صفحة 1 من 13 1 2 3 4 5 6 7 8 9 10 11 12 13 الأخيرةالأخيرة
النتائج 1 إلى 20 من 246

الموضوع: كوليكشن غيظ الجيش (عادى)

  1. #1
    تاريخ التسجيل
    Nov 2002
    الدولة
    قدام القبة
    المشاركات
    965
    معدل تقييم المستوى
    12

    افتراضي كوليكشن غيظ الجيش (عادى)

    انا كنت وعدت قبل كدا بروكن نونا انى ادخل اكتب فى موضوعها كوليكشن غيظ
    و احكى عن الحاجات الى بتحصل لنا و هتحصل لنا فى الجيش

    بس لقيت انه من الافضل انى بجد اعمل موضوع منفصل
    عشان كذا سبب
    اولهم ان مشاركاتى انا و اخوانى المجندين هتتوه بين مشاركات الخت بروكن نونا الجامدة جدا
    و بجد هتبقى المقارنة بينا و بيناها مش فى محلها خالص
    لأننا اكيد هنخسر و مشاركاتنا هتضيع فى الرجلين
    و السبب التانى هو ان الموضوع دا يبقى مخصص لينا كمجندين
    نحكى فيه
    و باقى الناس تشاركنا فيه
    يعنى اهلا بكل الناس معانا هنا فى الموضوع دا
    و اولهم طبعا الاخت بروكن نونا الى هيا اصلا صاحبة فكرة الموضوع دا (بم انه اصلا كان هيبقى جزء من موضوعها)




    اول حكاياتى

    انا عارف انتو مستغربين و متعجبين و مندهشين
    و بتسألو نفسكو
    بيتكلم ازاى دا فى المنتدى و هو اصلا المفروض يكون دلوقتى فى الجيش؟؟

    هو بيكلمنا ازاى و هو فى الجيش؟؟

    اقول لكو يا جماعة الدنيا بتتطور
    و الجيش بيتقدم
    و الجيش معدش زى الاول

    (على فكرة كل ما اقابل حد يقول لى الكلمتين دول و معرفش دا حقيقة و لا هو بيقول كدا عشان يبين انه عبده الجامد المظلوم الى اتطحن فى الجيش و احنا المرفهين و المتظبطين الى بناخد كل حاجة على الجاهز.. يعنى مستخسرين فينا كمان احساسنا بالفخر او بالظلم او بالصعبنة بأننا بنتعب و بنتبهدل)
    عـــــــــــــــــــــــــادى

    ايه بقا؟؟
    الجيش اتطور ازاى؟؟

    لا..لا..لا..لا..لا..
    محدش افكاره تسرح لبعيد
    مش لدرجة انهم يجيبولنا نت و دى اس ال فى الكلية لأ

    طيب ايه الى حصل
    احكيلكو من الاول
    امبارح بالليل حضرت شنطتى
    و صحيت الفجر
    بعد لما نمت كدا الساعة اتين بالليل بعد لما شوفت فيلم تو تورز على الام بي سى تو
    اهه حاجة كدا عل الماشى تدى حماسة للواحد و تحسسه بأحساس الحرب
    (تقولشى طالع على الجبهة)
    عـــــــــــــــــــــــــادى

    المهم قومت الفجر و ظبطت نفسى
    و نزلت للموقف استنى زميلى الى كنت متفق معاه نتقابل الساعة ستة و نص
    طبعا الموبايل مش معايا
    و معاييش ساعة
    عـــــــــــــــــــــــــادى

    وقفت استنى مش عارف قد ايه؟؟
    هو قالى انى استنيت تلات تربع ساعة
    عـــــــــــــــــــــــــادى

    ركبنا و وصلنا البلد الى فيها منطقة التجنيد
    وقفت تاكسى و قولت له
    منطقة التجنيد يا اسطى؟؟
    فوافق بس اشترط انى ادفع له سبعة جنيه
    عـــــــــــــــــــــــــادى

    ركبنا
    و بعد شوية
    و لاقيته بيقف على جنب لواحد عشان يركبه معانا
    عـــــــــــــــــــــــــادى

    تعالى جنب الاخ هنا يا استاذ (السواق)
    ايه جنبى؟؟ (كنت قاعد قدام جنب السواق يعنى مكان لفرد واحد يعنى مينفعش جنبى بس قولت كدا تهريج و

    استظراف يعنى)
    هع هع هع هع (السواق)
    لا يا سيدى مش جنبك دا انت شكلك كدا هتروح تاخد الاعفه و انت واقف.. (السواق)
    عـــــــــــــــــــــــــادى
    عـــــــــــــــــــــــــادى
    عـــــــــــــــــــــــــادى
    عـــــــــــــــــــــــــادى
    عـــــــــــــــــــــــــادى
    عـــــــــــــــــــــــــادى
    عـــــــــــــــــــــــــادى

    الاعفه؟؟!!
    لا يا سيدى مفيش اعفه
    احنا خلاص بقينا ظباط احتياط و احتمال كبير رايحين عشان نترحل النهاردة
    ازاى بالنضارة الى انت لابسها دى (السواق)
    عـــــــــــــــــــــــــادى (قولتها بجد)
    اسألهم يا سيدى و انا مالى؟؟

    بس خد بالك بجد كويس انكو بقيتو ظباط.. هو عاد حد لاقى شغل (السواق)
    ايوا يا سيدى احنا لاقيين شغل.. احنا دكاترة و كنا شغالين و هنشتغل اكتر
    (طبعا انا كدا قفلت عليه باب من ابواب الاستدراك الى بدأ يفتحها بعد ما حس انه عك شويه فى موضوع الاعفه دا)
    المهم الراجل حاول يفتح باب تانى

    الدنيا بتتطور
    و الجيش بيتقدم
    و الجيش معدش زى الاول
    (السواق)
    (حتى انت يا بروطص)
    عـــــــــــــــــــــــــادى

    و الباب دا بصراحة مطلبتش معايا اقفله
    مش عاوز اكتر فى الكلام مع سواق التاكسى
    بس عيب عليكو
    انا غلس
    و و الله لو كنت عاوز افقعه كنت عملتها
    بس حرام
    الواحد برده داخل على ايام ميعرفش فيها هيقع تحت رحمة مين

    المهم وصلنا المنطقة
    و على غير العادة طلبو من التاكسى عدم الاقتراب من المنطقة و انه ينزلنا بعيد شوية
    مش مشكلة خالص
    عـــــــــــــــــــــــــادى
    حاسبنا السواق و تمنى لينا التوفيق

    قربنا من المنطقة
    و المنطقة على شكل مربع
    فى طرف احد اضلاعها بوابة رقم واحد
    و بعدين فى نفس الضلع بوابه رقم اتنين و بعد كدا ثلاته و بعد كدا اربعة
    و فى آخر طرف الضلع الملاصق للضلع دا بوابه رقم خمسة
    يعنى بوابه رقم واحد فى طرف احد اقطار المربع و رقم خمسه فى الطرف الآخر

    المهم لاقيت مجند واقف على بوابه رقم واحد
    و طبعا مش هحكيلكو على ذكاء المجندين الى بتسند ليهم مهمة الوقوف على البوابة دى
    اول ما قربنا ليه
    انتو ضباط احتياط ؟؟ (المجند)
    (ايه دا ؟؟ هو باين علينا ولا ايه؟؟ و لا المجندين الى بيقفو على ابوابات الاى كيو بتاعهم ارتفع فجأه ولا ايه؟؟)
    أه...
    روحو بسرعة على بوابه خمسة (المجند)
    (ايه دا احنا اتأخرنا ولا ايه؟؟ واضح من كلامة انهم مستنيينى انا بالذات.. ربنا يستر..)

    طبعا روحنا بوابه خمسه بعد ما عدينا على بوابه اتنين و تلاته و اربعه و مشينا بطول ضلع آخر من اضلاع المربع
    هو مسافة حوالى كدا قيمة كيلو و نص
    عـــــــــــــــــــــــــادى خاص بجد

    لاقينا واحد مجند بس شكلة قديم و معلق حاجات على اكتافه
    انتو ضباط احتياط؟؟ (المجند القديم)
    أه..
    روحو و تعالو بكرة (المجند القديم)
    ايه..؟؟
    ايه مسمعتش؟؟ (المجند القديم بلهجة مش ولا بد)
    أه مسمعتش (بغلاسة و تلقائية و حزم) (و مش بتناحة او عبط او خوف)
    غلاسة و تلقائية و حزم
    غلاسة و تلقائية و حزم
    هما دول كلمات السر
    الغلاسة والتلقائية و الحزم
    طبعا الطريقة دى خليتنى ركبت الحوار
    لأنه مكانش متوقع انى ارد عليه الرد دا ابدا
    كان فاكرنى هخاف او هتنح
    و انا معملتش و لا حاجة من الاتنين دول ولا خفت و لا تنحت
    انا جاوبت على سؤاله بمنتهى الاحترام
    و بتلقائية و حزم لم يتوقعهم
    الاجابة بالاسلوب دا بتعمل تشتت فى مخ السائل و بتخليه يغيب عن التفكير فى اى حاجة تانية للحظات و تخليه

    يتصرف زى ما انت عاوز
    (عيب عليكو دا احنا عدينا على امتحانات شفوى فى كلية الطب.. مش هنعرف نتعامل مع دول؟؟)

    فرد عليا و هو بيفكر او مستغرب او متعجب هو ايه الى حصل دا
    رد عليا و قال:
    بكرة ان شاء الله تتصورو و تاخدو الكارنيهات
    و بعده تترحلو

    ابتسامة جميلة
    شكراً
    (حقنة تخدير)
    (الحمد لله العيان نام الجراح يشتغل بقا)

    و طبعا الحمد لله ربنا مخيبش ظنى فى المجند الاولانى الى واقف على بوابة رقم واحد

    بصرف النظر عن دا كله
    الموقف عامل ازاى دلوقتى
    طيب انا سافرت و قمت من الفجر و ودعت الناس و قولت خلاص انا رايح
    و بعدين بعد كل دا
    الاقى بتاع يقول لى رورحو و تعلو بكرة (على فكرة بكرة البتاع دا هقول له يا فندم و هحكيلكو هيعمل فيا ايه..)
    بمنتهى البساطة كدا
    طيب هيبقى منظرى ايه و انا مروح قدام الناس
    مش دا الى كان رايح الجيش ايه الى مرجعه تانى..؟؟؟
    طيب و الشنطة الى على كتفى دى و الى شيلتها كل المسافة دى
    طيب و اللى ودعتهم دول اعمل ايه؟؟
    طيب و حالتى النفسية الى كانت مهيأه لحاجة و حصل حاجة تانية تماما (واحد قال لى روحو)
    طيب دا انا حتى مدخلتش منطقة التجنيد ولا شوفت جواها ايه و الموضوع خلص فى خمستاشر ثانية

    و لا اى حاجة
    عـــــــــــــــــــــــــادى جدا
    انا و لا زعلان و لا مقهور و لا مفقوع
    و لا حتى مبسوط و لا منشكح
    و لا اى حاجة خالص
    مفيش اى احساس
    عـــــــــــــــــــــــــادى
    دا المتوقع
    و المتوقع هو انك لا تتوقع او تتوقع الى مش متوقع
    عـــــــــــــــــــــــــادى
    مش عارف هفضل كدا
    و لا فى وقت من الاوقات هحس ان كل دا مش عـــــــــــــــــــــــــادى
    بس بجد لغاية دلوقتى انا حاسس و مقتنع ان كل دا عـــــــــــــــــــــــــادى
    عـــــــــــــــــــــــــادى جدا
    عـــــــــــــــــــــــــادى



    دى..
    مدينتنا حتة سكرة ..... الشمس فيها منورة

    البقاء لله.. د.مصطفى محمود

  2. #2
    تاريخ التسجيل
    Jul 2006
    الدولة
    مصـ (مامة الدنيا) ـر
    المشاركات
    7,940
    معدل تقييم المستوى
    10

    افتراضي

    كويس
    ده من حظنا الحلو عشان تبدأ موضوع جامد زي ده
    وما تنسوش
    أي حاجة عادية تحصل لكم هناك.. تكتبوها هنا

  3. #3
    تاريخ التسجيل
    Aug 2007
    الدولة
    بلد الحبايب
    المشاركات
    418
    معدل تقييم المستوى
    7

    افتراضي

    أهم حاجة إنك رجعت بالسلامة 00



    و مستعجل علي الجيش و دخول المنطقة لية 00 بكره تزهق منهم 00
    Euphoria
    For Ever

  4. #4

    افتراضي

    م انا قلتلك يا مدنجي
    مش النهاردة مش النهاردة
    حصل خير

    احنا بقى دخلنا منطقة التجنيد و فضلنا قاعدين
    و راحوا نادوا على اسامينا و في ناس ماسمعتش اساميها
    بقوا عساكر
    هما اتنين بس اطباء مش عارف ليه و ازاي قدرهم كدا
    و بعد شوية جابوا ملفات صفرا و نادوا على اسامينا و راجعوا الصور اللي في الملفات بشكلنا
    و بعدين نادوا علينا تاني و تالت
    و بعدين دفعنا 2 جنية كل واحد و اخدنا بيهم وصل
    و بعدين عملوا الكارنيهات و نادوا على واحد واحد
    معاك الوصل
    اه
    طيب امشي خلاص و تبقى يوم الخميس الصبح الساعة 7 في كلية الضباط الاحتياط
    طب و الكارنية مش هانستلمه
    لأ
    هاتستلمه هناك على البوابة
    طيب
    عادي
    سلام
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  5. #5
    تاريخ التسجيل
    Mar 2007
    الدولة
    cairo, egypt
    المشاركات
    3,644
    معدل تقييم المستوى
    11

    افتراضي

    لا منبهرة جدا
    اهلا بضباط الاحتياط الدكاترة فى عالم _العاااااااادي_
    دكتور مدنجى الموضوع موضوعكم اولا واخيرا
    شرف ليا انكم تشاركونى فيه

    معلش كان الله فى عونكم
    مستعجلين ليه بس
    المثل بيقولك ايه
    كل تأخيرة و فيها خيرة _الا فى الزواج و الثمرة_

    صحيح اوعوا تقلعوا النضارة بأى حال من الاحوال ده بتعمل هيبة
    و الله سبحان الله
    _البنات يولعوا فيها بجاااااااااز_


    الله معكم
    سيبتكم بعافية


  6. #6

    افتراضي

    بمناسبة كوليكشن غيظ الجيش
    نبدأ من أول مراحل التجنيد

    شوية حاجات عادية
    حصلت و اتناقشنا فيها قبل كده
    بس علشان الموضوع يبقى ملف كامل لينا

    http://www.medicine.cu.edu.eg/englis...D%C9+%D4%D1%DD



    ملحوظة علشان حكاية هيبة النضارة

    انا من غير نضارة
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  7. #7
    تاريخ التسجيل
    Mar 2007
    الدولة
    cairo, egypt
    المشاركات
    3,644
    معدل تقييم المستوى
    11

    افتراضي

    يا نهاااااااااااار يا نهاااااااااار

    مش هتعرف تركبنى الغلط يا دكتور ارو برده
    اماااال

    عااادي جدا

    انا فى الشارع برزع العدسات و برده ليا هيبة
    و كتير ان ما كانش على طول بسمع تعليق
    دكتورة يا اخوااااتى!!
    يا دكتورالطبيب ده سبحان الله بيبقى باين عليه
    واخد ختم نسر و شعار الجامعة ورمز الكلية
    فعلا نفسي اعرف السبب

    احنا بس ندور كويس
    فين الهلال الاحمر

    الهيبة مش هيبة نضارة يا دكتور و لا ايه
    _انا كنت بعلق فعلا على دكتور مدنجى و اللى لابسين نضارة_
    يا دي الخيبة
    طلعت محقوقالك يا دكتور
    تاااااخد نضارتى؟!!


  8. #8
    تاريخ التسجيل
    Oct 2006
    الدولة
    القاهرة
    المشاركات
    2,907
    معدل تقييم المستوى
    10

    افتراضي

    اقتباس المشاركة الأصلية كتبت بواسطة broken nonna مشاهدة المشاركة
    يا نهاااااااااااار يا نهاااااااااار

    مش هتعرف تركبنى الغلط يا دكتور ارو برده
    اماااال

    عااادي جدا

    انا فى الشارع برزع العدسات و برده ليا هيبة
    و كتير ان ما كانش على طول بسمع تعليق
    دكتورة يا اخوااااتى!!
    يا دكتورالطبيب ده سبحان الله بيبقى باين عليه
    واخد ختم نسر و شعار الجامعة ورمز الكلية
    فعلا نفسي اعرف السبب

    احنا بس ندور كويس
    فين الهلال الاحمر

    الهيبة مش هيبة نضارة يا دكتور و لا ايه
    _انا كنت بعلق فعلا على دكتور مدنجى و اللى لابسين نضارة_
    يا دي الخيبة
    طلعت محقوقالك يا دكتور
    تاااااخد نضارتى؟!!

    واحد صحبي معايا في نفس الفصل من يوم ما كنا في الحضانة
    مكنش بيلبس نضارة
    و نظره كان 6/6
    اول ما التنسيق جبله طب راح عمل نضارة علطول
    و بقى ولد كلاسيك اوي اوي اوي

  9. #9
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,756
    معدل تقييم المستوى
    10

    افتراضي

    سعيدة انا جدا جدا
    اول ما دخلت الفورم ولقيت اروناس اونلاين
    ابتسامة كبيرة اترسمت على وشي
    شكله الفورم هيبقى وحش من غيركو وللا ايه؟؟؟

    ازاى الاولاد ؟

    وانا كمان ;)

  10. #10
    تاريخ التسجيل
    May 2003
    الدولة
    إمارة الواء الواء
    المشاركات
    1,217
    معدل تقييم المستوى
    13

    افتراضي

    النهاردة كان يوم ممل
    كنت هناك الساعة 10.30
    التليفزيون جيه يصور
    خللص على 12
    و نادو على الاسماء

    و صلت الساعة 3
    روحت نمت على دكة قصاد الكنتين
    و الساعة 4
    اجمع
    يالا ياشباب بكرة تيجوا الساعة 7 صباحا عشان تعملوا الكارنيهات و تترحلوا للكلية فى اتوبيسات مكيفة

    و انا مروح كلمت الحلاق و فتحلى المحل و بئيت ظلابطة


    و يجعله عامر
    No pain , No gain

  11. #11
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,756
    معدل تقييم المستوى
    10

    افتراضي

    لنهاردة كان يوم ممل
    وانا كمان

    التليفزيون جيه يصور
    وانا كمان


    و الساعة 4
    وانا كمان



    و انا مروح كلمت الحلاق و فتحلى المحل و بئيت ظلابطة



    اييه اكيد مش وانا كمان


    ازاى الاولاد ؟

    وانا كمان ;)

  12. #12
    تاريخ التسجيل
    Mar 2007
    الدولة
    cairo, egypt
    المشاركات
    3,644
    معدل تقييم المستوى
    11

    افتراضي

    ظلابطة!!!
    ماتخافش اظن بداروها بباريه و لا اسمه ايه ده

    دكتور ارو بالذات من اللى هيمشوا و الواحد زعلان انه ماشي
    بالذات انه مضايق
    ربن يفرج همه بصفة خاصة
    و همكو بصفة عامة
    ويهمن ال 45 يوم اللجايين دول عليكم
    وعلينا ان شاء الله


  13. #13

    افتراضي

    الله يعزك و يكرمك يا كلامنتينا


    اتوبيسات مكيفة يا نبيل !!!
    دا احنا محدش عبرنا حتى بحمار حصاوي
    كل واحد يروح بالطريقة اللي تعجبه بعيد عنهم
    ان شا الله نروح مشي و لا يهمهم

    و ايه حكاية ظلابطة دي

    ظلابطة ظلابطة يعني ......؟
    انا جبتها على 2 بس
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  14. #14

    افتراضي

    ربنا يعزك و يكرمك برده يا بروكن نونا

    و الله لو انا اللي متضايق بس مش مشكلة
    المشكلة انها مش فيا انا و مقدرش اعمل حاجة
    متكتف من الاخر
    ادعولنا بس و ادعو للمسلمين اجمعين
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  15. #15
    تاريخ التسجيل
    May 2003
    الدولة
    إمارة الواء الواء
    المشاركات
    1,217
    معدل تقييم المستوى
    13

    افتراضي

    خير يا كلمنتينا : كان فيه ترحيلات عندكوا !!!!


    يا اروناس : موهو احنا موش اى منطقة ، و بعدين كفايه ان احنا اول ناس هناكل هناك
    قالوا يكسبوا فينا ثواب


    و يابركن نونا : فى التدريب بنلبس مظلة ، و فى الفسح بنلبس باره او الكاب


    ظلابطة دى قصدى 3 ميرى اى درجة اولى عند المزياناتية

    و يجعله عامر
    No pain , No gain

  16. #16
    تاريخ التسجيل
    Dec 2003
    الدولة
    لما تحب تزورنا ابقى قولى
    المشاركات
    13,756
    معدل تقييم المستوى
    10

    افتراضي

    لا يا فندم
    مش ترحيلات
    مؤتمر


    ظلابطة


    ازاى الاولاد ؟

    وانا كمان ;)

  17. #17
    تاريخ التسجيل
    Mar 2007
    الدولة
    cairo, egypt
    المشاركات
    3,644
    معدل تقييم المستوى
    11

    افتراضي

    ايه مظلة؟
    مظلة اللى بتقفزوا بيها ده ولا ايه؟

    هى معلش التدريبات ده اصلا عبارة عن ايه؟
    معلش فضولي يقتلنى
    100 سويدي
    500 بطن
    1000 عقلة
    و لا ايه مش فاهمة؟!!


  18. #18
    تاريخ التسجيل
    May 2003
    الدولة
    إمارة الواء الواء
    المشاركات
    1,217
    معدل تقييم المستوى
    13

    افتراضي

    لو هتروح لوحدك : اركب اتوبيس اسماعيلية من محطة الدولية اللى ورا مصلحة السجون فى احمد عرابى
    اتوبوس كل نص ساعة
    و من اسماعيلية خد :
    اتوبيس اسماعيلية السويس الصحرواى : و قول للسواق نزلنى قدام باب الكلية
    او خد اى تويوتا او بيجو برده سويس صحراوى و برده قولله نزلنى اما البوابة
    و يجعله عامر
    No pain , No gain

  19. #19

    افتراضي

    اقتباس المشاركة الأصلية كتبت بواسطة nabilprofelgen مشاهدة المشاركة
    لو هتروح لوحدك : اركب اتوبيس اسماعيلية من محطة الدولية اللى ورا مصلحة السجون فى احمد عرابى
    اتوبوس كل نص ساعة
    و من اسماعيلية خد :
    اتوبيس اسماعيلية السويس الصحرواى : و قول للسواق نزلنى قدام باب الكلية
    او خد اى تويوتا او بيجو برده سويس صحراوى و برده قولله نزلنى اما البوابة
    و يجعله عامر

    ربنا يجعله عامر على طول
    يعني كده مافيش مواصلات مباشرة من القاهرة ؟؟؟؟
    قالولنا ان في من المحطة الولية لفايد علطول هاينزلك قدام الكلية؟؟؟؟
    و في ناس بتقول في مواصلات من المرج؟؟؟؟؟
    فَلا تَرْجِعُوهُنَّ إِلَى الْكُفَّارِ
    http://www.kamiliashehata.com/

  20. #20
    تاريخ التسجيل
    May 2003
    الدولة
    إمارة الواء الواء
    المشاركات
    1,217
    معدل تقييم المستوى
    13

    افتراضي

    ربنا يكتر مؤتمراتكم كده ويكون البوفيه بتاعه اوبن كمان و كمان ياكلمنتنيا

    و مالوا يعنى ظلابطة ، ما جنابه مدلع احبابه كان ظلابطة برده

    مظلة دى و بروكن نونا هى طقية برده بس مصممة بشكل معين

    التمارين بئه موش عارف اكتبها بس هيه مختلفة تماما عن الفديوهات الللى اتبعتت من كام يوم

    و يجعله عامر
    No pain , No gain

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •