
ياجماعه اللي فيكم من عملاء TE data يقولي عامله معاه ايه اليومين دول ؟

واللي من عملاء LINK يقولي عامله معاه ايه ؟

واللي فيكم كلمته فودافون مقابل انه ياخد راوتر ويستقبل انترنت ب 45 جنيه في الشهر فقط وكل حاجه عليهم .. " وجربها " يقولي أخبار الخدمه ايه ؟

rony
18-05-2011, 10:56 PM
اليو اس بى انترنت بتاعتى خرفت
بيبقى ظاهرلى انها connected بس مش بترضى تفتح حاجة وبيبقى فيها رصيد ومش بحركها من مكانها
لما بفصلها واشغلها تانى بيبان ان فى فيروس على الجهاز ومش بيرضى يتشال

هى ممكن تكون اتفيرست؟؟؟:smiley13:

rony
18-05-2011, 11:01 PM
والفيس بوك كمان هيس بيجيبلى استيتيوسات قديمة جدااا وبلاقى نوتيفيكيشن ان فى مسجات افتحها الاقيها قديمة جدااا برضو
وكمانadd requests انا كنت عاملالها اجنور من فترة طويلة ومسحاها من عندى

هو ده عندى انا بس ولا عند كل الناس؟؟؟

Nettawy
18-05-2011, 11:16 PM
اليو اس بى انترنت بتاعتى خرفت
بيبقى ظاهرلى انها connected بس مش بترضى تفتح حاجة وبيبقى فيها رصيد ومش بحركها من مكانها
لما بفصلها واشغلها تانى بيبان ان فى فيروس على الجهاز ومش بيرضى يتشال

صعب تكون بتتفيرس .. بس كتير بيهيس ..
حاولي تعملي Uninstall للبرنامج وسطبيه تاني ..
سؤال هي نوعها ايه ؟


والفيس بوك كمان هيس بيجيبلى استيتيوسات قديمة جدااا وبلاقى نوتيفيكيشن ان فى مسجات افتحها الاقيها قديمة جدااا برضو
وكمانadd requests انا كنت عاملالها اجنور من فترة طويلة ومسحاها من عندى


مش عندي الكلام ده ..

ekm86
18-05-2011, 11:25 PM
بالنسبة للمشكلة الأولانية..
أنا ما اتعاملتش خاااااااااااااااااالص مع الإنترنت بالـusb.. فمش عارف بصراحة إيه نظامه

الحكاية التانية بقى شكلها كده تهييسة فيس بؤ
وده يأكدهولك إنك تلاقي الحاجات دي بتظهر لك حتى لو غيرتي الجهاز اللي داخلة منه
استني عليه شوية كده.. يمكن يظبط من نفسه تاني
:)

rony
19-05-2011, 12:01 AM
صعب تكون بتتفيرس .. بس كتير بيهيس ..
حاولي تعملي Uninstall للبرنامج وسطبيه تاني ..
سؤال هي نوعها ايه ؟

اتصالات
بس لا مؤاخذة يعنى اعمل uninstall ازاى اصل بعيد عنك عندى جهل الكترونى شنيع



مش عندي الكلام ده ..





الحكاية التانية بقى شكلها كده تهييسة فيس بؤ
وده يأكدهولك إنك تلاقي الحاجات دي بتظهر لك حتى لو غيرتي الجهاز اللي داخلة منه
استني عليه شوية كده.. يمكن يظبط من نفسه تاني
:)


وماله استنى خلينى عايشة ف الماضى شوية ده حتى الحاجات القديمة بتفكرنى بذكريات حلوة :smiley1::smiley1:

Nettawy
19-05-2011, 02:36 AM
ماعرفش انتي شغاله بويندوز ايه .. بس بما اني مازلت من أنصار اكس بي :

Start> programs > etisalat usb modem > uninstall

مشكله اليو اس بي مودم انه يهيس كتير ..
وممكن يظبط لوحده على فكره :)

STROMA
19-05-2011, 04:13 AM
شوفى الفاير وول كده يا رونى ممكن يكون متظبط على block all وده اللى مش مخليه يفتح صفحات النت وهوا كونيكتد

rony
21-05-2011, 04:29 PM
بقالي كتير نفسي اسألك يا ستروما مين الفاير وول ده بس محرجة احسن يكون حاجة معروفة وشكلي يبقي وحش d:

Nettawy
21-05-2011, 07:09 PM
مفيش تطورات ؟

rony
21-05-2011, 07:35 PM
اللاب بيحتضر الصوت مش شغال ومبقاش بيشغل نت خالص
البلوتوث مش بيبعت ولا بيستقبل
بيرستر لوحده
اى فيديو بيبقى بطئ جدا وطبعا من غير صوت
يعنى من الاخر فصل مية ونور
ودلوقتى انا مستولية على لاب صاحبتى عشان لو قولتلهم ف البيت انه باظ هيولعو فيا:icon_mrgr

Nettawy
21-05-2011, 08:40 PM
:))
وفرتي عليا مجهود .. خليكي على لاب صاحبتك بقى :)

STROMA
21-05-2011, 09:33 PM
الفاير وول ده احد وسائل الدفاع عن الكمبيوتر ضد هجمات الفيروسات اللى ممكن تيجى على الكمبيوتر عن طريق النت ويبيقى موجود فى برنامج الانتى فيرس والويندوز

فيه عده اختيارات

انك allow all

block all

لو هوا متظبط على block all مش هيفتح اى صفحة نت معاكى

لو متظبط على allow all هيفتح كل الصفح بس هتتعرضى لهجمات الفيروسات بس عادى يعنى :))

فيه كام اختيار تانى مش فاكراهم

ekm86
26-05-2011, 01:36 AM
شكل الموضوع يا روني كده إن المشكلة من الويندوز كله على بعضه
يعني الويندوز نفسه خلاص بيطلع في الروح.. مجرد ما تعمليه كل حاجة تشتغل بإذن الله

يعني غاااااااااااالبا.. مش اللابتوب هو اللي باظ
مشكلة ويندوز.. يتغير وخلاص

rony
02-06-2011, 04:36 AM
على فكرة فعلا المشكلة كانت ف نسخة الويندوز .... اصلها كانت عتيقة
شكرا يا دكتور اسلام ربنا يكرمك

ekm86
09-06-2011, 11:46 AM
على فكرة فعلا المشكلة كانت ف نسخة الويندوز .... اصلها كانت عتيقة
شكرا يا دكتور اسلام ربنا يكرمك
العفو.. أنا ما عملتش حاجة
والحمد لله إنها حاجة بسيطة مش مشكلة في اللاب نفسه

Dr.Medicine
08-07-2011, 03:29 PM
السلام عليكم

انا عندي مشكلة
انا عندي ويندوز 7

كل ما اجي افتح فولدر يجي يقولي ان انترنت اكسبلولر فيه مشكلة و يدور ع الحل اون لاين و بعدين ريسترت او ريسترت علي طول

الحل ايه ؟؟؟


احمل الانترنت اكسبلرولر من جديد!!و لا ايه المشكلة ؟؟

toke
21-09-2011, 03:36 PM
عايزة اسئلكو سؤال انا عملت على حد اجنور ورجعتو عايزة اضيفة بس من غير ميوصلو الاضافة فى برنامج يعمل كدا ولا مفيش ارجو الرد

Nettawy
14-10-2011, 01:01 PM
على حد علمي لا يوجد !
وإلا كان من السهل إني أضيف أي حد بدون علمه !
كون ان حضرتك عملتي اجنور فده معناه انك شيلتيه من قائمة الأصدقاء تماماً ..
وأعتقد مبدأ الخصوصيه privacy في ان حد يضيفني بدون اذني ده صعب كتير !

toke
18-10-2011, 02:55 AM
ميرسى كتير على ردك بس ياخسارة بجد انى مفيش اى حل للموضوع دة وبشكرك تانى انك رديت عليا